جە ٤٠ـەمین ساڵیادوو ١٥و تەباخی نزیکێ بیمێوە، کە لاو جمیەروو ئازادیی کوردسانیوە بە شۆڕسوو ژیوایوە مسناسیۆ و گرد ساڵێوە کەشە ئازادەکاو کوردسانینە پێسەو" جەژنەو گەریلای" مەبارەکە مکریۆ.

حەر چا سەنگەروە کە بە تەوەنی وەشێ کریێبێنێ تا میاوۆ سیستمی چێرزەمینێ بێوێنە، جەنگوو "کوزکان"یوە تا میاوۆ مدرامانوو تونێلەکاو جەنگی، جە ورکوای سەروو بارەگایەکاوە تا چالاکییەکا کە بە ئامێری عاسمانی کریێنێ، جە تابووروو باهۆزیوە تا میاوۆ گەریلای مۆدیرنیتەی دیموکراتیک جە ئاستوو شۆڕشینە، هەنگامێ فرێ نریێنێ. کۆشیای چەکداری ئیساتێ ئینا شکۆمەندانەتەرین پڕۆسەنە،٤٠ ساڵێن جەنگوو ئازادیی بەردەواما، وەختێو گەل دەسکەوتەکاو کۆشیای گەریلای موینا، مپەرسانە چکۆوە یاوان وێگە؟ ئی قسێ زیاتەر جە سەنگەرەکاو مدرامانوو زاپی، تونێلەکاو جەنگینە باس مکریا، ئا تونێلێ کە ئینسانی تووشوو گومانی مکەرا، کە بە دەسوو ئینسانی هورێکنیێبا. سەروو دیواروو تونێلەکاو جەنگیوە نویسیاێوی ڕابەر ئاپۆی هەن؛" گرد تەوەنیوە، تەختیێوە، یاگێوە، کە ئینسان سەرشۆ ئەرەنیشتەبۆ، لاو منۆ بەنرخا، من واچێنا ئینە چندە بەنرخەن. ئەرەنیشتەی چێرووو تاشێوەنە، فرە ئەفسووناوی بێ پەی من، بیناێوە گولانێما بێ پێسەو یانیوی مەبارەکی وینێناش، وەلێ پەی من پێسەو یاگێوی تایبەتێ و خەیاڵیێ بێ."

ئی خەتێ سەروو دیواروو تونێلەکاوە هورکۆڵیێ بێنێ، تا هۆشما نەشۆ چەنی یاوایمێ ئی ڕوا، گەریلا هەمیشە مزانۆ پەی کۆی ملۆ و ویرش نمەشۆوە چکۆوە ئامان. حەرچندە فرسەت و ئاسانکارییەکاو ئارۆی چند ئاندە گەورەتەرێنێ جە ٤٠ ساڵا چێوەڵتەری، وەلێ هەڵای ئا کەسەنە کە مزانۆ چەنی بە ڕۆحوو یوەم ڕۆیوە بژیوۆ. ئەوەڵ سەنگەر چەنی وەش کریا؟ ئوەڵ چەک چەنی دەسکەوت؟ ئەوەڵ جەنگەنە چێش ڕووەش دا؟ جە جوابوو ئی پەرسانە گەریلا کەوت کۆشیای، تەنانەت کە وەختێوەنە چەکی مۆدێرنش ئینا دەسۆ و جەنگ مکەرۆ، قەت ئا جۆشوخرۆشا ژە "کڵاشینکۆف"ە وەشش کەرێ هۆشش نمەشاوە و لاو گریوە مەبارەکا و تەنانەت وەختێ تونێلەکاو جەنگی و سەنگەرە پەڕچەکەکانە بە گرد ماناێوە پەی وەرگێریی جە هەرێمەکەی مدرامان مکەرۆ،  ئا تاشێ دۆڵەو بەقاعینە کە بە قسێ سەرۆک ئاپۆی پەرسگێوی مەبارەک بێ، قەت هۆشش نەشیێنیوە. بە وانایوە و یاواینەی جە ڕابەر ئاپۆی و سەروو بنەماو هوردایوەی تاریخوو وێش گردوو ئینیشاش کەردێ بە سەنگەروو ژیوای و کۆشیای.

یۆ جە ورسەنگنایەکاو ڕابەر ئاپۆینە ساڵەکاو١٩٩٠ینە ماچۆ:" دەڵێت: " من کەشیوە گولانە بێنا، وەختێو ژوورێوی چوار دیواریشا دانێ پەنە واتشا متاوی چێ بمەنیوە، جیهان بی بە یانەو من . وەختیو کەمێ بەرەو کەشەکەی لوانێم دنیا واوەی بییۆ بە هینوو من. ئایا مافوو ئانەیمە هەن کەمێو زیاتەر تەماشەو واری بکەروو و دۆڵەکێنە پاڵ بگنوو؟ من ویرێم کەردیوە پێسەو سۆزێو، هومێدێوە. ئینە ئا چێوەنە کە یوەم حەزم پەی کەشەکا هەست پەنە کەرد، تەنانەت ئاوی کەش و درەختێچ نەبێنێ، گرد بیابان بێ. وەلێ هومێدوو ژیوایوی تازەیش دانێ پەنە، دمایی کەردما بە پەرسگێوی مەبارەک، خەڵک بەکۆمەڵ ئامێ و تەنانەت بی بە ناوەندێوی سەرنجکێش پەی گرد لایێوی. ئینە چە جۆرە کەشێوەن و ژیوای چا چەنی پەرەش سانان؟"

پەکەکە پارتوو بەهاکان

وەڵاتیوەنە کە نامەبەردەی وەڵاتپارێزننا قەدەغەن، بەڕاسی وەڵاتپارێزنی هونەروو ئا کەسانە، کە جو هیچیوە گرد چێوێشا وەش کەردەن. گولانەترین فرسەت، بێئیسفادەتەرین چەک، یاگێوە کە پێسەو بیابانی وینیێ پێسەو فرسەتیوە دەسوو ئا ئینساناوە جە هیچۆ بی بە گرد چێوێ. پەوکای پەکەکە پارتوو بەهاکان، پارتێوی چانەن کە بەهاکا مخولقنۆ مپاریزنۆشا و موزۆشا وەڵێ، پەکەک پارت و ئا کە جە حیچۆ بییەی خولقنا.

شکۆمەندانەتەرین هورستەیوە ١٥و تەباخین

گەورەتەرین ئۆپەراسیۆن و شکۆمەندانەتەرین وەڵیکەوتەی ئانیشا کە زانینێ چەنی جە هیچیوە گرد چێوێ بخولقنا، سەرکەوتی ١٥و تەباخی بێ. ئانێ کە بەرەی وشکوو بەقاعیوە بەرەو کەشە بەپیتەکاو کوردسانی ئامێ، ئی جارە خاکە نەحلەتوەنەکریاکەشا کەرد بە پەرسگاێوی مەبارەک و ١٥و تەباخی پێسەو گۆچانیوی سیحریێ نەحلەتەکێش فاڕا پەی مەبارەکی. پێسەو ئایروو مەشخەڵیوی کە گردوو چیوە گولەکا مسۆچنۆ، بووڵەی ئەوەمەنێ ئایرەکەیشلاو خولقنەراو سەردەمیوە واوەی بیۆ بە هەمیر و ئانەی جوان و خاس بێ پەنەش وەش کریاوە.

تاکە چیوێوی کە نەفاڕیان ڕۆحیەتی ئاپۆیین

ئانا ٤٠ ساڵێ ملوو سەرکەوتوی ١٥و تەباخیرە مویەرۆ، ئارۆ گۆچانەو دەسوو فەرماندە عەگیدی بیێنە چەکوو دەسوو ئۆپراسیۆنی ڕزگاریوازی سەرتاسەروو کوردسانینە، ئانێ تلەکاو بەقاعیشا ویرێ نەشیێنیوە ئارۆ سەروو بنەماو ڕۆحوو ١٥و تەباخی جە سەدان سەنگەراو جەنگینە سەرتاسەروو کەشەکاو کوردسانینە و بە سیستموو چێرزەمینی و سەرزەمینی چا شۆن و یاگانە کە بە هیچ نۆعێوە دوژمن چەمەڕایی نمەکەرۆ ئۆپراسیۆن مکەرا. بەڵێ گرد چێوێ دەربارەو جەنگی و گەریلای ماوەو ئا ٤٠ ساڵەینە فاڕیان، چەکی بەکارئاما، تاکتیکوو سەردەمی، سەنگەرەکاو گەریلای، چەمکوو جەنگی، گرد چێو فاڕیان. تەنیا یەک چێو چی ٤٠ ساڵەن نەفاڕیان، ئادیچ ڕۆعوو ئاپۆییبییەین کە سەرکەوتی ١٥و تەباخیش چەنە کەوتەنۆ، ئا هێزە کە ٤٠ ساڵێ چێوەڵتەر ئیرادەو جەنگی و کۆشیایش بە ئینسانی بەخشا، هەمان ئا ڕۆحە ئیساتێچ گردوو سەنگەرەکانە، جەنگ و مدرامان مکەرۆ و دڵوو حەر گەریلاێوەنە عوگیدیوە هەن چونکوم ڕۆحوو عەگیدی کەشەکاو کوردسانینە بەزیندەیی مەنەنۆ.