کۆنگرەو ستاری داواش جە گردوو ئازادیوازا کەردە، جە ١٠یەمین سالوەگێڵوو کۆکوشیی شەنگالینە مجیارە مریدانەکا و چالاکیی بکەرا و واتش: "دەنگوو ژەناو شەنگالی دەنگوو گردوو ژەنە کۆشەران."
ئەنجومەنوو کۆنگرەو ستاری بە بۆنەو ١٠یەمین ساڵەوگێڵوو کۆکوشیی ٣ێ ئابوو ٢٠١٤و سەرووڤ شەنگالیرە، کە چەتەکاو داعشی کەرد، ئەرەیاوناێوەش وەڵا کەردۆ و داواو چالاکیی وەرفراوانیش کەرد.
ئەوەڵوو ئەرەیاونایەکەینە یادوو قوربانییاو کۆکوشییەکەی مکەرۆوە و ماچٶ:" جەنگەوانێ و میلیتانیێ، کە مدرامانی تارێخییشا وەراوەروو چەتەکاو داعشیوە کەرد و یادشا مکەرمێوە و وەعدوو ئاردەیدیی وەرموو گەشمەردەکاما مدەیمێ."
بەشیوی تەروو ئەرەیاونایەکەینە ئاماژە بە داگیرکارییەکاو دەوڵەتوو تورکی و هەرمانە قێزەونەکاو پەدەکەی مکەرۆ دژوو گلێرگەی ئێزدی و ماچۆ:"دەوڵەتوو تورکی گرد نۆعە ڕێبازێوی جەنگی بەکار مارۆنە و هەوڵێ مدۆنە گەلوو شەنگالیما بەرۆ دلێنە، پەدەکە گرد ڕوێ دروێ و پروپاگەندێ و نامزڕنایێ و هەڕەشێ مکەرۆ، بەدەسوو پەدەکەی ئەرەگیرکاریی سەروو پانیشتوو کوردسانیوە وەرفراوان بییەن و کاریگەرییش سەروو ژیوای ژەناوە هەن، ڕا پەی کۆچکەردەی و قڕکەردەی مکەرۆوە.
ئا ڕاسییە کە هەڵای کوشتەی ژەنا پیسەو تاوانیوی دژوو ئینسانی نمەوینیۆ، بۆ بایسوو ئانەیە، کە دەوڵەت و دیکتاتۆرەکێ بە سیاسەتەکاو قڕکەردەی ژەناوە هەوڵێ مەنەیوە وێشا مدا، جە دادگاییکەردەی ئی تاوان و جەنگاشا نەتەرسانە."
ئەرەیاونایەکەینە ژۆنگرەو ستاری ئاماژە پانەیە مکەرۆ، وەراوەروو گرد نۆعە تندوتیژیێوی داگیرکاریێوێ قڕکەردەێوی بێدەنغی نمەبانە و پەشتگیریی ژەناو ئێزدی مکەرانە و ماچانە:" دەنگوو ژەناو ئێزدی دەنگوو گردیمانە، پێسەو ژەنە شۆڕشگێڵنا، پەشتگیری جە ژەناو شەنگالی، ئەڤغانستانی وەرکەوتی و گردوو ژەناو کۆشیای ئازادیی مکەرمێ."
ئاخروو ئەرەیاونایەکەینە داواو کەردەی چالاکی مکەرۆ و ماچۆ:" داوا جە گردوو ژەنە ئازدیاوازا، ڕۆشنویرا، هونەرمەندا، کعۆشەرا مکەرمێ پێوە کۆشیای ئازادیما فروان مکەرمێ و مجیەیمێرە مەیدانەکا."
