بە مەبەسوو دیداری چەنی ڕابەروو گەلوو کوردی عەبدوڵا ئۆجالانی، کە ٤١ مانگێن ئینا چێروو بارودۆخی سەختوو گۆشەگیریی ئیمراڵیینە و هیچ زانیارییێوە بارەشۆ وەردەس نییەن، پارێزنەراو نویسگەی یاسایی سەدەی سەرێ داواکاری گردینوو کۆماریشا بورسانە و ڕاوەبەرایەتیی زیندانوو ئیمراڵیی دا.  

پاڕێزنەرێ سوزان ئاکیپا، ئیبراهیم بیلمەز، عەمران ئەمەکچی و جەنگیز یورەکلی تا بتاوا موەکیلەکەیشا عەبدوڵا ئۆجالانی و زیندانیای تەری زیندانوو ئیمراڵینە عومەر خەیری کۆنار، حامیلی یەڵدرم و وەیسی ئاکتاش بوینا، داواکارییشا پێشکەش کەرد.

ڕابەروو گەلوو کوردی عەبدوڵا ئۆجالان، کە لە ساڵەو ١٩٩٩یوە بە پیلانگێڵنیێوی میاننەتەوەیی گیریا، تا ئیساتێ زیندانوو دوورگەو ئیمراڵیینە گیریان. جە ٢٥و ئاداروو ٢٠٢١یوە بە هیچ جۆرێوە هەواڵوو ڕابەروو گەلوو کوردی عەبدوڵا ئۆجالانی نمەزانیۆ و هیچ زانیاریێوی بارەشۆ نییەن و دژیشنە گۆشەگیریێوی سەخت هەن.

پارێزنەرێ واتەنشا، ڕەتکەردەیوەی داواکارییەکاشا بەوێگەرەکبییەیانە و دماو چندین مانگا بەناسایی پەنەشا موچیۆ کە بۆنەو سزاو دیسپلینیوە داواکارییەکێشا ڕەتێ مکریانێوە، هەرپاسە نمەزانیۆ  سەبەبوو سزاو دیسپلینی چێشەن.  

قەراروو قەدەغەکەردەی مافوو چەمپەنەکەوتەی کە وەراوەروو ڕابەروو گەلوو کوردی عەبدوڵا ئۆجالانی و ٣ زیندانییای تەروو ئیمراڵیوە بڕیانۆ،٣ێ ئازاروو ٢٠٢٤ینە لاو دادگاو بەیاگەیاونای بورسایوە دریان.

دماو هەوڵدای کودەتاکەو ساڵەو ٢٠١٦ باری نائاسایی ئەرەیاونیا و قەدەغەو مافوو چەمپەنەکەوتەی تا شوباتوو ٢٠١٨ بەردەوام بی.دماو ئا ئەو ڕێکەوتەئوە داواکاریی دیداروو پارێزنەرا ٦ مانگێو جارێوە قەدەغە  مکریۆ.

ئاخر قەرارشەنە داواکاری گردینوو کۆماری بورسای  ٣ێ ئازاروو ٢٠٢٤ینە سەبارەت بە ڕابەروو گەلوو کوردی عەبدوڵا ئۆجالانی و زیندانییای تەروو زیندانوو ئیمراڵی پەی ماوەو ٦ مانگا قەراروو قەدەغەکەردەی دیداریش چەنی پارێزنەرا دا.  

هاموەخت چەنی قەراروو قەدەغەو چەمپەنەکەوتەی جە ٨ ساڵەو ئاخرینە وەراوەروو ڕابەروو گەلوو کوردی عەبدوڵا ئۆجالانینە، لاو کەمیوە پەی ١٣ جارا قەدەغەو چەمپەنەکەوتەی ٦ مانگێن چەنی پارێزنەرا دریان.