ئاهەنگەکێ بە بۆنەو جەژنەو ژیوایوە ١٥و ئابیوە بەردەوامێنێ، چی چوارچوەنە هیزێ شەوێ بناروو قەندیلینە ئاهەنگێوە گێڵیا.

هامسەرۆکوو شارەوانیی بناروو قەندیلی سەروین جەلال، واتش: "ئارۆ جەژنەنە دژوو ئەرەگیری و جەژنەو ژیوایوەنە، ئی جەژنێ وەنەو ڕابەر ئاپۆی و گەریلاکاو ئازادیی مەبارەکە مکەرمێ".  

دمایی پەیاموو ئەنجوومەنوو گەلوو بناروو قەندیلی و گەنجە وەڵاتپارێزنا ونیاوە، پەیامەکەنە جەخت کریاوە ئەگەر هەڵمەتەو ١٥و ئابی نەبیێ، قەراروو دلێنەبەردەی چوارپارچەو کوردسانی دریێ. وەلێ پی هەڵمەتێ گردو زیهنییەتەکا دژوو گەلوو کوردی شکسشا ئارد.

ئەوەخوایچ کریاوە، جەنگەوانێ و گەریلاکاو ئازادی ئارۆ بیێنێ بە پارێزنەرێ گردوو کوردا و گەلاو وەرکەوتوو دلێڕاسەی، ئی هەڵمەتێ تاریخێوە تازەش خولقنا، کورد ئارۆ جە گرد وەختێ جە سەرکەوتەیوە نزیکەن.