کۆنسەو سەرۆکایەتی گرڎیینوو کەجەکەی سەبارەڎ بە ساڵیاڎوو پیلانگێڵنی میان دەوڵەتی ١٥و شوباتی ئەرەیاۋنێوەش وەڵا کەردۆ.

کەجەکە ئەرەیاۋناش، "ئێمە جە ٢٦ ساڵەو پیلانگێڵنی میان دەوڵەتی ١٥و شوباتینە، گرڎوو ئا هێزا شەرمەزار کەرمۍ کە بە قینی و دوژمنایەتییوە جە هجومی پیلانگێڵنیینە دژ بە ڕابەر ئاپۆی وگەلوو کوردی بەشداریشا کەردەن". سڵام جە ڕابەر ئاپۆی و مدرامانی بەهەیبەتیش کەرمۍ کە ٢٥ ساڵێن چێروو ئاژەی فرە قورسوو ئیمرالینە ئینا زینڎانەنە. شمە مەتاودۍ ڕۆما تاریک کەردۍ، جە پیلانگێڵنی میان دەوڵەتی ١٥و شوباتینە بازنێوە جە ئاێری دەوروو ڕابەر ئاپۆیرە وەشکریا، کە ناستش ئامانجەکۍ پیلانگێڵنی بەدی بەیا؛ ئێمە بە ڕێزوو حورمەتۆ یاڎوو خالید ئۆراڵی و سەلامەت مەنتەشی و ئاینور ئارتانی کەرمێوە و ۋەروودەموو قامەتی بەرزیشانە سەرەو ڕێزی منامنمێرە.

 ئەرەیاۋناکەو کۆنسەو سەرۆکایەتی گرڎینوو کەجەکەی پی جۊرەنە:

"وەختۍ زلهێزا جەهانوو سەرمایەداریی میان دەوڵەتی بە سەرۆکایەتی ئەمریکای، بە پرۆژەو گۊرەی ۋەرکەوتوو دلێڕاسەی ئامادەکاری پۍ لوای دلۍ سەڎەو ٢١ی کەرێنۍ، ڕابەر ئاپۆ و تەڤگەروو ئازاڎیی کوردیشا ۋەروو دەم و مەسڵەحەتەکا مۆدێرنیستی و ئیمپریالیستیەکاشانە بە گەورەتەرین لەمپەڕ وینا و پاسە پێناسەشا کەرد". پاسە دیشا کە جمیەروو ئازاڎیی کوردی بە سەرۆکایەتی ڕابەر ئاپۆی تواناو کاریگەریش سەروو گرڎوو کوردسانی و ۋەرکەوتوو دلێڕاسەی هەن. ۋەروو ئانەی کوردسان سەروو چوار دەوڵەت نەتەوا ۋەرکەوتوو دلێڕاسەیرە بەش کریان و تەڤگەروو ئازاڎیی کوردی بە ڕابەرایەتی پەکەکەی تاواش گەلوو کوردی چێروو چەوەسیایۆ ئا چوار دەوڵەتەینە بارۆ دلۍ کۊشیایۍ گرنگیوە، جە هەر چوار پارچەو کوردسانی و بەروو وڵاتی گەلوو کوردی ۋێش بە ڕێکوستەی کەرد و ئیراڎەو ئازاڎیش بەرزکەردۆ، ۋەروو ئانەی گەرەکش نەبۍ سەڎێوەتەر چێروو دەسەڵاتوو کۆلۆنیالیزمینە بەبێ سەرۆک و ئشناسنامە مەنۊوە. پۊکەی باوشیش پۍ ڕابەر ئاپۆی و کۊشیای ئازاڎیی کەردۆ.

بە سەرمەشقایەتی جمیەری ئاپۆی و گرڎ جۆرە پەشتیوانی و بەشداریێوە جە کۊشیاینە، کورد بی بە گەورەتەرین دینامیکوو فاڕیای جە ۋەرکەوتوو دلێڕاسەینە. ئامانجوو هێزە سەرمایەدارییە هەژموونوازەکا بە سەرۆکایەتی ئەمریکای جە پیلانگێڵنی میان دەوڵەتی ١٥و شوباتینە، ناستەی ئا دینامیکیە و ئیراڎەو ئازاڎیی گەلوو کوردی بۍ، کە ۋەرە ۋەرە دەوروو سەرمەشقایەتی جە ۋەرکەوتوو دلێڕاسەینە دەس پنەکەرا. پۊکاتی پیلانگێڵنەکۍ گەرەکشابۍ کوردی پێسە سەڎەو ویسەمی بێ شوناس و بێ ڕابەر و پێگە بازاوە. پۊکاتی بە هامکاریێوە گڵیاو دەسشا بە پیلانێوە میان دەوڵەتیۍ کەرد. پۍ ئانەی جە کەسایەتی ڕابەر ئاپۆینە دژ بە گەلوو کوردی پیلانەکێشا ڕاوەبەر کەرا، هیچ گومانێوەشا چانەینە نەبۍ کە هەر جۆره ئیمتیازێوە مڎا و هۊرگێرا. چونکە پاسە مقارنەشا کەردەبۍ کە دمایی بە کۊشیای ئازاڎیی کوردی ئامان، بە ئاسانی متاوا دەس سەروو ۋەرکەوتوو دلێڕاسەیرە گێرا، و بە ئارەزوو ۋێشا فاڕاش و بەشش کەراوە.

گەلوو کوردی جە گرڎ یاگێنە خاوەنداریش جە مدرامانوو تاریخی ئیمرالی کەرد

پێسە چنی ڕابەرایەتیما، گەلوو کوردی و جمیەرەکەما جوابوو پیلانگێڵنی میان دەوڵەتیش داوە، مدرامانوو تازەبیەیۊی گەورەیچ جە هەڵوێسوو ئاڎینە سەرش هۊردا. ئا بازنەو مدرامانەی کە گەلەکەما و گەشمەرڎە قارەمانەکێما جە دەوروو ڕێبەرایەتینە دەسشا پنەکەرد، بازنەی سەرەکی بۍ کە پیلانگێڵنیەکەش ماڕا. دیشا ئا چێوەی لە کەسایەتی ڕابەر ئاپۆینە بەرکۊتەبۍ، جە ئیمرالینە بە بارمتە گیریا، جە بنەڕەتەنە 'کوردی ئازاد'، بە ئیراڎەو ۋێش مزانۊش. هەر پی مەڵامەتۆ گێرتەی ڕابەر ئاپۆی پێسە گێرتەو ۋێش وینۍ. گەلوو کوردی فرە عال پەیوەندی کۊشیای ئازاڎیی کوردیشا بە کارەساتێوە تاریخی وینا و جە حەقیقەتوو پیلانەکۍ یاوێنە و چونکی زانێنۍ ڕزگاریی گەلوو کوردی ئینا ماڕای ئا پیلانگێڵیێنە، بە تنی جە گرڎ یاگێنە باوشیش پۍ مدرامانی تاریخی ئیمرالی کەردۆ.

هەڵوێسوو ڕابەر ئاپۆی ۋەران ۋەر بە پیلانگێڵنی میان دەوڵەتی و هجومی کۊکوشی، کە سەروو بنەماو دلێنەبەردەی چارەنوویسوو سەڎەی پۍ کوردی دەسش پنەکەردەبۍ ، مدرامانێوە گەورە بۍ. چێروو واقیعوو سۆتەو دیلێتینە، بە ئاخێزێوە فیکری و زیهنی گەورە جوابوو پیلانگێڵنییەکەیش داوە. پێسە ڕابەرێوە شۆڕشگێڵنوو گەلی؛ پێسە فەیلەسوف و زانێوە بڕۍ جار پێسە زانێوە سیاسی و وەڵینگە نویسی جە مدرامانی ڕۆحی و فیکری و جەستەیینە پۍ فاڕای چارەنوویس و کۊکوشی کە سەروو گەلەکەیشەرە سەپیان. جە کەسایەتی گەلوو کوردینە وەڵێکۊتەتەرین فکرەکێ سەردەمیش پێشکەش بە گرڎوو گەلا و ژەنا و گرڎوو گروپە چەوەسیاکا کەرد. پا فکر و ڕێبازە تازەی کە وەڵێش وستەبۍ، پارادایمێوە تازەش پۍ ژیۋایۍ ئازاڎی و دیموکراتیکی خوڵقنا. حەرپاسە پا هەرمانێشە گەورەتەرین ۋەەرگیریی سەردەمیش بە ژیۋای ئازاڎیی و تێزەکا گلێرگەی ئازاڎیی و جوابوو پیلانگێڵنا سەردەمیش داوە. وەرگیریش جە شارستانیەتی دیموکراتیکی، ۋەرگیریێوە فرە بەقوەت بۍ کە بە نامۍ گرڎوو ستەمۋنەکریایا و بەتایبەت گەلوو کوردی و ژەناوە ئاماڎەش کەردەبۍ. پێسەنە بە نامۍ مرۆڤی ئازاڎی و ژیۋای ئازاڎی و گلێرگەو دیموکراتیکیۆ وەرگیریێوە کریابۆ.

ڕابەر ئاپۆ پەی گردوو چەوسیاوەکا پارادایمێوە تازەو ژیوایش بنیات نیان

ڕابەر ئاپۆ لە هەلومەرجوو گیریای ئیمرالیینە نە تەنیا پێسە کوردی، بەڵکوم پارادایموو گلێرگەی دیموکراتیکی، ئیکۆلۆژیک و ئازادیی ژەناش پێسە پارادایمێوە و بەرنامێوە تازەو ژیوای و کۆشیای پەرە  پەنە دا، کە پەی فاڕای چارەنویسوو گردوو چەوسیاوەکاو سەدەو ٢١ وەسێن و چارەسەرا. پەوکای گێرتەی ٢٥ ساڵەشنە ئیمرالیینە پا شێوەیە کە پیلانگێڵنۍ گەرەکشابۍ نەیاوا ئەنجام. بەپێچەوانەوە پرۆسێوە بێ، کە ویرۆکە و هزرەکاش گلێرگەی دیموکراتیک و ئازادنە پەی ئینسانیەتی گرد ڕووێوە جە کەسایەتیی ڕابەر ئاپۆینە پەرەش سانا و گەشەش کەرد. ئی هزر و ویرۆکاو ڕابەر ئاپۆیە حەریاگێونە کە ئەمارۆ گەلوو کوردیش دلێنە مژیوۆ، بەرەو سیستمێوە کۆمەڵایەتیی تازە، فاڕایش ملەرە مۍ و فاڕیۆ پەی چەمکێوە تازەو ژیوای و مدرامانی. گەلوو کوردی و ژەنی، چەنی گەلە ستەموەنەکریایا، چی وەڵێئامایە فکری و هزرییەو ڕابەر ئاپۆینە ئیلهامێوە فرەشا ورگێرتەن. هاموەخت بەجۆشوخرۆشێوە فرەوە خێرامایشا وەنە کریۆ و بۆ بە هومێد.

ئانە ئیمرالیینە کریۆ سیستمێوە کۆکوشیین

جە کەسایەتیی ڕابەر ئاپۆینە ئەشکەنجە و گۆشەگیریی ڕەها سەروو کوردیرە کریۆ، بنەڕەتنە سیستەمێوە کۆکوشیی کوردین، کۆکوشیی دیموکراسی و ئازادییین. ڕابەر ئاپۆ؛ ماوەو ٢٥ ساڵی ویەرڎەینە چوارچوەو سیستەموو ئەشکەنجەی و کۆکوشیی ئیمرالیینە کە هێزە میاندەوڵەتییەکۍ کەراش و کۆماری داگیرکەروو تورکی پارێزگارییش وەنە کەرۆ، مدرامانێوە بێوێنە کەرۆ. ئی مدرامانەو ڕابەر ئاپۆی ئیمرالیینە، ناوەندی سەرەکییش کۆشیای ئێمەین دژوو سیاسەتوو کۆکوشی و هجوومەکا. گردما پێسە گەلوو کوردی، دۆسا، هامڕایا و شۆڕشگێڵنەکا مشۆم کۆشیەیمۍ تا چانەیە بیاومێنە ڕابەر ئاپۆ دژوو سیستموو ئەشکەنجەی و کۆکوشی دژوو دلێنەشیەی و دۆخوو بارمتەگێرتەی  ئیمرالی، چەنی بە ئیرادەو کۆشیای پەی ماوەو ٢٥ ساڵا مدرامانش کەردن. تا جە ڕاسیی ڕابەرایەتی بیاومێنە، پێویسا کۆشیایما وەرفراوان و قووڵتەر کەرمێوە. بەتایبەتی سەبارەت بە بییەی و ئازادیی کوردی و دیسانۆ بە نامۍ بەها مرۆییەکاو دیموکراسی و ئازادی، مشۆم بە دڵ و گیان هەست بە مانا و گرنگیی حەقیقەتوو ڕابەری کەرمێ، ئا هەلومەرجە نائینسانانە سەروو ڕابەر ئاپۆیرە سەپییان. ناخوو دڵیماوە هەستش پەنە کەرمۍ هەڵوێست و ئاستوو ئیرادەی قەوەتیما جە خەبات و کۆشیاینە نیشانە مدەیمێ.  

گەریلاکاو ئازادیی کوردستانی بیۍ بە هێزێوە بنەڕەتی جە ڕاگێریکەرڎەی ئی پیلانگێڵنییەینە

گەریلاکاو ئازادیی کوردستانی جە ڕابەر ئاپۆیۆ، بنەماو فەلسەفەی و وێڕێکوستەیشا ورگێرت، بە کۆشیای و ئیرادەی قەوەتۆ ماوەو ٢٤ ساڵانە بیۍ بە هێزێوە سەرەکیی کە ناستشا پیلانگێڵنیی میاننەتەوەیی سەرگنۆ. پەیوەندیی بەینوو گەریلای و ڕابەر ئاپۆی پەیوەندیێوە نەبڕیارەن و ڕابەر ئاپۆ ناوەندێوە بنەڕەتیی ئەخلاقوو گەریلاین. سوپای ئەرەگیرە و قڕکەرەو تورکی، بە ڕای جۆربەجۆرەو دژەئینسانییەن، کە شێوەش نەوینیان، هجووم کەرۆ سەروو گەریلای. دژوو گەریلاکاما گردوو فرسەتەکاو جەنگوو ناتۆی بە دڕندانە بەکار مارۆ و بە چەکی وەڵیکەوتەو ناتۆی کە ئینا وەرڎەسشانە، مەتاوا گەریلای تەرسنا، دوژمن گازی کیمیاوی، ژەعراوی، چەکی ئەتۆمی و ئۆتۆماتیکی بەکارمارۆ. ئی گردوو ڕێبازە دژەئینسانیانا دژوو گەریلاکاو ئازادیی کوردستانی بەکارمارۆ و پێسە تاوانوو جەنگی و تاوان دژوو ئینسانیەتی وزۆش وەڵێ. گەریلاکاو ئازادیی کوردستانی کە بە هێز و مۆراڵ سەرمەشقایەتی کەرا، وەراوەروو ئی هجوومە دژەئینسانانیەنە کە ئینۍ چوارچوەو تاوانەکاو کۆماروو تورکیاینە، بە هێز و ئیرادەو وێشۆ مدرامان کەرۆ. گەریلاکاو کوردستانی بە هیز و مۆراڵۆ، کە ڕابەر ئاپۆیۆ ورشا گێرتەن کەشەکاو کوردستانینە تارێخێوە تازە تۆمار کەرا. تاریخوو کوردی ئازادی، گەلە ئازادا، گلێرگەی ئازادی منویساوە.  

سڵاو وەنەو گردوو ئانیشا کەرمێ، کە بەشدارییشا ڕاپیمای ئازادیینە کەرڎەن

٢٥ ساڵێن ئیمراڵینە، جە ڕووەو جەستەیی، هەم جە ڕووەو مەعنەوی و جە ڕووەو فکرییوە، بارودۆخی ئاوارتەو ئەشکەنجە و قڕکەرڎەی هەن. تایبەتمەندی و جیاوازیی ڕابەر ئاپۆی، ئیرادەی ڕۆشنویری و ڕۆحوو ڕابەر ئاپۆی بەروزۆ. ئانە کە بارودۆخی تابینەتیی ئیمراڵیینە هەن تەنیا ڕابەر ئاپۆن. جە کەسایەتیی ڕابەر ئاپۆینە ئیرادەو گەلوو کوردی زیندانی کریان. ماوەو ٢٥ ساڵان دڵوو گەلوو کوردی ئیمراڵیینە مدۆ وەنە. پا مانۍ چەنی ڕابەر ئاپۆی، گەلوو کوردی کوشتارگەو ئیمراڵیینە مردیان. وەروو ئی سەبەبی گەلوو ئێمە گرد ڕوۍ کۆڵننە و مەیدانەکانە ماچا "بۍ سەرۆکی ژیوای مەبۆ". پی بۆنەوە سڵام وەنەو گردوو ئا کەسا کەرمۍ جە هەڵمەتەو ئازادیینە، بەشدارێنۍ و پەشتیوانۍ هەڵمەتەکێنێ، کە بە سەرمەشقایەتیی گەلوو کوردی و دۆساشا دەسش پەنە کەرڎەن و تا مۍ گنۆ وەڵۍ و  ساڵوەگێڵوو پیلانگێڵنیی میاننەتەوەیی ١٥ شوباتینە ملۆ قۆناغوو دووەمیوە.

پیلانگێڵنیی مینانەتەوەی ١٥و شوباتی پێسە هجوومێوە ستراتیژی دژوو بییەی گەلوو کوردی، جە کەسایەتیی ڕابەر ئاپۆینە دژوو ئیرادەی ئازادی کریان، سەروو ئی بنەمۍ پێسە هجوومێوە قڕکەرڎەی وزیان وەڵێ. ئی هجوومە نەک تەنیا لاو یەک دەوڵەتیوە یا چند دەوڵەتێوە، بەڵکوم هەمان وەختنە لاو سیستموو سەرمایەداریی جیهانیوە، کە نوێنەرایەتیی شارستانیەتوو دەوڵەتپارێزن، دەسەڵاتداری و پیاسالاریوە پێسە هجوومێوە ستراتیژی کریا. هەڵوێستی پاگیرانە پەی چارەسەروو پەرسەو کوردی، کە کێشێوە گەورەو تورکیای و وەرکەوتوو دلێڕاسەیچا، سەروو بنەماو ئی ستراتیژییە پیلانگێڵنیی میاننەتەوەیی ئیساتێچنە بەرڎەواما. سەروو ئی بنەمۍ ئارۆ ستراتیژوو پیلانگێڵنی میاننەتەوەیی؛ ئیمراڵیینە پێسە سیستموو گۆشەگیری و ئەشکەنجەی و هەرپاسە پێسە هەڵوێستی پاگیرانەی چارەسەروو پەرسەو کوردی بەرڎەواما. ئینە سزێوە هەتاهەتایینە بەتایبەت سەروو ڕابەرئاپۆیۆ سەپیێنە و کریۆ. ئینەیچ پێسە دۆخێوە تۆمارنەکریای و پێسە سزاو دیسپلینی میاونیۆ یاگێ.  

هۆکاری بنەڕەتیی هجوومە قڕکارییەکا، تەرسینە جە ئازادیی جەستەیی ڕابەر ئاپۆی

هۆکاری بنەڕەتیی گردوو هجوومە قڕکارییەکا و دلێنەبەرڎەی بە ستراتیژوو پیلانگێڵنیی میاننەتەوەیی دژوو ڕابەر ئاپۆی، گەلوو کوردی، جمیەرەکەما و گەریلاو ئازادی؛ تەرسینە جە ئازادیی جەستەیی ڕابەر ئاپۆی و فاڕای کوردایەتیی ئازادین بە ئیرادێوە ڕێکوستەی. ئانە ڕاسیی دۆخوو ئیساتێن، ئازادیی جەستەیی ڕابەر ئاپۆی چوارچوەو یاسای میاندەوڵەتیینە قبووڵ کریان. وەلۍ دەوڵەتوو تورکی ئەرەگیری و قڕکەری، یاسا میاننەتەوەییەکا، کە بە پاو ئانەیە ئازادی جەستەیی ڕابەر ئاپۆی هەن پەشتگۆش وزۆ. ئەنجوومەنوو یۆبییەی ئەورووپای، کە دەزگاکا پێسە دادگاو مافوو ئینسانی (DMME) و سی پی تی-یش چەنەنێ، لای کەمیوە ئندەو دەوڵەتوو تورکی وەرپەرسۍ دۆخوو ئیمرالینێ. مشۆم ئەنجوومەنوو ئەورووپای بە هەرمانەو وێش ورزۆ و چوارچوەو وەڵێکەوتەی مافەکاو ئینسانینە، دیموکراسی و دادپەرەوەریینە جوابوو هومێد و چەمەڕوانییەکاو گەلوو کوردی بدۆوە.

 ئەنجامنە ٢٦ەمین ساڵوەگێڵوو پیلانگێڵنیی میاننەتەوەیی ١٥ شوبات پەی گەلوو کوردی و جمیەروو کوردی، پەی دیموکراسی و ئازادیی ساڵێوە گرنگەنە. پێسە گەل، جمیەری و دۆساو کوردی؛ قەرارارێنمۍ کە سەرەمڕ کۆشیایما فراونتەر کەرمێ، پەی کۆشیای ئازادیی کوردی، پەی گەلا و ئینسانیەتی وەڵێکەوتەیوازی، بە شێوێوە کۆلیکتیڤ ئاستوو وەڵێکەوتەی تارێخیینە بۆ، بە شێوێوە پیلانگێڵنی ماڕۆ و کۆشیای بییەی کوردی بەر وزۆ. سەروو ئی بنەمێوە داوا جە تەماموو گەلوو کوردستانی، لای سەریی گردیوە ژەنا و گەنجا کەرمۍ تا پیلانگێڵنیی میاننەتەوەیی ساڵەو ٢٦ ەمینینە دماییش بێ، بەشداریی هەڵمەتەو ئازادیی با، کە بە سەرمەشقایەتیی هامرایا دەسش پەنە کەرڎەن و ١٥ شوباتینە پڕۆوە پەی قۆناغوو دووەموو وێش، کۆشیای وەرفراون و مدرامانی گەورە کەرا.