جەمۍ جوانۍ کورڎی و ئینترناسیۆناڵیستی، کە پەروەردەو ۋێشا تەمام کەردەبۍ، جە مەراسیمێوەنە دماو قەسەم واردەی بەشدارۍ دلۍ ڕیزەکاو گەریلای بیۍ.

مەراسیمەکە هامکات بۍ چنی ساڵیاڎو ١٥و ئابی. دماو ئی مەراسیمەیە جوانا کورڎی و عەرەبی و گەلا تەری بەیاننامێوەشا ۋەناوە. گەریلا تازە بەشدار بیەکۍ هەڵمەتەو ١٥و ئاب -یشا جە ڕابەرو گەلوو کورڎی عەبدوڵا ئۆجالانی و گەلی وڵاتپارێزنو کورڎەسانی پیرۆز کەرد و ئەرەیاۋناشا: "پا هەڵمەتۍ کە ١٥و ئابینە دەسشپنەکەرد و بە ڕابەرایەتی ڕابەر ئاپۆی و فەرماندەی ئەفسانەیی هەڤاڵ عەگیدی، ئا قەبرۍ کە پېسە چارەنوویسی پەی گەلوو کوردیشا هۊرکەندۍ بۍ وێرانە کریا و گەلوو کورڎیش زیڼنەکەردۆ. هەڤاڵ عەگید نوێنەرایەتی ئایدۆلۆژیاو ڕابەر ئاپۆی و زېڵۍ مڎرامانوو مەزڵوم، فەرهاد، کەماڵ، محەممەد خەیری و سارایش کەرد".

گرووپوو جوانا کورڎی و ئینترناسیۆناڵیستی ئەرەیاۋناشا: "ڕابەرو گەلوو کورڎی عەبدوڵا ئۆجالانی سەرو بنەماو ئیدۆلۆژیکی بە ١٥و ئابی حەقەو هەزاران ساڵەیش کەردۆ."

گەریلا تازەکۍ ئەرەیاۋناشا کە جە هەمان کاتەنە جە ١٥و ئابی، بە نوێنەرایەتی سارۍ و بێریتانۍ و زیلانەکا گورزێوە جە عەقڵیەتوو هەژموونی پیا سالاریی دریا و واتشا: "پارتەکەما پەکەکە وەڵۍ گرڎ چێوێنە پارتوو ژەنان، پۊکەی ژەنی جوانۍ مشۆم خاوەنداری جە ڕابەر ئاپۆی و پەکەکەی بکەرا و رووە بکەرا کەشە ئازاڎەکا کورڎەسانی."

جە دما دمایی ئەرەیاۋناکەینە ئامان: "ئێمە پېسە جەمۍ جە ژەنا و جوانا کورڎی و ئینترناسیۆناڵیستی، پەی بەیاگۍ یاۋنای ئەرکە پیرۆزەکا بەشدارۍ ئەرەکۊشای بیەیمۍ جە کەشەکا کورڎةسانینە و جە ٤٠ـەمین ساڵیاڎو ژیۋایۆینە پەروەردەما تەمام کەرد و بەشدارۍ ڕیزەکاو گەریلای بیەیمۍ و داوا جە گرڎوو جوانا کورڎەسانی و جیهانی مکەرمۍ بەشدارۍ ئەرەکۊشای ئازاڎی با."