هامسەرۆکایەتی کۆنسەو گرڎیی کۆما جڤاکێن کورڎەسانی-کەجەکەی، بۆنەو گیان جەدەسدای هامژینەکێشۆ، پەیامێوە سەرەوەشیش ئاڕاسەو ڕێکوزو گرڎیی ژڵێوەو فاڕیای کەرد.

جە پەرسە نامەکەنە کەجەکە ئەرەیاۋنانش، بە داخ و پەژارێوە فرۆ هەواڵو کۆچی حەقەتینو هامژینە و هەمڕۍ بەڕێزیتا ‘نازەنین عەبابەکر’یما پنەیاوا، بەنامۍ گرڎوو کادیرا و ئەنداما ڕاوەبەری کەجەکەیۆ پەرسە و سەرەوەشی ۋێما ئاراسەو شمەی بەڕێزی مکەرمۍ، جە خوڎای گۆرەی داوکارێنمۍ کۆچکەردۍ بە بەهەشتی بەرینی شاڎە بکەرۆ.

ئاماژەشا پەنەیچ کەردەن، جە دەسدای خاتوو نازەنینۍ ژەنێوە سەلارۍ کە جە ئەرەکۊشای شۆڕشگێڵنیی و سیاسیی و کۆمەڵایەتینە پېسە هامژینۍ و هەمڕێوە شان بە شانو شمە خەباتش کەردەن، خەم و ئێشێوە گۆرەن.

نازەنین عەبابەکر کەریم جە ساڵەو ١٩٥٤ جە دەربەنو ڕایەتینە جە چۆمان جە ئەڎۍ بیێنە و جە خەباتوو کەشی و شارینە یوەبیێنە جە ژەنە پێشمەرگە چالاکەکا و جە ساڵەو ١٩٨٩ ی ژیۋای هەمژینیش چنی عومەری سەیڎ عەلى، ڕێکوزو گرڎیی ژڵێوەو فاڕیای وەشکەردەن، ڕۆو ٦و ئابو ٢٠٢٤، جە بەغڎانە و جە تەمەنو ٧٠ ساڵینە بەمەڵامەتوو نەوەشیۆ عەمرەو خوڎایش کەردە.