گەریلاکاو ئازادیی کوردستانی بە ڕۆحی فیدایی سەردەمی و مدرامانی ئەفسانەیی، دژوو گرد نۆعە هجوومەکاو دەوڵەتی ئەرەگیروو تورکیوە وێگێری مکەرا، ئا گەریلێ کە جەنگی گەورەنە بەشدارێنێ قسێ پەی ئاژانسوو هەواڵوو فوراتی مکەرا.  

گەریلاو هەپەگەی سیپان روکەنە، باسوو مدرامانوو گەریلایەکاش پانیشتوو کوردسانینە کەرد و واتش،" پێسە مزانیۆ سوپای ئەرەگیرەو تورکی هەرێموو پانیشتوو کوردسانینە درێژە بە ئەرەگیرکارییەکاش مدۆ. ئامانجوو هجوومەکا کۆچکەردەی گەلوو کوردین و ئەرەگیریی هەرێمەکەی، وەلێ ئانە کە وەراوەرش مدرانۆ مدرامانی گیانبازانەو ڕابەر ئاپۆی و جمیەروو ئازادینێ. حەر پەوکای دوژمن هجوومەکاش پەی سەروو ڕابەر ئاپۆی و گەریلاکاو ئازادیی کوردسانی بە گردوو دڕندەیی وێشۆ درێژە مدۆ پەنە. با دوژمنی ئەرەگیریچ ئانەیە بزانۆ ئێمە هیز جە ڕابەر ئاپۆیوە هورمگێرمێ و پا هێزەوە گورزی گەورە وەنەو ئەرەگیرا مدەیمێ، تونێلەکاو جەنگینە مدرامانێوە بێهامتا کە نموونەش نییەن مکریۆ".

'ئێمە چەنی گەلەکیما سەرمگنمێ'

گەریلا سیپان روکەنە ئانەش وست ڕووە، کە سوپاو دەوڵەتوو تورکی ئەرەگیری، بە هێز و تەکنیکی بێسنوور هجوومێ مکەرۆ، بەڵام وەردەموو مدرامانوو گەریلاینە نمەیاوۆ ئەنجام و بوردەوام بی و واتش:"

دوژمن  جە گورزوو هامڕایەکاما نەجاتش نمەبۆ و ئێمە ئیتر بە شێوازی گەریلای پسپۆڕ قووڵایی جوگرافیاو کوردستانینە جممێوە و گردوو تەکنیەکاو دوژمنی پووچەڵێ مکەرمێوە و هامرێما ئیساتێ هەرێموو ئامێدیینە زەمین و عاسمانۆ سوپاو تورکی ئەرەگیریشا یاونێنە بنبەس و نمەتاوا وەراوەروو ئا مدرامانە شکۆدارەینە بیاوا ئەنجام. پەوکای مێوی و باخ و دارسان و دەگایەکاو هاموەڵاتا مکەرانە ئامانج و مسۆچناشا و خەڵکی ناچاروو جیا ئاساتەی یاگەکاشا مکەراوە بە هامکاری پەدەکەی. داواو ئێمە پەی گەلە وەڵاتپارێزنەکەیما ئانەنە، کە پەنەوازا گەلەکەما نازا سوپای ئەرەگیرەو تورکی و هێزەکاو پەدەکەی بەئاسوودەیی سەروو خاکوو کوردسانیوە بازرگانی بکەرا، پەنەوازا گرد لاێوە چالاکی و وێنیشانەدای بیاونا یاگێ و ئێمە بڕواما هەنە کە چەنی گەلەکەیما سەرێمگنمێ".

مشۆم دژوو هجوومی ئەرەگیری گەنجێ بەشداری ڕیزەکاو گەریلاینە بکەرا

گەریلا رۆنی دێرسیم باسش کەرد، کە سوپای ئەرەگیرەو تورکی هەرێموو مەتینای، زاپ، ئاڤاشینینە هجوومی ئەرەگیریی وەرفراوان مکەرۆ و پێسە درێژەش دا: "گەریلاکاو ئازادیی کوردستانی دژوو ئا هجووما ئینێ چالاکیی قەوەتنە، چالاکیێ فرە کاریگەرێ لاو گەریلاکاوە مکریا، سەروازاو تورکی ئەرەگیری جە هێز و مدرامانوو هامڕایاما متەرسانە، دیمەنوو چالاکییەکانە ئانە بەرمگنۆ کە چەنی مڕەما، گرد لاێوە ئا ڕاسییە مزانا، کە گەریلا ساعیبوو ئا کەشانە، پەوکای سەروازێ ئەرەگیرێ نمەتاوا وەراوەروو گەریلایوە وێگێری بکەرا. ئینە ڕۆشنا، کەشوو بەهاری و سەرگەلێنە سوپاو تورکی تەرسەو گەریلاینە لوێنێرە چێروو زەمینی و پینەیچ نە چێروو زومینی و نە سەروو زەمینیوە تەرسەو گەریلاینە نەجاتشا نمەبۆ.. سوپاو تورکی ئەرەگیری پانیشتەنە پەشتیش بە پەدەکەی قایمەنە، پەنەوازا گەلەکەما ئا راسییەو خیانەتوو پەدەکەی بزانۆ و بەپاو ئانەیە وەراوەوروو خیانەتیوە کۆشیای وەرفراوان بکەرۆ و مشۆم گەلەکەما و گەنجێ کوردێ دژوو هجوومە ئەرەگیرییەکا بەهەڵوێستێ با، دژوو هجوومە ئەرەگیرییەکا شانە بدانە وەروو وەرپەرسی و بەشدارێ ڕیزەکاو گەریلای با، راو مدرامانیوە ئەرەگیرا ماڕمێ".