جەنگەوانا ئازاڎیی کورڎەسانی بە هەستوو حەقکەردەیۆ بەشدارۍ جەنگی مبا، ئیساتۍ جە کەشەکا کورڎەسانینە جە هەر ساتێوەنە مڎرامانی تاریخی مکریۆ. جەنگەوانا فیدایی کە قوربانی گۆرە مڎا، جە ٤٠ ساڵینە درێژە پا ئەرەکۊشایە مڎا کە فەرماندە عەگید دەسشپنەکەردەبۍ. جە ۋەرا ۋەرو دەوڵەتو تورکی ئەرەگیرینە مڎرامانێوە تاریخی مکەرا. یۆ چا جەنگەوانا شەڕڤان کۆرکمازا کە باس جە کاریگەری هەڵمەتەو ١٥و ئابی مکەرۆ.

گەریلا شەڕڤان کۆرکماز جە سەرەتاو قسەکاشەنە جەژنەو ژیۋایۆیش جە رابەرو گەلوو کورڎی عەبدووڵا ئۆجالانی، ۋېڕاگراو زیڼانەکا، گەلوو کورڎی و جەنگەوانا جە سەنگەرەکانە پیرۆزە کەردە و واتش، "دماو ئانەی بەشداریم جە ریزەکا ئەرەکۊشاینە کەرد، من دمانامۍ هەڤاڵ عەگیدیم پېسە دما نامۍ ۋێم هۆرچنی، ۋەرووئانەی کاتێ هەڤاڵا باسوو هەڤاڵ عەگیدی کەرێنۍ، فرە کاریگەریش سەر وەشکەردا. سەرو بەشداریکەردەی جە جەنگی و ژیۋای ئاڎیی فرە ویرم کەردۆ. دماو ئانەی هەڤاڵ مەزڵوم دۆغانی مشناسۆ  قەرارو بەشداری مڎۆ. هەڤاڵ عەگید بە گوللێوە ئاستوو جەنگی دیاری مکەرۆ، سەرمەشقایەتیش پەی سوپاکێما کەرد. ئێمە سەرو ئا بنەمایۍ ئەرەکۊشمۍ و سەرو ڕاو فەرماندەی گۊرەیما عەگیدی و زیلانۍ ڕا مکەرمۍ. من گەرەکم بۍ بوو بە جەنگەوانۍ پېسە هەڤاڵ عەگیدی، هەرپۊکەی دمانامۍ ئاڎیم هۊرچنیە. منیچ پېسە هەڤاڵ عەگیدی گەرەکما بوو بە فەرماندێوە جەنگی.

وەختۍ کە یاداشتەکۍ هەڤاڵ عەگیدیم ۋەنێوە، من عالتەر چاڎیی یاوانینە و پا مەڵامەتۆ دڵسۆزی و وەفاڎاریم پەی پەکەکەی زیاتەر بی. ئا چالاکیۍ جە بۆتانەنە کەردێش، هۊرسەنگنایەکێش جە گلێرۆبیەکانە فرە کاریگەریشا سەرو من نیارە. هەڤاڵ عەگید جە یاداشتەکەیشەنە باس جە گرڎوو یاڎەوەری و ئەزمونەکاش مکەرۆ. هەر کە یاداشتەکۍ هەڤاڵ عەگیدیم ۋەنێوە، زیاتەر هێزم چنە هۊرگېرت. ئا هەڤاڵۍ تازە بەشداری مکەرا زیاتەر جە ڕاو یاداشتەکاشاوە هەمڕا گەشمەرڎەکا مشناسا و ئەزمونوو ئاڎیشا پەی ۋێشا بە بنەما مگېرا. پېسە گەریلاکاو ئازاڎیی کورڎەسانی سەرو ڕاو هەڤاڵە گەشمەرڎەکاما ڕا مکەرمۍ و ئاڎیشا پەی ۋێما بە نمونە منیەیمێرە. تا دما هەناسەما سەرو رێبازو هەڤاڵ عەگیدی و زیلانۍ هەنگامە منیەیمۍ و میاومۍ بە سەرکۊتەی. قەسەم و ئامانجما ئانەنە کە ئەرەگیرا چی خاکەنە بەرۍ پڕنمۍ. تا ئا وەختەی دژمنی جە کورڎەسانەنە بەرۍ مکەرمۍ درێژە بە ئەرەکۊشای ۋێما مڎەیمۍ. سەرو ئا بنەمایۍ سڵام و وەشەسیایما پێشکەش بە رابەر ئاپۆی و هەمڕایا دلۍ سەنگەرەکا مکەرو کە دژوو دژمنی ۋێڕاگری مکەرا".