ئەدایاو شەممەی چی حەفتەنە  مەیدانوو گالاتاساراینە جەمێ بیێنیوە و سەروو چارەنویسوو کەسوکارە بێسەروشۆنکریایەکاشا، داواو پەرسایوەشا جە دۆسییەکاشا کەرد، چالاکییەکەنە داکۆکیکاروو مافوو ئینسانی، - ئەنداموو دەسەو ڕاوەبەردەی ناوەندوو (م.ی.ک) دەم پارتی و موسا پیرۆغڵو بەشدارێ هەفتەو ١٠٠٩و چالاکییەکەی بێنێ. ئەدێ دەسەولیشا وەردەموو ڕسماو کەسوکارەکەیشانە نیێرە.

چالاکییەکەو ئی حەفتەینە داواو وەنەپەرسایوەشا جە فایلەکاو ئایتەن ئۆزتورکیانی کەرد، کە ٣٢ ساڵێ چێ وەڵتەر ژیتەمی دێەرسیمەنە کوشت. گوڵسەرەن یۆلەرییە سەرئاماو ئۆزتورکییش واناوە و واتش کە کۆشیایش چی ساڵانە بێئەنجام مەنەنۆ.

واتیچش: " ئادێ واز جە دادپەروەری پەی ئۆزتورکی و گردوو بێسەروشۆنکریایەکا نمارانە و بەردەوام ویرمانە کە دەوڵەت مشۆم چوارچوەو بەندە یاساییەکانە مامەڵە بکەرۆ.