عەبدولڕەحمان ئەلدخیویژ، ئەنداموو ئەنجومەنو هەرێموو ۋەرکۊتوو دێرەزۆری، ئەرەیاۋناش، گەل متمانەش بە ئیدارەو ۋېڕاوەبەری و قەسەدەی لاواز نەبیەن، هیچ هرووژمېوە نمەتاوۆ یەکڕیزی گەلا تێکبڎۆ، حەرپاسە ئاماژەش پانەیچ دا کە یۊگێرتەیی گەلا هرووژمەکا پووچۍ مکەرۆوە.
هەرێموو دێرەزوری دماو ڕزگارکەردەیش جە دەسو چەتەکا داعشی، سەرو بنەماو ئەنجوومەنی و کۆمۆنەکا جە چوارچێوەو سیستەموو ئیدارەو ۋێڕاوەبەرینە سیستەموو ۋێڕاوەبەری ۋێش ئەرەمەرزنا. بەڵام چی دماییەنە هرووژمەکۍ پەی سەرو ئی هەرێمەیە و سیستەمو ئیدارەو ۋێڕاوەبەری زیاڎشا کەردەن. ئەنداموو ئەنجومەنوو هەرێموو ۋەرکۊتوو دێرەزوری، عەبدولرەحمان ئەلدخیویژ، سەبارەت بە هرووژمەکا سەرو کانتۆنو دێرەزوری پەی ئاژانسوو هەواڵوو فوراتی قسێش کەردۍ.
**
ئەلدخیویژ جەختش چانەیە کەردۆ کە دماو پەرەئەسای ڕاوەبەرایەتی خۆسەری گرڎوو پێکئامایەکا هەرێمەکەی یۆبیەی ۋێشا جە دەورو ئی سیستەمەیە دەس پنەکەرد و ئاماژەش پانەیچ دا کە دێرەزور جە ڕوو جوگرافییوە گۊرەن و ناوچێوە کشتوکاڵییا، شۊنەو ئازاڎکەردەی دێرەزوریرە مۆزایکو گەلا وەش بی کە چنەشەنە گەلا، ئایین و بیروباوەڕیەکا ناوچەکەی پېوەرە ژیۋایشا دەس پنەکەرد و ئی سیستەمەیچە بەمتمانێوە قەوەتۆ ئەرەمەرزیا. گەل جە ۋەرا ۋەرو دەسوەڵێوستەی سیاسی و هرووژمەکا سەرو دێرەزورینە قەوەتتەر و یۊگێرتانە هەڵسوکۆتش کەردەن و ئاماژەش پانەیچ کەرد کە هرووژمەکۍ ئی دماییە کاریگەریێوە فرەشا سەرو گەلی نبۍ و متمانەو گەلی بە ئیدارەو ۋێڕاوەبەری لاواز نەبیەن.
"پڕوپاگەندەکۍ بە مەراموو وەشکەردەی ئاژاوەگێڵنیێنۍ جە ناوچەکەنە"
ئەلدخیویژ جە درێژەو قسەکاشەنە واتش: "پڕوپاگەندەو جبەری دژ بە حەقەتینەکان و پڕوپاگەندەکۍ بەمەبەسوو ئاژاوەگێڵنیی ئەنجام مڎریا. و بڕۍ دەزگۍ ئەرەیاۋنای جە مەسڵەحەتو ئا هێزانە کار مکەرا و واتش، شۊنەو ئازاڎکەردەی دێرەزوریرە جە لایەنو هێزەکاو سوریای دیموکراتیکیوە ئەنجوومەنوو یاسا نیایرە و دادوەری و جابەجێکەردەی پێکئاما. ئیساتێچ بە پاو ئا ئەنجوومەنەیە هەرمانەکۍ ملاڕاوە و ئامانجش خزمەتکەردەی گەلین.
" ئیراڎە و باوەڕی گەلی بە قەسەدەی بەردەواما"
ئەلدخیویژ، ئاماژەس پانەیە کەرڎ کە حکومەتو تورکی و حکومەتو دیمەشقی و بڕۍ جە هێزە هەرێمییەکا هەوڵو وەشکەردەی پشێوی مڎا جە دێرەزورەنە و واتش، ئا هێزۍ سیاسەتو جەنگی تایبەتی دژوو سیستەمو ۋێڕاوەبەری پەیڕەو مکەرا بەڵام زیاتەر جە ٥٠٠ هەزار کەسا جە ناوچەکەنە مزیۋا کە دەورو سیستەموو ۋێڕاوەبەری دێرەزوورینە کوۍ بیێنێوە و جەختش چانەیە کەردۆ کە گەل بە گرڎیی ڕۆ دماو ڕۆی متمانەش پی سیستەمەیە ئینا زیاڎ بیەینە. گەل بە هیچ جۊرۍ باوەڕیش بە ئیدارەو ۋێڕاوەبەری و هێزەکاو سوریای دیموکراتیکی جە دەس نەڎان. بەڵکم ئی هرووژمۍ متمانەما بە یۆگێرتەیی، هێزی وەرگیری و ئیدارەییما زیاتەر مکەرۆ. هەرکەس و لایەنێوە دژو سیستەمو گەلی بۆ و ئەمنیەت بوزۆ مەترسیۆ، دژمنوو ژمارە یەک و گەلین. گەل ئینا چنی هێزەکاو سوریای دیموکراتیکی و ئاماڎەو ۋەرپەرچدایۆ هرووژمەکا و پارێزنای هەرێمەکەینۍ و جە ۋەرا ۋەرو گرڎ جۆرە هرووژمېوەنە مڎرامان مکەرمۍ."
