ڕێکوزیاکە ئەرەیاوناش، وەرپەرساو ئێرانی تەنیا ٧ و ئابینە ٢٩ زیندانییێ بەکۆمەڵ دریێنێ قەنارە.

ڕاپۆرتەکێنە قەراروو قەنارەدایشا شەرمەزار کەرد و واتش:" ڕێکوزیاو چەمداریی مافەکاو ئینسانی بە گرد نۆعێوە دژوو سزاو قەنارەداین".

ئێراننە ماوێوە وەڵێ ئیسەینە چالاکوو کوردی ڕەزا ڕەسایی دریا قەنارە، ڕەزا دمای کوشتەی کناچە کوردێ ژینا ئەمینیێ، تارانەنە سەرەوردای ساڵەو ٢٠٢٢ گیریا.

کۆڵیاری ئێرانی ڕێکوزیاو چەمداریی مافەکاو ئینسانی، ناهید نەقشەبەندی واتش: "حەرچند بوەرپەرساو ئێرانی دمایین ورچنیەی سەرۆککۆماریشا پێسەو بەڵگەو فاڕیای نیشانە دا، کەچی هەڵای بەئاشکرا خەڵکی مدا قەنارە".

 حکومەتوو ئێرانی پەی کۆنترۆڵکەردەی ناڕەازایەتیی دلێ فرەو جارا پەنا مبەرا پەی سزاو کوشتەی،ئی سزێ دماو وێنیشانەدایە ناڕەزایەتییەکا، پێسەو جوابێوە بەکارمێ، بەگردی ئا دۆزێ مافوو دادیشا چەنە پاشێل مکریا، ئی قەرارە مدریۆ.

نەقشەبەندی واتش: "ئێرانەنە سزاو قەناردای دماو دادگای نادپەروەرینە مدۆ، بەتایبەت سزاو قەنارەدای،ملوو کەسە ڕیفۆرموازارە، پێسەو چەمتەرسنای بەکار مارۆ، ئینەیچ بەرش موزۆ، حکومەت هێزەکەیش خراپ بەکار مارۆ".

ڕێکوزیاو چەمداریی مافەکاو ئینسانی ئەرەیاوناش ٦مانگەو ئەوەڵوو ٢٠٢٤ینە، ٢٤٩ کەسێشا قەنارە و ١٤٧ کەسێشا بە تاوانوو ماددەی هۆشبەری بیێنێ.  

هەرپاسە رێکوزیاو چەنەویەردەی میاننەتەوەیی ئەرەیاوناش ساڵەو ٢٠٢٣ ئیرانەنە گردیوە، ٨٥٣ کەسێ دریێنێ قەنارە و ئینەیچ مکەرۆ و ٧٤٪ی سزاو قەنارەو دنیێ.