جەنازەو گەریلاکاو یەژاستاری بەندا ئامەد (سەمرا ئایڤەردی) و دەستینا بۆتان (بیشەنگ دورموش) کە جەنگ و بۆردومانوو ٢٥ و تەمموزینە هەرێموو هەرەکۆلوو بەرواریی سێرتینە گەشمەردێ بیێ، بنەیانەکاشا خەسەخانەنە ورگێرتێوە و ئەسپەردێشا کەردێ.

ئامەد

جەنازەو گەریلاو یەژاستاری بەندا ئامەد (سەمرا ئایڤەردی) بنەیانەکەیش خەسەخانەو پەروەردە و ئەوەکۆڵیای سێرتینە ورگێرتۆ و بریا پەی مەنتێقەو  بسمیلوو ئامەدی. جەنازەکە بریا قەبرسانوو سەیران تەپەی، ڕاوەبەراو دەم پارتی و دەبەپەو مەنتێقەکەی و نوێنەراو مەبیا-دەروو بسمیلی بەشدارێ بێنی.

دماو ڕاوڕەسمی ئایینی جەنازەو گەشمەردەی ئەسپەردەو خاکی کریا.

شەرناخ

جەنازەو گەریلاو یەژاستاری دەستینا بۆتان (بیشەنگ دورموش) دەگاو نێواڤوو سلۆپینە ئەسپەردە کریا، بنەیانەو دورموشی دماو وشکنای دی ئێن ئەی کناچەکێشا خەسەخانەنە، جەنازەکەشا هورگێرتۆ و قەبرسانوو دەگێکێشانە ئەسپەردێشا کەردە.

هاموەڵاتێوی فرێ بەشدارێ مەراسیمەکەی بێنێ.

وەڵتەرێ یانەو وێشانە پەرسە پەی دەستیان بۆتانێ نریابێرە.