ئەنجومەنوو وێڕاوەبەریی دیموکراتیکوو شەنگالی (مەخەدەشە) سەبارەت بە قەراروو دادگای فیدڕاڵیی عێراقی سەروو وستەیرەی پادێ و تەڤگەروو ئازادیی گلیرگەو کوردسانی ئەرەیاوناێوەش وەڵا کەردۆ.

ئەرەیاونایەکەینە ئامان، کە سەرۆککۆماروو دەوڵەتوو تورکی تەیب ئەردۆغان سەردایەکەیشەنە پەی عێراقی پەیماننامیوە ٢٦خاڵیش ئیمزا کەردەن و ئانە وزیان ڕووە، کە یۆ جە خاڵەکا قەدەغەکەردەی ئیرادەی سیاسیی ئێزدییان و قەراروو دادگای فیدراڵیی عێراقیچ پێسەو قەراروو دەوڵەتوو تورکی نامێ منیا.

درێژەو ئەرەیاونایەکەو مەخەدەشەینە قەرارەکەو عێراقی جە ساڵیادوو فەرمانەکێنە پێسەو بەردەوامبییەی فەرمانەکێ هورسەنگییا و چا بارەوە وچیان" پادێ چا ڕووەوە ئەرەمەرزیان تا ئیساتێ بە پاو یاساکاو عێراقی جمانۆ، تا ئیساتێ دەیا کۆنفرانسێشا گێرتێنێ و بەشدارییشا هورچنیەینە کەردەن، سەرباروو ئانەیوە بۆنەو گەمەو دەوڵەتوو تورکیوە ناستشا بلا پەرلەمان و ئەنجوومەنوو پارێزگاو نەینەوای."

'ئینە قەراروو دەوڵەتوو تورکین'

مەخەدەشە ئەرەیاونایەکەیشنە قەرارەکەش پێسەو ئەنجاموو دیداروو عێراقی و دەوڵەتوو تورکی هورسەنگنا و واتش:" ئێمە پێسەو ڕاوەبەراو وێڕاوەبەریی شەنگالی و ئەرەمەرزیا سیاسییەکاش وستەیرەی پادێ پیسەو ئەنجاموو دیدارەکاو تورک-عێراقی موینمێ. ئا قەرارە بە بێ دەوڵەتوو تورکی نەدریان. کە بڕگێوی پەیماننامە ٢٦ خاڵییەکەی بێ، جە بڕگەکاو ئا ڕێککەوتەینە چند قەراریوی دژوو گلێرگەی ئێزدی چەسپیێنێ."

هامکاری چەنی دەوڵەتوو تورکی عێراقی پارچە مکەرۆ  

مەخەدەشە داواش وەنەو حکومەتوو عێراقی کەردە، کە هامکارییەکاش چەنی دەوڵەتوو تورکی بمدرنۆ و هۆشدارییش دا:" هامکاریی عێراقی چەنی دەوڵەتوو تورکی قۆرتێ گەورێ پەی عێراقی وەش مکەرۆ و گەلوو عێراقی پارچە مکەرۆ،زەروورا عێراق دەمودەس هامکارییەکاش چەنی دەوڵەتوو تورکی بمدرنۆ و لایەنگێریی گەلەکەیش بکەرۆ."

'ئینە بێڕێزیین'

مەخەدەشە قەراروو وستەیرەی (پادێ) بە بێڕێزیی بە گلێرگەی ئێزدی مزانۆ و واتش:" ئێمە داوا وەنەو  حکومەتوو عێراقی مکەرمێ کە هامکارییەکاش چەنی دەوڵەتوو تورکی بمدرنۆ،کە قۆرتێ گەورێ پەی عێراقی وەش مکەرۆ و عێراقی بەش مکەرۆ و پەنەوازا عێراق زوو واز چا هامکارییا بارۆ و چەنی گەلی وێس بوزۆوە یۆ.  جە وەختێوەنە ئشیا ساڵیادوو فەرمانەکێنە کۆکوشیی ئێزدییەکا بە جینۆساید ئشناسیێ کەچی دژوو ئێزدییەکا و حزبەکەیشا قەرار مدۆ، کە ئینە بێریزیین بە گلێرگەو ئێزدیما."

داوا وەنەو گەلی کریا

ئەنجوومەنو وێڕاوەبەری دیموکراتیکوو شەنگالی داواش جە گلێرگەو ئێزدیی کەردە و واتش؛" واوەی داوا وەنەو گەلەکەیما مکەرمێ، بە گردوو توانایشاوە خاوەنداریی جە پارت و ئەرەمەرزیایەکاشا بکەرا و بێڕێزییەکاو حکومەتوو عێراقی بە گلێرگەی ئێزدی قبووڵێ نەکەرا."

هەرپاسە مەخەدەشە داواش وەنەو دادگای فیدراڵیی عێراقی کەردە و واتش؛" مشۆم دەوڵەتوو عێراقی و دداگا فیدراڵییەکەش قەرارەکەی هوربشاناوە و واوەی بە قەرارەکاو دەوڵەتوو تورکی مامەڵە چەنی گلێرەگی ئێزدی نەکەرانە."