جەنگاوەراو ئازاڎیی کورڎەسانی (ماک) جە مەنتیقەو گەڤەرو جۆلەمێرگینە بە چەکی سوک و نارنجۆکە جە دژوو بنکەو پۆلیسی چالاکیش کەرد. ئەرەیاۋییا کە چالاکیەکە پەی پێشوازی جە ساڵیاڎو هەڵمەتەی تاریخیەو ١٥ ئابی ئەنجامدریان.
جەنگاوەراو ئازاڎیی کورڎەسانی (ماک) جە ئەرەیاۋنێوەنە ئاشکراش کەردەن، "٤ و ئابی جە دەورو بەرو سەعات ٢٣:٠٠ جەنگاوەرەکێما جە گەڤەرەنە جە ۋەرا ۋەرو بنکەو پۆلیسو ٧٥.ییلینە جە گەڕەکەو کشڵای گەڤەری چالاکیشا کەردەن. جەنگاوەرەکېما بە نارنجۆکە و چەکی دەسی بە شێوەی کاریگەر بیناو بنکەکەی و بەشو وشکنایشا کەردەن مەرام".
ماک ئانەیچش وستەن ڕووە، "جە ئاکاموو نارنجۆکەکانە و دەسڕێژو گولـلانە بە ڕۊشنی بەرکۊتەن بیناکۍ زەرەرشا پنە یاوان و لاوکەمیۆ دووۍ ئەرەگیرێچ زامڎارۍ بێێنۍ. دماو چالاکیەکەی ترۆمبێلوو فریاگوزاری تەندروسی رەوانەو مەنتیقەکەی کریا و زامڎارەکێشا واڕێوە پەی خەسەخانەی".
جە ئەرەیاۋناکەنە کە جەنگاوەرەکۍ جە شۊنەکێنە کیشیێنێوە و ئەرەگیرەکۍ پەی ماوێوە فرەی جە مەنتیقەکەنە خولیێوە و فشارشا وستەن سەرو گەلی.
ماک باسش چانەیچ کەردەن، کە پا چالاکیەیشا بەرەو پێشوازی ساڵیاڎو هەڵمەتەی تاریخیەو ١٥ ئابی لوێنۍ و ئانەش وست ڕووە، "رۆ رۆو ۋینای رابەر ئاپۆی و کورڎەسانی ئازاڎییا. بەیدۍ گرڎما پێوەرە چا جەنگەنە بەشدارۍ بیمۍ و خیانەتکارا و ئەرەگیرکەرا جە کورڎەسانەنە بکەرمۍ بەرۆ".
