جەنازەو جەنگەوانوو یەکینەکاو مدرامانوو شەنگالی (یەبەشە) دەمهات عەرەبی، کە ٢ ی ئابی ڕووەداێوەنە گەشمەردە بی، مەراسیمێوەنە شاروو تەل حەمیسینە ئەسپەردەو خاکی کریا.

ئەرەنیشتاو شار و دەگایەکاو تەل حەمیسی، ئەنداماو رێکوزیا مەدەنییەکا و پارتە سیاسییەکا و پیاماقووڵاو عەشیرەتەکا بەشدارێ مەراسیمەکەی بێنێ.  

دماو دەیەقێوی ڕێزگێرتەی وەنەو گەشمەردا، ئەنداموو مەجلیسوو بنەیانەو گەشمەرداو تەل حەمیس، خالد نایف واتش گەشمەردە دەمهات پێسەو گەنجێوی عەرەبی پەی وەڵێوستەی یۆبییەی پێکئامایەکا کۆشیا.

یۆ جە فەرماندەکاو قەسەدەی، عومەر قامیشلۆ سەرەوەشییش وەنەو بنەیانەو گەشمەردە دەمهاتی کەرد و وەعدش دا بە درێژەدای بە خەتەو گەشمەرداو ئاردەیدیی ئامانجەکاشا.

ئەنداموو ئەرەمەرزیای ئایینی تەل حەمیسی، تەها حوسێن تیشکەش وستە سەروو واڵەوبرایی گەلا و واتش: "ڕاەر عەبدوڵا ئۆجالان  داوا مکەرۆ پەی واڵەوبرایی گەلا و یەکسانی و دادپەروەریی بەینوو تەماموو پێکئامایەکا".

دمایی سناسنامەو گەشمەردە دەمهاتی ونیاوە و دریا دەسوو یانەیشاوە.

جەنازەو گەشمەردەی بە درووشموو "گەشمەردێ نمەمرا" و "بە گیان بە ونی چەنیتنمێ ئەی گەشمەردە" ئەسپەردەو خاکی کریا.