ئەرەیاونایەکەو قەسەدەینە ئامان، کە هێزەکاو حکومەتوو دیمەشقی و چەتەکاو دیفاع وەتەنی شەوەو چوارشەممەی واوەی هجوومشا کەردەن سەروو مەنتێقەکاو وەرکەوتوو دێرەزوری.

ئاماژە پانەیچە کریان، ئاویرشا جە وێستگەو ئاوەو هەرێمەکەی وەردان و قەسەدەیچ وەرپەرچوو هجوومەکەیش دانۆ.

هێزەکاو حکومەتوو دیمەشقی شەوەو یەرێ سەروو چوارشەممەی سەعات ٠٢:٠٠ بنکەکاشاوە دەگایەکاو سەر بە مەیادین، ئەلبوکەمال، شەراینە  هجوومشا کەردەن سەروو شارەکڵاو زیبان، سحێل، تەیانا، سەرەنج، ئەبو حەردوب، ئەبو حەمام، لەوتا، گەرانیج و بەسیراو وەرکەوتوو کانتۆنوو دێرەزوری. جەنگەواناو قەسەدەی وەرپەرچوو هجوومەکاشا دانۆ و پووچەڵێشا کەردێنێوە و دوێ هاموەڵاتێ مەدەنیێ گەشمەردێ بیێنێ و ٧یچ بریندارێنێ. هێزەکاو دیمەشقی و چەتەکاو دیفاع وەتەنی دوێ وێستگێ ئاوێشا سۆچنێبێنی و جە هەرمانەشا وستێبێنێ.