نیمەشەو چوار شەممە سەرو پەنجشەممەی، سەرچەمەکێ هەواڵی جە هەوراماناتەوە وەڵاوشان کەردەوە، کە جە شارو جوانڕۆی چەکدارێ نەشناسێ جە جادەو سنجابی شارەکەی بە چەک هۆرشانکوان سەرو کافەتریایێوی.

ئا سەرچەمێ ئاشکراشان کەردەن: چەکدارەکێ تەقەشان جە کافەتریاکەی کەردەن و جە ئاکامشەنە سەرەڕاو یاونای زیانی ماددی بە کافەتەریاکەی و چەنڎین ماشینێ هاموڵاتیا، ٢ کەسێچ بریندارێ بیێنۍ.
تا ئیسە هۆکارو کەردە چەکدارییەکەی و بە ئامانجگێرتەی کافەتریاکەی نادیارەن و نەزانیان چەکدارەکێ کێ بیێنۍ و سەر بە کام لایەنیەنێ.