ئا ژەنە زیندانیێ کە زیندانوو ئەوینوو تارانینە سزاو قەنارەدایشا شەرمەزارە کەردە، رووبەڕوێ هجوومی بیێوە، ئەرەیاونیا بێجگە جە زیندانییەی سیاسییەو کوردی وریشە مورادیێ، براوێ خەڵاتوو نۆبڵی نەرگس محەمەدییەیچ بریندارە بیێنە.
بنەیانەو نەرگس محەمەدیێ واتشا، چندین زیندانیێ سیاسیێدلیسانە نەرگس محەمەدییە، پەی شەرمەزارکەردەی قەنارەدای غوڵام‌ڕەزا ڕەسایی جەمێ بیێوە و واتشا: "قەراردریا بە دایوەنەی و هجوومکەردەی سەروو ژەنا، بەتایبەت ئانێ ڕیزوو وەڵێ چالاکییەکەیوە بێنێ، ژەنە زیندانییەکێ ڕووبەڕووی هجوومی چەکداری بیێوە، پۆلیسەکێ کیشتەنشا سینەو نەرگس محەممەدیێرە و هەناسەش تەنگ بییەن و باخجەو زیندانەکەینە بێهۆشە کەوتێنە".
ئەرەیاونیا نەرگس محەمەدییە زیندانەکەنە چارەسەرە کریێنە و ڕوانەو زیندانی نەکریێنۆ و بنەیانەکەش نیگەرانێ دۆخوو تەندرووسیشەنێ.
بەپاو ئا زانیارییا کە زیندانەکاوە دەسێ کەوتێنێ، پۆلیسەکێ هجوومشا کەردەن سەروو وریشە مورادیێ و ئەشکەنجەشا دێنە، چند یاگێوی جەسەیشا بریندارە کەردێنە و دمایی را نەدریان وریشە مورادییە بلۆ خەسەخانە، بە قسێ زیندانییەکا ئەفسەر هادی محەمەدی فەرمانەو ئەشکەنجەدایەکەیش دێنێ.
