جۆلەمێرگەنە تیرۆرو دەوڵەتی دژو سەماکارا کوردی: کەسانێوی فرۍ گیریێنۍ
شارو جۆلەمێرگو سەرنیشتوو کورڎەسانینە، هێزەکاو دەوڵەتو تورکی هۊرشا کوا سەرو یانەکا و ئا مۆسیقا ژەنا کە گۆرانیۍ کوردیۍ جە زەماۋنەکانە چڕێنۍ و بەشێوە جە ساحیب زەماۋنەکایچشا گێرتۍ.
چی دماییانە جە شارەکا مێرسین، ئاگری، سێرت، ئێلحی و ئەستەنبوڵینە کەسانێوی فرۍ بە مەڵامەتوو سەمای و گۆرانیە کوردیاوە گێریێنۍ. دەوڵەتو تورکی دەسشکەردەن بە هۊرکوای سەرو زەماۋنەکا هامسەرگیری. هەر چا چوارچێوەنە هۊرشا کوان سەرو یەرۍ زەماۋنا هامسەرگیری جە گەڕەکە جیاوازەکا ناوەڼو شارو جۆلەمێرگینە و ڕاشا جە مەراسیماکا گێرتێنە. پۆلیس بە بەهانۍ ئانەی "ئاوازی سیاسی وچیۆوە" هونەرمەڼا، کارمەڼا کۆمپانیاو بەراوردەی دیمەنو زەماۋنەکا، وێنەگرا، ساحیب زەماۋنەکۍ و فرەو کەساشا گېرتێنۍ.
زانیان کە ئا کەسۍ کە بە تۆمەتو "پڕوپاگەندەو ڕێکوستەی" گیریێنۍ، جە بەشو پۆلیسوو شارو جۆلەمێرگینە ئازیێنێوە.
