هجوومەکێ دێرەزۆرنە شەرمەزارێ کریێ
کۆکوشیی گرووپە چەکدارەکاو سەر بە حکومەتوو دیمەشقی دەیرەزۆرنە شەرمەزارێ کریێ.
گرووپە چەکدارەکاو سەر بە حکومەتوو دیمەشقی دەگایەکاو دەحلە و جدید بەگاراو وەرکەوتوو دێرەزۆرینە کۆکوشیشا کەرد، پا بۆنەوە ١١ کەسێ گەشمەردێ بیێ کە ژەنی و زاڕۆڵێشا چەنەنێ و ٥ کەسێچ بریندارێ بیێ، کۆکوشییەکە شەرمەزار کریا.
حەسەکە
سەرۆکوو عەشیرەتەکا و بڕێ خەڵک بە سەرمەشقایەتیی پارتی وەتەنوو سوریەی چوارڕاو سینالکۆو حەسەکەیەنە جەمێ بیێوە و ڕسمێ قوربانییەکاشا ورگێرتێ.
سەرۆک عەشیرەت و پیاوماقووڵاو تەل حەمیسی وەردەموو ئەنجوومەنوو شارەکەینە جەمێ بیێوە و کۆکوشییەکەشا شەرمەزار کەرد، واتشا؛" ئامانجی سەرەکیی حکومەتوو شامی گێڵنایوەی سیناریۆو داعشی و ئاژاولێ بەینوو عەشیرەتەکا و جەنگوو بەینوو گەلاو سوریاین".
جەختشا کەردۆ دژوو پیلانەکاو ئاژاوەگێڵنا مدراوە و واتشا:" نمەگنمێ دامەو فێڵەکاو ڕیکوزیا تیرۆرستییەکاوە".
ڕەقە
سەرۆکوو عەشرەتەکا و سەدان کەسێ ڕەقەنە جەمێ بیێوە و کۆکوشییەکەشا شەرمەزار کەرد و جەختشا کەردۆ مشۆم وەرپەرساو تاوانەکا سزا بدریانە و دادپەروەریی پەی قوربانیا بێ دی.
سەدان هاموەڵاتێ عەلەمەو قەسەدەی و ڕسموو قوربانییاو کۆکوشییەکەیشا قرگێرتێ و ڕاشا پیما، بە نامێ جەماوەریوە ئەرەیاونای ونیاوە و کۆکوشییەکە شەرمەزار کریا، جەخت کریاوە حکومەت و چەتەکێ گەرەکشانە ئاژاولێ هەرێمە سڵامەتەکانە بنیاوە.
ئەندامەو هەماهەنگیی مەجلیسووکۆمەڵەو ژەناو زنوبیای، بوشرا محەمەدە، واتش: "درێژە بە کۆشیای مدا پەی بنیاتنیای سوریایێوی دیموکراتیکی و هەمەڕەنگی و لامەرکەزی".
