ئیدیتۆری ئەڵمانی کتێبو 'ئازدی سەرگنۆ' ڕیمار هایدەر ئاماژەش پانەیەدا،  جە کاتێنە جەهانەنە فاشیزم پەرەش سانان، فکرەکێ ڕابەرو گەلو کوردی عەبدوڵا ئۆجالانی بیێنێ بە یاگێ-هیواو گەلا.

گفتوگۆ و هورسەنگنایەکێ دەربارەو ئشناسای کتێبو 'ئازادی سەرگنۆ-عەبدوڵا ئۆجالانی' بەردەواما.

کتێبەکە جە لایانو نویسەری سکۆتلەندی شیان میشیل ویلسۆنیۆ نویسیانۆ و ڕیمار هایدەری ئەڵمانی ئیدتۆرو کتێبەکەین.

چابارۆ هایدەر ئاماژەش پانەیەدان پەیوەندی و نزیکایەتییەکێ دەورو کتێبەکەی فرە خاسۍ بیێنۍ، چونکە گرنگی کتێبەکەی ئینا چانەینە بەشێوەو وێنە-ڕۆمانی ئامادەکریان و گرد کەسێ بە ئاسانی  میاوۆشەنە.

'گردوو گەلا پەشتگیری جە عەبدوڵا ئۆجالانی مکەرا'

هایدەر جە قسەکاشەنە دەسنیشانشکەرد کە جە زانکۆکانە پێشوازیێوە خاس جە کتێبەکەی کریۆنە و واتش: "فرەو خونکارە بەشدراکا پارێزنامەکاو عەبدوڵا ئۆجالانیشا وانێنێ و فرەیشا کەوتێنێ چێرو کاریگەری فکری و ئایدۆلۆژیی.جە  زانکۆ و کامبریجینە بەشداربیەکێ گفتوگۆیێ فرە قەوەتشا کەردەن. گرنگی فکرەکا عەبدوڵا ئۆجالانی پەی خونکارا ئینا کاتێنە کە جیهان بە تەوژمێ فاشیستی قەوەتەرە ویەرۆ، پۆکەی پارادایمەکێ بیێنێ بە هیوا پەی شۆڕشو گەلا."

پەی ئازادی ئۆجالانی وێما بیاونمێ بە گردو گەلا'

بەردەوامینە هایدەر ئاماژە پانەیە دا کە گردما کۆکێنێمۍ سەرو ئانەی کە گۆشەگیری قبوڵکریا  نیاو گۆشەگیریچ تەنیا بە ئەرەکۆشای بەردەوام دلێنەمشۆ و واتش: "پەئ ئانەیچ پەنەوازا وێما بیاونمێ بە گردو گەلا جەهانی. ماتەوزێوە فرە هەن، ڕەنگە کوردەکۍ جە ئەوروپانە بە ڕێکوزیێ بیێبا، بەڵام هەڵای سنوردارا، پۆکەی گرنگا ئی ڕێکوزیاییە بیاونمێ بە گردو گەلا جیهانی."

'گرنگی ئەرەکۆشاو کوردی تەنیا نیا جە چەکڎارینە'

جە دما دماینە هایدەر ئاماژەش بە گرنگی و جیاوازی فکرەکا ڕابەرو گەلو کوردی عەبدوڵا ئۆجالانی کەرد و واتش: "جیاوازی عەبدوڵا ئۆجالانی ئینا چانەینە کەپێشینەو وەشکەردەی سیستەمێوە تازە و دیموکراتیکیش هەن، ڕاسا ئەرەکۆشای جە دژو داعشی و ئەرەگیری دەوڵەتو تورکی هەن، بەڵام بناغەو فکرو ئۆجالانی جە ڕوو کاریگەریی فکرییۆ فرە گرنگا." ئاماژەش پانەیچەدا ساڵانێوەن ئاشنایم بە ئەرەکۆشاو گەلو کوردی هەن، بەڵام جە ڕوو فکرییۆ تەمام کۆتەنا چێرو کاریگەری فکری ڕابەرو گەلو کوردی عەبدوڵا ئۆجالانی.