فەرماندەیی قەرارگەو ناوەڼی پارێزنای گەلی نەپەگەی پەیامێووە مبارەکبایش ئاراسەو جەنگەوانا و فەرماندەکا مێڎانوو مڎرامانوو سەرگەلێ و کەشو ۋەهاری کەرد. پەیامەکەو نەپەگەی پی جۆرەنە:

"جە ٣ۍ تەمووزیۆ جە مېڎانوو مڎرامانوو سەرگەلێ و کەشو ۋەهارینە هرووژمێوە تازەی ئەرەگیری ملۆڕاوە. بە درێژایی مانگەی ۋییەرڎۍ جە ۋەرا ۋەرو هرووژمە ئاسمانی و زەمینیەکا سوپاو ئەرەگیرینە، جە ئاستێوەنە جواب دریێوە و چالاکیۍ قەوەتۍ ئەنجامدریۍ. جیا جە چالاکی دلێنەبەردەی کرێنی و ترۆمبێلە زرێپۆشا، دایۋنە جە ترۆمبێلی سەروازی و هێزەکاو پەشتیوانی ئەرەگیرا، بە تاکتیکی خوڵقنەر جە ١٠و تەمووزی و ١٦و تەمووزینە ٢ هەلیکۆپتەرۍ سکۆرسکی سوپاو تورکی وزیێرە واری. ئا چالاکیۍ کە ئەنجام و رێبازو جەنگی تیمی پسپۆڕی تازەیش نیشانەدا، گورزەی قورسەشا جە سوپاو تورکی ئەرەگیری شانا.

جە ۋێرەگاو ٦و ئابینە جە مېڎانوو مڎرامانو کەشو ۋەهارینە یەکینێوە ئەرەگیری سەرەتا وزیا چێرو چەمڎاریوە، دماتەر جە لایەنو تیمەکا گەریلایۆ بە هەماهەنگی جە مێڎانەکەنە دامەشا پەی نریارە و بە چالاکیەکی کاریگەر گورزەی قورسەشا ۋنەشنیا. چا چالاکیەنە ١٤ ئەرەگیرۍ سزادریۍ و پەنج ئەرەگیرێچ کە یۆشا فەرماندەبۍ بە سەختی زامڎارۍ بیۍ، پی جۆرە یەکینەی ئەرەگیرکەر بە تەمامی پاکتاو کریا. ئا چالاکیە سەرکۆتە جارێوە تەر نیشانەش دا کە کاتێ تاکتیکەکۍ گەریلاو سەردەمی تازەی و رێبازو جەنگی تیمی پسپۆڕی بە شێوێوە راس و دروس جابەجێ بکریا جە چ ئاستێوەنە ئەنجام بەدەس مارۆ. ئا چالاکیە پەی سڵامکەردەی جە ساڵیاڎو چلەمین هەڵمەتەو ١٥و تەباخی ئەنجامدریا کە فەرماندەی گۆرەما سەرمەشقیش پەی ئا هەڵمەتۍ کەردەبۍ. هەرپۊکەی ئا چالاکیە سەرکۆتەما ئانڎەیتەر ماناڎار بیەن.

جە چالاکییەکا قۆناغەو جەنگوو مانگەی ۋییەرڎێنە دووۍ هەلیکۆپتەرۍ وزیێرە واری. گرڎوو یەکینەی و تیمە پسپۆڕەکا کە جە چالاکیەکا ئی دماییەینە رەنج و مانیایشا کێشا، بە مەڵامەتوو سەرکۆتەیاکاشاوە مبارەکبایشا ۋنە مکەرمۍ. چی ڕووانە کە جەژنەو ژیۋایۆ ١٥و تەباخینە ئێمە بڕواما هەنە کە بە زېڵۍ فیدایی عەگیدەکا و ئا رێبازەو سەرکەوتەی سەرکۊتەی گۆرەتەر بەدەسمۍ. سەرو ئا بنەمایۍ بە هەستی شۆڕشگێڵنانە سڵام ئاراسەو تەماموو هەمڕایاما مکەرمۍ".