کوردەسانیا و دۆساشا جە تۆرینو ئیتالیاینە ساڵڕۆو ئەرەمەزنایرەو پەکەکەیشا موبارەک کەرد و جە مەراسیمەکەنە کەمئەندامو سەنگەری دێرسیم ئاندۆک واتش، "داستانو پەکەکەی ٤٦ ساڵێن پێسەو ئێرێوە گڕ و تین بە ملیۆنان کەسا بەخشۆنە".
مەراسیمەکە بە دەیەقێوە بێدەنگی مردای پەی رێزۋنەنیای جە یادو گەشمەرڏا ئازادی کوردەسانی و نمایشکەردەو بەڵگەفیلمێ دەسش پنەکەرد.
دێرسیم ئاندۆک کە جە سەرنیشتو و وەرکەوتو کوردەسانی جە جەنگو دژ بە داعشینە زامڎاربیەن چالاکییەکەنە قسێش کەردە. ئاندۆک واتش، "پەکەکە جە تاریخو ٤٦ساڵەو وێشەنە بە ئایدۆلۆژیاو وێشۆ حەقیقەتش بە جەهانی نیشانەدا. وەڵێ پەکەکەی ٢٩ جارێ سەرهۆردای کریابێ، بەڵام حیچ کامێشا ئنەو ئەرەکۆشای پەکەکەی بەرهەمدار نەبیەن. داستانو پەکەکەی ٤٦ ساڵێن پێسەو ئێرێ گەرما و ڕۆشنای بە ملیۆنان کەسا بەخشۆنە.
جە چالاکییەکەنە دروشمۊو "بژیوۆ پارتو کرێکارا کوردەسانی" و "بژیۋۆ سەرۆک ئاپۆ"یشا واتێوە.
دماتەر جبەرو تەلارەو زەماوەنەکێنە بە گوللۍ هەوایۍ یاڎو ئەرەمەرزنارەو پەکەکەی موبارەک کریا.
