کۆنگرەو گەلی ١٠یەمین ساڵوەگێڵوو فەرمانەو ٣ی ئابی شەرمەزار کەرد و داواو بەشدارییش جە چالاکییەکاو ٣ێ ئابینە کەرد، بەیاننامەکەنە ئامان" با دژوو خیانەتوو بارزانی و داگیرکاریی دەوڵەتوو تورکی یۆگێرتێ بیمێ."
دیوانوو هامسەرۆکایەتیی کۆنگرەو گەلی جە یادوو ١٠یەمین ساڵوەگێڵوو فەرمانەو ٣ێ ئابینە ملوو شەنگالیرە بەیاننامێوەش وەڵا کەردۆ و بەتندی هەرمانە نائینسانانەکاو چەتەکاو داعشی و هامکارە سەرەکییەکاش، ئەردۆغان و بنەیانەو بارزانییش شەرمەزارێ کەردێ.
"ڕزگارکەردەی ژەن و زارۆڵە بێسەروشۆنکرایایەکا هەرمانێوی ویژدانییە و ئینسانییەنە'
کۆنگرەو گەلی ئەرەیاوناش، کە گەلوو کوردی حەرگیز ئی کۆکوشییەشا هۆش نمەشۆوە و واتش: "بەڕێزدارییوە سەرەوەشیی وێما ئاراسەو بنەیانەو کۆکوشکریایاو گەلوو شەنگالی و گردوو گەلوو کەردی بەتایبەتی ئا ژەن و زارۆڵێ کە هەڵای بێسەروشۆنێنێ مکەرمێ. ئی کارەساتە برینێوی گەورەو گەلەکەیمانە وێستەیوە و ڕزگارکەردەی بێسەروشۆنکریایەکا هەرمانێوی ویژدانییە و ئینسانییەنە."
ئینە بەیاننامەکەن؛
"بە بۆنەو ١٠یەمین ساڵەو فەرمانەو ٣ێ ئابیوە، گەریلاکاو پەکەکەی پیسەو برووسکەی لوێ دەموو گەلوو شەنگالیوە ، گەلوو ئێزدییشا وەراوەروو کۆکوشیی داعشینە پارێزنێ و گەشمەردێ بیێ، بەڕێزدارییوە ئا گەشمەردا یاد مکەرمێوە، واوەی وەعدشا پەنە مدەیمێ کە شەنگالی ئازاد و سەربەوێی مپارێزنمێ.
پلانەو دەوڵەتوو تورکی و بنەیانەو بارزانی و داعشی پەی هجوومکەردەین پەی سەروو کوردە ئازادا
پڕۆسەو جەنگی یەرەموو جیهانیینە، دەوڵەتوو تورکی و بنەیانەو بارزانی و داعش چوارچوەو پلانێوی گەورێنە پەی شکسوو کوردی ئازادی، هامپەیمانییوەشا وەش کەردەن. جە پلانەکێشانە هەنگامەی ئەوەڵە کۆکوشکەردەی شەنگالی بێ و دەووەمە شکسپەنەئاردەی شۆڕسوو وەرنیشتی بێ و یەرەمیچ شکسوو جمیەروو پەکەکەی.
هەنگامەی ئەوەڵەنە حزبوو بارزانی ئەوەڵۆ تا ئاخر پەی کۆکوشیی شەنگالی و فەرمانەو ئێزدییەکا مامەڵەش کەرد، گەلوو شەنگالیش بێ چەک و وەرگێریی جیا ئاستێ و ڕەمێ و شەنگالشا تەسلیم کەرد.
بەڵام پیسە مزانییۆ فیداییاو ڕابەر ئاپۆی شەنگالشا بەتەنیا جیا ناست، بە کۆشیایێوە فرە ڕاشا جە فەرمانەکێ گێرتە، بە ماڕای داعشی شەنگالنە هەرمانەی ئەوەڵەو پلانەکاو دەوڵەتوو تورکی و بارزانیی شکستشا ئارد. هەنگامەی دووەمەیچەنە پلانەکاو دەوڵەتوو تورکی و بارزانی تا ئارۆ، دژوو شۆڕشوو وەرنیستی سەرکەوتێ نەبێنێ، هامپەیمانیی دەوڵەتوو تورکی و داعشی و بارزانی مەڕیا.
ئەم هامپەیمانییە بێەخلاقییەیە دژوو کوردی ئازادی، تا بەتەمامی نەمەڕیۆ، ئیسە بەگردین سەروو گەلوو پانیشتی و گەریلاکاو ئازادی و سەروو شەنگالی و مەخمووری و گەرەکسانە پێسە هەنگامێ یەرەمەو پلانەکاشا بکەراش.
" دلێنەشییەی هامپەیمانیی میاندەوڵەتیی تورک-بارزانی و داعشی ئیسفادێوە گەورەش پەی گەلوو کوردسانی مبۆنە"
ئەگەر هەنگامەی یووەمە و دووەمەنە شکسشا ئارد یەرەمەیچەنە مارا، وەلێ ئی جارە دەرەنجاموو شکسوو هامپەیمانیی دەوڵەتوو تورکی و بارزانی و داعشی، دەسکەوتیوی گەورەش پەی گەلوو کوردی و جوارپارچەو کوردسانی بۆ، چونکووم شکسوو ئی پلانێ شکسوو سیاسەتی ئەرەگیرکاریی دەوڵەتوو تورکین، شکسوو خیانەتوو بنەیانەو بارزانین."
ئاخروو بەیاننامەکەینە ئامان، کە گەلوو شەنگالی بە پارادایموو ڕابەروو گەلوو کوردی عەبدوڵا ئۆجالانی سیستەموو شۆڕشی کۆمەڵایەتیی وێشا سەروو بنەماو نەتەوەی دیموکراتیکی بنیات منیا و ئی سەرکەوتەیە (شۆڕشی کۆمەڵایەتیی شەنگال)ی مەبارەک مکەرمێ و هاموەخت هومێدوو سەرکەوتەیشا پەی موازمێ.
بە بۆنەو یادوو ١٠یەمین ساڵەو فەرمانەو ٣ێ ئابیوە سەوای چالاکیی ناڕەزایەتیی گردوو ناوەندەکاو ئەورووپایەنە مکریۆ، داوا وەنەو گەلەکەیما مکەرمێ حەر لاێوەنە هەنێ ٣ێ ئابینە بەشدارێ چالاکییە جەماوەرییەکا با، بە دژوو خیانەتی و ئەرەگیرکاری و خیانەتوو بارزانییەکا یۆگێرتێ بیمێ."
