هەرێموو هەرەکۆلو بەرواری سێرتینە ٢٥و تەمووزینە ئەنجاموو جەنگی و بۆردومانینە گەریلاکاو یەژاستاری سەمرا ئایڤەردی (بەندا ئامەد) و بیشەنگ دورموش (دەستینا بۆتان) و گەریلاو هەپەگەی سەعیدخان سەنجەر (باران خەملین) گەشمەردێ بیێ.

جەنازەکێ بەشوو تۆکاری خەسەخانەو  فێرکاریی سێرتینە نریێبنێرە و ئشناسیتێبێنیوە، بنەیانەکێ ٣٠ تەمووزینە نموونەو ونێسا دریابێ دەس و دمایی دریێوە دەسوو بنەیانەکاوە.

زانیان کە جەنازەو ئایڤەردی بسملی ئامەدینە، بیشەنگ دورموش سلۆپیی شڕنەخینە و سەعیدخان سەنجەر جە وانەنە ئەسپەردێ مکریا.

ناوەندوو ئەرەیاونای و چاپەمەنیی هەپەگەی ٣١و تەموزی ئەرەیاونابێش: "فیداییاو ئازادیی گەلوو کوردی هامڕێما، بەندا ئامەد، دەستینا بۆتان و باران خەملین ٢٥و تەمووزو ٢٠٢٤ مەیدانوو کاتۆ خەلیلوو بۆتانینە ئەنجاموو هجوومێوە دوژمنینە گەشمەردێ بیێ ".