ناوەندوو ئرەیاونای هێزەکاو سوریای دیموکراتیک (قەسەدە)ی، شناسنامەو جەنگەوانێوەشا بە نامۍ جوان عەفرین-یوە ئاشکرا کەرڎ، کە ١٥و تشرینوو  دووەمینە هجووموو فڕۊکێوە بێفڕۊکەوانینە گەشمەرڎە بییەن.

ئەرەیاونایەکەو قەسەدەینە ئامان:

"هێزەکاو دەوڵەتی ئەرەگیروو تورکی، ڕوانە کۊکوشیۍ دژوو گەلەکەیما زیاتەر کەرا، وەلۍ هیچ ناڕەزایەتیێوە ئەخلاقی وەراوەروو ئی هجووماوە نیا.

فڕۊکێوە بێفڕۊکەوانوو دەوڵەتوو تورکی دەگاو بۊغازیی پانیشتوو کۊبانێنە بۊرڎوومانش کەرڎ، ئەنجامنە جەنگەوان جوان عەفرین (جوان عەبدۊ حەسەن حەمکەرۊ) گەشمەرڎە بی.

هامڕای گەشمەرڎەما جە بنەیانێوە  وڵاتپارێزنین، جە دەوروبەرێوە وڵاتپارێزنی و فیداکاریی گەورەیۊ ئامان. پینەیچە کەسێتیێوە ئازا و چەنەئاماش چەنە پەیدا بی. تەماموو هەرمانەکاش بەڕێکوپێکی کەرڎۍ.  

سەرەوەشی جە بنەیانەو گەشمەرڎەی تەماموو گەشمەرڎا کەرمۍ، وەعد مدەیمۍ هەقەو هامڕاکەیما و گرڎوو گەشمەرڎا جە دوژمنی کەرمێوە و دۊزەکەیما بە سەرکەوتەی تاجدار کەرمێ".

شناسنامەی گەشمەرڎەی:

شناسنامێ: جوان عەفرین

نامۍ و دمانامێ: جوان حەسەن حەمکەرۊ

نامۍ ئەدێ: فاتیمە

نامۍ تاتەی: عەبدۊ

وەخت و یاگۍ پەیدابییەی: عەفرین، ٢٠٠٢

وەخت و یاگۍ گەشمەرڎەبییەی: کۊبانۍ، بۊغاز، ١٥/١١/٢٠٢٣