بە قسێ هەواڵێوێ ئاژانسوو هاوارنیوزی کە پەشتیش بە سەرچەمەکاو قەسەدەی بەستێنە،گرووپە چەکدارەکاو سەر بە حکوومەتوو دیمەشقی ئارۆ سەعات ٠٢:٣٠ بەرەبەیانی بە تۆپێ کاتیۆشێ هجوومشا کەردەن سەروو دەگایەکاو ئەل-دەهلە، جدیدە بەگاراو وەرکەوتوو دێرەزۆری.

بەپاو زانیارییە ئەوەڵینەکا هجوومەکەو سەروو دەگاو جەدیدەی ٩ هاموەڵاتێ کە زارۆڵێشا چەنەنێ و هجوومەکەو سەروو دەگاو ئەل دەهلەشی ٤ هاموەڵاتێ گەشمەردێ بیێنێ و خەڵكێوە فرەیچ بریندارێ بیێنێ.

نامێ گەشمەردەکاو دەگاو ئەل دەهلەی:

ماریا یاسین ئەلەعر ١٢ ساڵێ، ئیستەبرەق یاسین ئەل زەعر ٥ ساڵێ، هادین سەلیج ئەل عبێد ٢٢ ساڵێ، تاتەشا بە نامێ یاسر یاسین ئەل زەعر ٣٧ ساڵێ.

نامێ بریندارەکا:

ئیلاف ئەل زەعر ١٨ مانگێ، کە بە سەختی بریندار بییەن و فاڕیانۆ پەی خەسەخانەو حەسەکەی، رەغەد محەمەد ئەل زەعرەی ١٧ ساڵە و کناچێ مامۆیش بە نامێ شام بەشار ئەل زەعری چوار مانگێ کە فاڕیێنۆ پەی خەسەخانەو جەدیدە بەگارای.