و ئابی جەژنەو ژیوایوە کوردی هەرێمەکاو پارێزنای میدیاینە بە مەراسیمێوە مەبارەکە کریا.

 عەگید ڕەشید جە فەرماندەکاو گەریلای باسوو گرنگیی ئا هەنگامە تارێخیێشە کەرد و کەسایەتیی فەرماندەی ئەفسانەیی گەلەکەیما هامڕا عەگید (مەعسوم کۆرکماز)ینە گردوو گەشمەرداو ئازادیی کوردسانیش یادێ کەردێوە و هەنگامەو ١٥و ئابیش وەنەو ڕابەروو گەلوو کوردی عەبدوڵا ئۆجالانی، گەریلاکاو ئازادی و گەلوو کوردی مەبارەکە کەردە.

عەگید ڕەشید ئەرەیاوناش: "ڕاو سەرکەوتەی هەنگامەو ١٥و ئابی بە گەریلایرە مویەرۆ و واتش، ڕۆحوو ١٥و ئابی ڕۆحوو هەقسانایۆن، پێسەو گەریلاکاو کوردستانی حەرگیز ونەو گەشمەردا سەروو زەمینیوە نمازمێوە. ڕۆحوو ١٥و ئابی ڕۆحوو هەقسانایوەی دێرسیم، کۆچگری، ئاگری و زیلانێن ڕۆحوو هەقسانایوە شیکاک، هەڵەبجە، شەنگالی و بارزانین. ڕۆحوو هەقسانایوە هەزارا ساڵەین.

عەگید ڕەشید ئا گەریلیشە یادێ کەردێوە کە چالاکیی فیداییشا کەردەن و واتش:" وەعد بە ڕابەر ئاپۆی و گەشمەرداو کوردستانی و گەلوو کوردی مدەیمێ، گەریلاکاو ئازادیی کوردسانی تا مسۆگەرکەردەی ئازادیی ڕابەر ئاپۆی و کوردسانی درێژە بە کۆشیای وێشا مدا".

دماو قسەکاو فەرماندە ڕەشیدی، گەریلێکێ بە واتەی دروشما دڵسۆزییشا پەی رابەر ئاپۆی و گەشمەردا بەروست و مەبارەکباییشا وەنەو یۆترینی کەرد و بە ئاوازی کوردیوە هورپڕێ.

ڤیدیۆو مەبارەکباییەکەی کەناڵوو گەریلاینە وەڵا کریاوە.