ئەرەیاۋناکەو (هەپەگە)ی، پی جۆرەنە:

"هامڕېما چاڤڕۍ گەلهاتە ٤ و تشرینوو دووەمی هەرێموو مەتیناینە جە ئاکاموو ڕووەدایېنە گەشمەرڎۍ بیە. هامڕېما چاڤڕۍ، کە ژەنېوە شۆڕشگێڵنەو بۆتانی و عاشقەو ئازاڎیی بۍ، جە ژیۋای ٩ ساڵۍ شۆڕشگێڵنینە، بە هەڵوێسەکەیش سەروو خەتەو ئازاڎیی ژەنۍ، بیە بە جەنگەوانېوە نموونەییەو یەژاستاری و جەنگاوەرەو پاژکی.  گرڎ ڕووۍ باوەڕی ۋېش بە سەرکۊتەی گۊرەتەر کەرۍ و ۋېش وەڵۍ وزۍ. پۍ سەرکۊتەی جەنگوو گەلی شۆڕشگێڵنی، ڕەنجێوە گۊرەش کېشت. هامڕېما چاڤڕۍ، هامڕېکۍ ۋېش فرە وەش سیېنۍ، بە دڵسۆزی و ڕاسگۆیی و کەسایەتییەکەیش وەشەسیایی و ڕێزوو گرڎوو هامڕاکاش بەدەسئارڎ.

هامڕېما چاڤڕێ جە ئاکاموو ڕوودایېنە لووا دلۍ قافڵەو نەمراوە، ئینەیچ فرە دڵتەنگېش کەردیمۍ. پېسە هامڕاکاش ئەرەیاۋنمېش، شۊنەو ۋەرمی و ئامانجەکاش گنمۍ. سەرەوەشی جە بنەیانەو هامڕېما چاڤڕۍ و گرڎوو گەلوو کوردسانی وڵاتپارێزی کەرمۍ.

زانیاری سەروو ئشناسنامەو هامڕېما چاڤڕێ گەلهاتی، پی جۆرەنە:

ناسنامۍ / چاڤڕێ گەلهات

نامۍ و دمانامۍ / شیلان باکشی

شۊنماو جە ئەڎابیەیش / شەرناخ

نامۍ ئەڎۍ و نامۍ تاتەی / نازەنین – عوسمان

شۊنماو وەختوو گەشمەرڎەبیەیش / ٤ ی تشرینی دووەمی ٢٠٢٣/مەتینا