کۆمیساراو باڵاو پەنابەرا نەتەوە یۆگێرتەکا فیلیپۆ گراند ئەرەیاوناش، بەمەڵامەتو هجومە ئاسمانییەکا ئیسرائیلی پەی سەرو لۆبنانی زیاتەر جە ١٠٠ هەزار کەسێ چا وڵاتەنە ڕووەو سوریا کۆچشا کەردەن و ئاوارێ بیێنی و کۆچبییەچشا بەردەواما."

ڕۆو شەمەی، ئاژانسو ڕێکوزیای پەنابەرا نەتەوە یۆگێرتەکا جە بەیاننامەکەینە ئەرەیاوناش، نزیکەو ٥٠ هەزار کەسێ ڕووەو سوریا ئاوارێ بیێنێ. ئینەیچ نیشاندەرو ئانەین کە جە ماوەو دووێ ڕووانە ژمارەو ئا کەسا جە لوبنانەنە کۆچبەرێ ببێنێ دووێ ئنە زیاڏش کەردەن.

هەرپاسە سەرچەمەکێ UNHCR ئەرەیاونانشا کە سەڏەنە ٨٠و ئا کەسا پڕێنێوە خەڵکو سوریاینێ کە بە مەڵامەتو بارودۆخو چەنگیۆ گێڵێنێ پەی وڵاتەکەیشا و سەڏەنە ٢٠و هاموڵاتیێ لوبنانینێ.

ڕۆو یەکشەمەی، بەرنامەو واردەی جیهانی ڕێکوزیای نەتەوە یۆگێرتەکا ئەرەیاوناش، کە پەی یاوناو یارمەتی پەی نزیکەو ملیۆنێوە ئا کەسا کە مەڵامەتو چەنگیۆ زەرەرشا وەرکەوتەن، دەسشا بە ئۆپەراسیۆنێوە بەپەلە کەردەن.

هامکات چەنی شیویای بارودۆخو مەنتیقەکەی وڕاوەبەری دیموکراتیکو سەرنیشتو و وەرکەوتو سوریای پەی ئا کۆچبەرا کە گێڵاوە وڵاتەکەشا پەی ئانەی بەشێوێوە سەلامەت ئەرەنیشتێ کریا لیژنێوە قەیرانی ئەرەمەزران