فەرماندەیی قەرارگەو مېیانوو پارێزنای گەلی (نەپەگە) ئەرەیاۋنێوەش وەڵا کەردۆ و واتش: "ساڵوەگەڕو ٤٠ەمین و هەڵمەتەو ١٥و ئابی کە جە کورڎەسانەنە شۆڵەچراوەو ژیۋنایشۆ هۊرگیسنا ، ڕۆحش داوە ۋەرو گەلوو کوردیرە کە چېرو فشاری و قڕکەردەینە سەرەمەرگەنە بۍ، سەرو گرڎ کەسیۆ جە ڕابەر ئاپۆی، جە بنەیانەو سەربەرزو گەشمەرڎا، کە بە هەر دڵۆپە ۋنێشا ئەرەکۊشایماشا یاۋنا پی ئاستیە، جە گەلی وڵاتپارێزنیما کە جە ۋەرا ۋەرو گرڎوو هرووژمە ئەرەگیریەکانە دەسبەردارۍ زەماۋنەو ئازادی ۋێشا نەبیۍ، جە دۆسا گەلەکەیما کە جە گرڎ لێوە جیهانیۆ شانەشا دان ۋەرو بارو ئەرەکۊشایما و جە هەمڕاکاما کە سەنگەرەکانە جە ۋەرا ۋەرو ئەرەگیرانە مردێنێوە، پیرۆزبۆ.

جە ئەرەیاۋناکەو نەپەگەینە ئامان: "ڕۆحو مڎرامانی کە جە زیڼانەکا ئامەدینە چەوسنایشۆ ماڕا، بە سەرمەشقایەتی فەرماندەی گۊرەیما هەمڕا عەگید (مەعسوم کۆرکماز) بە هەڵمەتەو گەریلای شۆڕشگێڵنی ١٥و ئابی یاوا بە کەشە قەڎیمیەکا کورڎەسانی و شۊڵەچراوەو ئازاڎیی گەلەیماش دەسپنەکەرد کە بە فەلسەفەو ئاپۆیی بی بە خاوەنو ڕۆحی و دلۍ تەماموو چێردەسانە بی بە هیوا. گەلەکەما هەر جەسەرەتاوە بەجۆشێوە گەورۆ خاوەنداریش جە ڕۆح و ١٥و ئابی کەرد، ئا ڕووەیە پێسە جەژنەو ژیۋایۆ نەتەوەیی پێرۆزە مکەرۆ. گەلەکەما کە بە هەڵمەتەو ١٥و ئابی ژیۋنایۆ ۋێش پێکئاورد، بە سەرمەشقایەتی پارتەکەیما (پەکەکە)ی بی بە خاوەنو ئایدیای ئاپۆیی کە پەی ئازاڎیی و سەربەخۆبیەی گرڎوو ئاستەنگەکاش وەردەم و ۋێشەنە ماڵۍ و سڵ جە قوربانیدای نمەکەرۆوە. جە ئاکامو ڕەنجی بێکۆتاو گەشمەردة نەمرەکامانە یاوا پا ئاستەی کە گەشمەرڎۍ بە فیداکاریی گیانو ۋێشاوە بەهای فرە گۊرێشا خوڵقنۍ، ئەرەکۊشایماشا جە کورڎەسانەنە دەسپنەکەرد و کە جە ۋەرکۊتوو مېیامینینە و تەمامو جیهانینە وەڵا بۆوە. سەرو ئی بنەمایۍ جە کەسایەتی فەرماندەی سەرمەشق و هەڵمەتەو ١٥و ئابینە فەرماندە عەگیدی گرڎوو گەشمەرڎاما بە رێز و پنەزانایۆ یاڎۍ مکەرمێوە و قەولما واوەی مکەرمێوە کە بە پێکئامای مەرامو گەشمەرڎاماوە، سەرکۊتەی بەدەس بارمێنە.

بە سەرمەسقی فەرماندە عەگیدی شۊلەچراوەو ئازادیی هۊرکریا

بە یوەمین گلێوە کە بە سەرمەشقی فەرماندە عەگیدی ڕووە و ئەرەگیرانە تەقا، قەبرە کۆنکرێتییەکۍ جە کورڎەسانەنە هۊردریێوە، پەردەو تاریکی دڕیا، هیوا پێڎا بیۆ و شۊڵەچراوەو ئازاڎیی گیسیانە کە هیچ هێزێوە نەتاوا کوشنۆشۆ. گەلەکەمان کە سەر جە نۆ بیۆ بە خاوەنو هۆشمەندی و ئیراڎەی، جە ۋەرا ۋەروو ئەرەگیرینە بی بە هێزی سەرمەشقو جەنگی بێهامتای ئازاڎی. هێزە ئەرەگیرەکۍ کە جە ۋەرا ۋەرو ئەرەکۊشای ڕەواو گەلەکەیمانە کە بە ئیرادەی ئاپۆیی جە خاکو ۋێشەنە ژیۋایۆیش پەی ۋێش خوڵقنا، نەتاواشا ۋێشا جە ۋەرا ۋەر بە ئازاڎیی گەلەکەیمانە ڕا بگێرا و پەشتگیری تەمامو هێزە مېیاننەتەوەییەکاش بە گرڎجۆرە ڕێبازێوە قێزەون و جەنگی جە ۋەرا ۋەرو گەلەکەیمانە و گەریلاکا ئازاڎیی کورڎەسانینە بەکارئاورد کە ئیراڎەو ئازاڎیی گەلەکەیمانە. سەرەڕاو گرڎوو هرووژمە نامرۆڤانەکا  گەلەکەما و گەریلاکێما هۊرگیرۍ ڕۆحو مڎرامانوو ئاپۆیی گرڎ کاتۍ ئاڵاو مڎرامانیشا بەزرە کەردێنۆ و جوابی پەنەوازشا دانۆ. چنی هەنگامەو ١٥و ئابی گەلەکەما زنجیرەو کۆیلایەتیش پڕچنا، دمایش بە گرڎوو دما کۊتەییەکا ئاورد و ڕاپیمایۍ قارەمانانەی بەردەوامش دەسپنەکەرد.

گەریلاکۍ ئازادیی کورڎەسانی، ڕۆحو سەرکۊتەی هەڵمەتەو ١٥و ئابی کە ئینا ساڵەو ٤٠ەمینە ئارۆنە جە ئاستۍ فرە بەرزەنە ۋێناش مکەرۆوە. هەمڕێکێما کە دژوو گرڎ جۆرە هرووژمێوە سەرو خاکو کورڎەسانی ئینۍ سەنگەرەنە، پێسە هێزی ئارۆیچەنە جوابی پەنەواز بە ئەرەگیرا مڎاوە. بە تایبەت جە سەرنیشتوو کورڎەسانینە ئەرەکۊشایۍ فیداییانەی بەردەوام ملۆڕاوە، مڎرامانی ئەفسانەیی ئەنجام مڎریۆ و گەشمەرڎەکێما کە قارەمانی گەورەی هەمیشەیی تاریخی بێهامتای ئازاڎی منویساوە. جە ۋەرا ۋەرو هرووژم و ئەرەگیریەکانە کە چی ٧ ساڵە دماینەنە سەرو هەرێمەکاو پارێزنای مەدیای ئەنجام مڎریا، گەریلاکاو ئازاڎیی کورڎەسانی بە مڎرامانی گۆرۆ پارێزگاری جە خاکوو پانیشتوو کورڎەسانی مکەرا. گەریلاکاو ئازاڎیی کورڎەسانی کە سەرو هێڵۊو جەنگی گەلی شۆڕشگێڵنی چنی گەلەکەیما مڎرامان جە ئاستۍ فرە بەرزرەنە مکەرا، جە ئەیالەتەکا سەرنیشتوو کورڎەسانیوە تا هەرێمەکاو پارێزنای مەدیای بە فیداکاریێوە گەورۆ گرڎ یووەسۍ ئا خاکیە پارێزنا. جە ئیساتۍ و دماتەریچەنە گرنگ نیا چ قوربانیێوە مڎریۆ ، بە بێ دووە دڵی پارێزناش.

گەریلاکۍ ئازاڎی کورڎەسانی کە بە ئاستی تاکتیکی، ڕێبازی پسپۆری جەنگی سەرو زەمینی و چێرو زەمینینە سەرکەوتەی ڕاوەبەرمکەرا، جە ساڵەو ٤٠مینینە بە ڕۆح و ڕێبازو عەگیدی سەرو ئەرەگیرارە هەنگامە منیا، پلانەو دوژمنیشا دلێنەبەردە و ناستشا بیاوا بە مەرامەکاشا. مڎرامانی داستانی جە سەرو چێرو زەمینینە جە ساڵەو ٤٠ەمینو ئەرەکۊشاینە بە ئاستی تەکنیکی و هەنگامەی تاکتیکیە جە مێڎانی ئاسمانینە جە ئاسمانو کورڎەسانینە تەکنیکی هەرە وەڵێکۊتەو سوپاو تورکی، کە فرۆکەی بێفڕۆکەوانی (SÎHA)ین پوچش کەردۆ. جە هەمانکاتەنە ئاسمانوو کورڎەسانیشا فاڕا پەی مێڎانوو چالاکی گەریلای، جە ئاسمانۆ گورزە جە بارەگاکاو ئەرەگیرا شنیا.

جە ساڵەو ٤١مینینە مڎرامان جە ئاستێوە فرە بەرزەنە بەردەوام مبۆ

گەشمەرڎا ساڵەو ٤٠مینو ئەرەکۊشای کە سەرو هێڵۊو فەرماندە عەگیدی ئەرەکۊشۍ و گەشمەرڎۍ بیۍ، بیۍ بە سمبوڵو مڎرامانی بە شکۆیما و ڕاو سەرکۊتەیشا کەردۆ. دەوڵەتو تورکی ئەرەگیری چنی هرووژمە نامرۆڤانەکاس کە تەقەمەنی قەدەغەکریا، بۆمبی تاکتیکی ئەتۆمی و چەکی کیمیاویی بەکاربەرۆ، بەڵام جە ۋەرا ۋەرو گەلوو کورڎی و گەریلاکا ئازاڎیی کورڎةسانینە کە سەرمەشقی زەماۋنەو ئازاڎیی مکەرا، جە دلێنەشیەی ڕزگارشا نمەبۆ. گەریلاکۍ ئازاڎیی کورڎەسانی کە نەمەڕیایشا نیشانەو تەماموو جیهانیدا، بە عەگیدبیەیۆ جە ساڵەو ٤١مینو ئەرەکۊشاینە جە ئاستۍ فرە بەرزەنە خەبات مکەرا.

جارێوەتەر جەژنەو ژیۋایۆو ١٥و ئابی پیرۆزە مکەرمۍ، کە نامێش هیوا، باوەڕی و سەرکۊتەیا. پی بۆنۆ قەولوو سەرکۊتەی ڕاپیمای 'ڕابەری ئازادی، کورڎەسانی ئازاڎ'یما واوەی مکەرمێوە، هیواو سەرکۊتەی موازمۍ پەی گرڎوو هەمڕایاما، گەلی وڵاتپارێزیما و دۆسا گەلەکەیما، کە ڕابەر ئاپۆ ئینا دڵشانە.