مانت لا جۆلینە کۊبیەیۆ گەلی ئەنجامدریا
جە مانت لا جۆلینە جە چوارچێوەو هەڵمەتەو "ئازاڎیی پۍ عەبدوڵا ئۆجالانی، چارەسەری سیاسی پۍ پرسوو کورد"ینە کۊبیەیۆ گەلی ئەنجامدریا.
جە ناوەنڎوو گلێرگەو کوردی دیموکراتیکینە جە مانت لا جۆلی فەرەنساینە، بە ئامانجوو "ئازاڎیی پۍ عەبدوڵا ئۆجالانی، چارەسەری سیاسی پۍ پرسوو کوردی" کۊبیەیۆ گەلی ئەنجامدریا. زیاڎ جە ٣٠٠ کەسا کوردسانی و دۆسەکاشا بەشدارۍ کۊبیەیۊکەو گەلی بێنۍ کە چنەشەنە سیاسەڎمەدار خەتیب دیجلە پێسە قسەکەرۍ بەشداربۍ.
خەتیب سەرنجش وست سەروو پێشئامایەکا کوردسانی و ۋەرکەوتوو میامینی و پاشخانە تاریخیەکاشا، حەرپاسە گرنگی بەرکۊتەی ڕابەروو گەلوو کوردی عەبدوڵا ئۆجالانی جە کوردسانەنە و دەوری تاریخی ڕابەروو گەلوو کوردی عەبدوڵا ئۆجالانی چنی پرۆسەو وەڵێکۊتەی تەڤگەروو ئازاڎیی کوردسانی.
دیجلە سەرنجش وست سەروو مەڵامەتەکا پەشتەو پیلانگێڵنیی میان نەتەوەیی سەروو ڕابەروو گەلوو کوردی عەبدوڵا ئۆجالانی و ئاکامەکا ئی ڕووەدایە، هاموەخت سەرنجش وست سەروو گرنگی بەدەمۆ لووای چالاکییەکا جە چوارچێوەو هەڵمەتەو "ئازاڎیی پۍ عەبدوڵا ئۆجالانی، چارەسەری سیاسی پۍ پرسوو کوردی" و تەئکیدش کەردۆ کە پێویسا مدرامان فراوانتەر کریۆ.
دیجلە ئەرەیاۋناش جە دەوروو ڕابەروو گەلوو کوردی عەبدوڵا ئۆجالانی کە پێسە ئیراڎەو گەلوو کوردی وینمێش، یۆما گێرتەن و پۍ پووچکەردەیۆ پیلانگێڵنی قوربانی فرە دریان، حەرپاسە ئی هەڵوێسە ئارۊیچ بەردەواما.
هاموەخت داواو بەشداریکەردەیش جە ڕاپیمای گۊرەو ١٧ و شوباتوو کۆڵنینە کەرد.
