شەۋۍ ۋیەردۍ سوپاو پاسدارانو کۆمارو ئیسلامی ئێرانی بە مووشەکۍ دوورشانۍ و درۆنۍ یورشش کەردەوە سەرو بارەگایەکانو حزبو دیمۆکراتو کوردستانو ئێرانی- حدکا جە کۆیە، بارەگایەکانو کۆمەڵەو زەحمەتکێشانو وەراسانو کوردستانی جە زڕگوێز-و سلێمانیۍ، وارگاو جێژنکانی جە هەولێر کە ئەرەنیشتەکێش پەنابەرۍ وەراسانیەنۍ.
یورشەکە سەرەڕاو زیانی ماددیی فرەی، زیانی گیانیچش بییەن.
جە ئا بارەوە، حدکا بەیانامەشدان و جە میانشەنە ئاشکراش کەردەن: "جە یورشەکەو (کۆیە)یەنە پێشمەرگێوشان بەنامێ، بێهزاد ئیسکات، ئەشناسیا بە چیاکۊ، تەمەن ٢٢ ساڵان و خەڵکو شارو پاوە-و هەرێمو هەورامانی، شەهید بییەن".
جە زڕگوێز-یچ، جە ئاکامو یورشەکەیەنە، وانگایێۊ خابوور بییەن.

یورشەکەو ئێرانی پەی سەرو پانیشتو کوردستانی، هامتەریبەن چەنی یورشەکانو ڕژێمو تورکیای ئەرەگێری پەی سەرو وەرئاڤا و پانیشتو کوردستانی کە جە پەرۍ شەۋێۋە دەستشان پنە کەردەن و تا بە ئارۊ بەردەۋامێنۍ و جە ئاکامشانە دەیان شەهیدۍ و بریندارێشان ونە کەتێنێۋە کە ١٣ جە شەهیدەکان هاموڵاتیۍ مەدەنیێنۍ. هاموەخت ٢ مدرگایۍ کارەبای جە دێرک و شەهبا کریێنۍ ئامانج و جە کارکوتێنۍ.