فەرمانداریی هەپەگە پڵنگ زەردەشت واتش: "بنەیانەو بارزانی کە گرد سەردەمێوەنە بیێنێ بایسوو زەرەریاونای بە گەلەکەیما، ئینێ پلێ وەنەپێتەیۆنە و وەرپەرسێ گردوو هەرمانەکاشانێ. تاوانەکێشا فرێنێ و ئیتر گەلەکەما ناچار نییەن ورگێروو تاوانەکاشا بۆ."
جەنگوو ئەرەگیرکاری و لکنای پانیشتوو کوردستانی بە تورکیایوە ڕاو ئا چەتاوە، کە مەنتێقەکاو جەنگینە وەرکەوتوو دلێڕاسەیوە ئاریێنێ، یەرە مانگی ویەردەنە یاوا خۆفناکتەرین ئاستوو وێش. ئا ستاتۆوەو گەلوو پانیشتوو کوردستانی کە بە قوربانیدای دەیان هەزار گەشمەردا و بەدیلی گەورەیوە بەدەس ئامان، بۆنەو خیانەتەکاو بارزانییەکاوە ڕووبەڕوو تەرسەو دلێنەشییەی بییەنۆ. بە دزەکەردەی سیخوڕەکاو میتی پەی دلێ گردوو دامودەزگا و پێکئامایەکاو کوردستانی، بەتایبەتی بادینانی کەوتەن چێروو ژێر دەسەڵاتوو دەوڵەتوو تورکیوە. پڵنگ زەردەشت، یۆ جە فەرماندەکاو (هەپەگە)ی پەی بۆ ڕۆنامەو یەنی ئۆزگور پۆلیتیکای باسوو پەشتەو پەردەو خیانەتەکاش بە گەلوو کوردی و دمایین چێوەکا کەرد.
پڵنگ زەردەشت ڕۆشن کەردۆ، کە دەوڵەتوو تورکی دەوروو بەڵێندەری لاوەکی کارای موینۆ دەسوستەینەکا وەرکەوتوو لێڕاسەینە بەمەبەسوو دەربازبییەی چا قەیرانە سیستماتیکییەو زلهێزە هەژموونوازە جیهانییەکانە ئەزموونمکەرا و واتش: "ئامانجی ستراتیژییشا ئەرەگیرکەردەی کوردستانی و لکنای و کۆکوشیی مەنتێقەکەیا. ئی سیاسەتێ بە شێویوی سەرەکی سەروو بنەماو دەسوستەینەی زلهێزە هەژموونە جیهانییەکا مەنتێقەکەنە دەسش پەنە کەردەن. تا قەیران و جەنگ مەنتێقەکەن قووڵتەرێ با، سیاسەتی کۆکوشیی زیاتەر پەرەش پەنە مدریۆ. حەر وەروو ئینەیچا کە تیمی نیمچە سەروازی تاوانکار وەش مکەرانە و گرد یاگێوەنە بەردەوامیی بە ئاژاوە و ملەملەکا مدانە. پەوکای پەنەوازا سیاسەت و کۆشیای دژوو ئی پیلانا ئاستوو جیهانینە وەڵا بۆوە.
زەردەشت ئاماژەش کەرد، کە هجوومەکاو ئەرەگیرکاری و ئەرەبڕیەی دەوڵەتوو تورکی پەی سەروو پانیشتوو کوردستانی بەبێ ڕەزامەندیی ئەمریکای و هامپەیمانەکاش نمەکریۆ و درێژەو قسەکاشنە واتش: "گرد چێوێ بە هاگاداریی ئەمریکای و ناتۆی مکریۆ، جە ئەنجامەنە سوپاو تورکی سوپێوی ناتۆیەنە. پەدەکە ئەرەگیرکەرا هورمچنۆ و بەهانێ پەی ئەرەگیرکارییەکاشا مارۆوە. چی چوارچوەیچەنە هجوومەکێ پەی سەروو سوریای و وەرنیشتوو کوردستانیچ ڕووە مدانە. سوپاو تورکی بازگەو کۆنترۆڵکەردەی شناسنامەو هاموەڵاتاش نیانرە جە دەوروبەروو بڕێو جە شارەکانە بەتایبەتی هەرێموو بادینانینە و وێشا جە گردوو ئەرەمەرزیایەکانە ئەرەنیشتە کەردەن. هەرکەسێو خزمەتشا نەکەرۆ دلێنە مشۆ. بە واتەی"من تەنیا دژوو پەکەکەی مجەنگیەو"، دروێوی گەورێنە پەی خەڵەتنای خەڵکی، تا کوردستانی هەمیشەیی ئەرەگیر بکەرۆ و بوزۆنەش چێروو دەسەڵاتوو وێشۆ، بە گردوو توانایشەوە هەوڵێ هجوومی و کۆکوشی مدۆنە. بە تایبەت گەلەکەما پانیشتەنە پەنەوازا ئی ڕاسییە بوینۆ و پاسە نزیک بۆوە. وەراوەروو ئی هجومانە، بە شێوێوی جەماوەری، پەنەوازش بە کاردایوەی کاریگەری هەن.
هەرپاسە زەردەشت ئاماژەش پانەیچە کەرد، بۆنەو ئانەیوە کە یۆگێرتەیی دەوڵەتوو عێراقینە نییەن، تواناو متەیرەی سیاسەتێوی دروسی نییەن و واتش: "تا ڕاددێوی دیاریکریا دەوڵەتوو عێراقی ڕاش بە هجوومەکا پەدەکە ئیساتێنە گرد بوارێوی هامکاریی دەوڵەتوو تورکی مکەرۆ. گرد هەوڵێوەش دێنە تا ئامادەکارییەکاش دژوو گەریلای هجوومە ئەرەگیرکارییەکا پووچەڵ بکەرۆوە. دەسش ملوو دەمامکوو دژە گازە کیمیاوییەکارە گێرت، کە نەیاوۆ دەسو گەریلاکا. بە هەماهەنگییوە گردوو هجوومەکاو دەوڵەتوو تورکی تەنانەت جە هجوومو فڕۆکە بێفڕۆکەوانەکایچۆ هامکارییش کەردەن. پەدەکە هەر جارێ فرسەتش پەی خونچیابۆ، هجوومش کەردەن سەروو تەڤگەروو ئازادیی کوردستانی. بڕێو جارێ بە چەک و بڕێو جارێ بە سیاسەت و بڕێو جارێ ڕاو دیپلۆماسییوە ئا هەرمانێشە کەردێنە.
ڕابەر ئاپۆ و جمیەروو پەکەکەی پەی بەرئاردەی پەدەکەی خەتەو هامکاری و خیانەتینە فرە مانیێ، چا سەردەمەنە هەلومەرجوو دلێ مەنتێقەکەی و میاندەوڵەتی پەی ئینەیە گونجیابێ. بەڵام پەدەکە بەرژەوەندیی تاکەسییشوست وەڵێ بەرژەوەندیی نەتەوەییوە. ساڵانە سەروو دەسکەوتەکاو پەکەکەیوە مژیوانە. پەدەکە و بەتایبەت بنەیانەو بارزانی ئینێ دۆخوو وەنەپەرسایوەنە و وەرپەرسێنێ جە گردوو ئا شکسا بیێنێ بایسوو جەدسدای دەسکەوتەکاو گەلەکەیما. گوناهەکێشا فرێنێ و ئیتر پێویس نمەکەرۆ گەلەکەما ئی ئەم گوناحا قبووڵ بکەرۆ."
پڵنگ زەردەشت فەرماندەو هەپەگەی درێژەو قسەکاشەنە ئەرەیاوناش، گەلوو کوردی گرد یاگێوەنە وەر بە هجوومەکا مگێرۆ و واتش: "ئی کۆشیایە پێویسیش بە فراوانکەردەی هەن. چونکوم هجووموو ئیساتێ سەروو کوردستانی نەک هەر ئایندەو گەلوو کوردی دیاری مکەرۆ، بەڵکوم ئایندەو گردوو گەلاو مەنتێقەکەیچ دیاری مکەرۆ. پی مانێ هەرمانەو گرد کەسێوەنە بە هەرمانەی تارێخییە و وەرپەرسیی گەورەو وێش بورزۆ. ئا هەرمان و چالاکی و کۆبییەیوەی گەلەکەیما ئەورووپانە، کە پەی ئازادی ڕابەر ئاپۆی و چارەسەروو کێشەو کوردی ملۆنە ڕاوە، فرە گرنگا و بییەن بایسوو ئانەیە جە ڕووەو سیاسییوە دۆسەکێما ئەوروپانە بگنانە وەڵێ. ئادێ فرسەتوو ئانەیشا هەن بیاوا حەر کەس و لایەنێوە جیهانەنە. یاونای ویرۆکەی و فەلسەفەو ڕابەر ئاپۆی بە گەلاو جیهانی فرە گرنگەن. ئجۆما جە پڕۆسەکاو ماتەرینە زیاتەر چی بوارانە کۆشیای بکریۆ.
ئێمە پێسەو گەریلاکاو ئازادیی کوردستانی، تا بیمێ بە قابلێ وەرپەرسییە شۆڕشگێڵنییەکاو سەردەمی و بەدیئاردەی چەمەڕوانییەکاو ڕابەراتیما، گەشمەردا، هامڕایاو زیندانیما و گەلەکەیمان سەرەمڕ مکۆشییەیمێ و هەرمانەو گەلی شۆڕشگێڵنیی بەبنەما مگێرمێ. سەروو ئا بنەمێوە بە ڕێزدارییوە سڵام ئاراسەو گەلەکەیما و هامڕایامامکەرمێ، کە گردوو بوارەکاو کۆشیایەنە ئینێ هەوڵێ بەیاگەیاونای هەرمانەکاشانە و هومێدوو سەرکەوتەیشا پەی موازمێ."
