هامسەرۆکایەتیی کۆنسەی گردینوو کۆما جڤاکێن کوردستان-کەجەکەی، بە بۆنەو گیانخەدەسدای هامژیوەکێشۆ، پەیامێوی سەرەوەشیش پەی ڕێکوزی گرردینوو جمیەروو گۆڕانی کیانا.

پەرسەنامەکەنە کەجەکە ئەرەیاونانش، بە داخ و پەژارێوی فرەوە هەواڵوو کۆچی دماینەو هامژیوە و هامڕاو بەڕێزیتا ‘نازەنین عەبابەکر’ێما ئەژنەوی، بە نامێ گردوو کادێرا و ئەنداماو ڕاوەبەریی کەجەکەیوە پەرسەو سەرەوەشیی وێما ئاڕاستەو شمەی بەڕێزی مکەرمێ، پەروەردگاری گەورەی داوکارێنمێ کۆچکەردێ بە بەهەشتی بەرینی شادە بکەرۆ.

ئاماژەیچشا پانەیە دان، جەدەسدای خاتوو نازەنینێ ژەنە سالارێ، کە کۆشیای شۆڕشگێڵنی و سیاسی و کۆمەڵایەتینە پێسە هامژیوە و هامڕێتا شانە بەشانەو شمە خەباتش کەردەن، مایێ خەمێوی گەورەین.

نازەنین عەبابەکر کەریم-ە، ساڵەو ١٩٥٤ دەربەنوو ڕایەتی چۆمانەنە پەیدێ بیێنە و خەبات و کەشی و شارینە یوە بیێنە جە ژەنە پێشمەرگە چالاکەکا و ساڵەو ١٩٨٩چەنی عومەروو سەید عەلی ڕێکوزی گردینەو جمیەروو گۆڕانی لوێنە ژیوای هامبەشۆ و ڕۆو ٦و ئابوو ٢٠٢٤، بەغدانە و ٧٠ ساڵینە بە نەوەشی کۆچی دماینش کەرد..