شارو هامبۆرگو ئەڵمانیاینە دەیان کورڎەسانیۍ و دۆسەکێشا بە درووشمەو "ئازاڎیی  پەی ڕابەرو گەلوو کورڎی عەبدوڵا ئۆجالانی" کوۍ بیێوە و جە ناوەندو شارەکەینە ماراسۆنشا ئەنجامدا.

چالاکا فانیلەو "ئازاڎیی پەی ئۆجالانی (Freiheit Für Öcalan) شا پۆشۍ و جە (Hamburg Europa Passage) دەسشا بە ماراسۆنی کەرڎ، جە جاڎە شلۆقەکا شارەکەینە ٧ کیلۆمەترۍ بڕەمۍ، واوەی گێڵێوە پەی (Hamburg Europa Passage) و ماراسۆنەکە دمایش پنە ئاما.

چالاکا ئەرەیاۋناشا تەمامو مانگەو تشرینو یووەمی ڕاپیمای ئازاڎیی بە درووشمەو "ئازاڎیی پەی ڕابەر ئاپۆی" جە سەڎان شارۍ ئۆروپاینە بەردەوام مەبۆ.

چالاکا جە چوارچێوەو ئا زنجیرە چالاکییانەی کە تا ١٠ و تشرینو یووەمی بەردەوام مەبۆ کە ساڵیاڎو هەڵمەتەو "ئازاڎیی پەی عەبدوڵا ئۆجالانی، چارەسەری پەی پەرسو کوردین"، گرڎ ڕووۍ جە شارێوە جیاوازەنە وەڵاکراوۍ بەشۍ مکەرا و مېزەو هوشیاری منیارە و ڕاپیمای مکەرا.