ڕێکوزیاو چەمداریی مافەکاو ئینسانی (هیومان رایتس وۆچ) و کۆمەڵەو ئازادیی ڕابەروستەی (ئای ئێف ئۆ دی) سەبارەت بە فیلتەرکەردەی و  قەدەغەکەردەی ئینستاگرامی لاو ئەرەمەرزیاو زانیاری و ئەرەیاونای  تورکیایوە (بەتەکە) جە ٢ی ئابینە ئەرەیاوناێوەشا وەڵا کەردۆ و دلێشنە باسوو ئانەیشا کەرد، کە ئا قەرارە هەڕەمەکییە پاشێلکەردەی مافوو بەروستەی ئازادیی و ورگێرتەی زانیاریین.

دلێچشەنە داوا کریان کە ئا قدەغەکارییە هوربشنیۆوە، " کە دژوو دەسیاواین بە پلاتفۆڕمەکاو سۆشیاڵ میدیای هەنگامەی ئازایانێ منیا" هاموەخت ئانە وتیر وزیانۆ کە پەلیانە هەواڵییەکاو پێسەو دۆیچەڤلەی و دەنگوو ئەمریکایچ جە حوزەیرانوو ٢٠٢٢ێوە فیلتەرێ کریێنی و ئاخروو مەنگەو ئاداریچۆ سەدان پەلیانێ فیلتەرێ کریێنێ و ئاماژە بە فیلتەرکەردەی واتپاد و رۆبلۆکسیچ کریان.