کۊمېتەو ناۋەنڎی پەکەکەی ئەرەیاۋناش، دەسەڵاڎ داری ٢٠ ساڵە ئېنا قەراخو وڕاینە و ئەرەیاۋناش:''جە خەتەو ڕابەر ئاپۊینە، بەڕۊحو نەورۊزیۊ شانە بڎەیمۍ ۋەرو قۊناغەکەی و بەشێۋێۋی گرڎی و ھەمەجۊر ۋەرەنگاری کەرمۍ".
کۊمېتەو ناۋەنڎی پارتو کرێکاراو کورڎسانی (پەکەکە)ی بەبۆنەو جەژنەو نەورۊزیۊ ئەرەیاۋنێۋەش ۋەڵا کەرڎۊ. کۊمېتەو ناۋەنڎی پەکەکەی ئەرەیاۋناش؛ ساڵەو ٢٦٣٥و نەورۊزی ٥١ەمېن ساڵەو ڕاپېماو ئازاڎیی، کە ڕابەر ئاپۊ جە ساڵەو ١٩٧٣ۍ دەسش پنەکەرڎ، بە پەرۊشی و مدرامانۍ کەم ۋێنۊ پێشوازکەرمۍ. کۊمېتەو ناۋەنڎی پەکەکەی ئەرەیاۋناش؛" جە کەسایەتی ڕابەر ئاپۊینە، نەورۊز، کەجەژنەو ئازاڎینە، جە گەلەکەیماو تەمامو گەلۍ ۋێڕاگرو دۊساما پېرۊز مکەرمۍ. جە کەسایەتی 'مەزڵوم دۊغان، زەکېیە، ڕەھشەنە، ڕوناھیە، بێریڤانە، سەما، سارا، ڕوکەنە، ئەڤېن گۊییە، یاشاربۊتان، ڕاپەرین ئامەڎە، گەشمەرڎا زاپی و مەتېنای و ئاڤاشېنی و خواکوڕکی' یاڎو گرڎو گەشمەرڎا ئاخێزی مکەرمێۋە و ۋەعد مڎەیمۍ ۋیرو یاڎشا بە سەرکۊتەی تاجدار بکەرمۍ".
ئەرەیاۋناو کۊمېتەو ناۋەنڎی پەکەکەی:
٢٦٣٥ەمېن ساڵەو نەورۊزی و ٥١ەمېن ساڵەو ڕاپېمای ئازاڎیی، کە ڕابەر ئاپۊ جە ساڵەو ١٩٧٣ۍ دەسش پنەکەرڎ، بە پەرۊشی و مدرامانۍ کەم ۋێنۊ پێشوازکەرمۍ. کۊمېتەو ناۋەنڎی پەکەکەی ئەرەیاۋناش؛جە کەسایەتی ڕابەر ئاپۊینە، نەورۊز، کەجەژنەو ئازاڎینە، جە گەلەکەیماو تەمامو گەلۍ ۋێڕاگرو دۊساما پېرۊز مکەرمۍ. جە کەسایەتی 'مەزڵوم دۊغان، زەکېیە، ڕەھشەنە، ڕوناھیە، بێریڤانە، سەما، سارا، ڕوکەنە، ئەڤېن گۊییە، یاشاربۊتان، ڕاپەرین ئامەڎە، گەشمەرڎا زاپی و مەتېنای و ئاڤاشېنی و خواکوڕکی' یاڎو گرڎو گەشمەرڎا ئاخێزی مکەرمێۋە و ۋەعد مڎەیمۍ ۋیرو یاڎشا بە سەرکۊتەی تاجدار بکەرمۍ. ئێمە ئېنایمۍ چا قەناعەتنە، کە گەلەکەماو گرڎو ھێزە ۋەرەنگارەکۍ بە دڵنېایۊ ساڵەو ٢٠٢٣ۍ ئەرەکۊشای پۍ دیموکراسی و ئازاڎیی بە ڕۊحو ئېراڎەو مدرامانو نەورۊزیۊ گەش کریۊۋەو بە سەرکۊتەی تاجدارش مکەرا. ھامۋەخت چنی نەورۊزی حەفتەو قارەمانی نەتەۋەیی پېرۊز مکەرمۍ. جە کەسایەتیە قارەمانە نەتەوەیەکامانە ھامڕا" مەزڵوم دۊغان و مەعسووم کۊرکماز" ئێمە جارێۋەتەر بەڕێزوو یاڎو گرڎوو گەشمەرڎا مدرامانی مکەرمێۋە.
نەورۊز نېشانۍ و ھێماو مدرامانو ئازاڎییا
نەورۊز پۍ گرڎو ئا گەلا کە دژوو زوڵمو زۊرڎارینە سەرە بەرزکەراۋە ۋێڕاگری کەرا پېرۊز مکەرا، ڕوۋۍ تازە، سەرەتێۋە تازە، یۊبیەو جەژنەو مدرامانی و ئازاڎییا. نەورۊز کە نېشانۍ و ھێماو مدرامانو ئازاڎییا، ھەزاران ساڵێن گەلو کورڎی و عەرەبی و فارسی و ترکی و فرێتەر جە گەلۍ جەھانی پېرۊزش کەرا. دۊڵەتو ترکی ئەرەگېروفاشېست حەرچنە حەوڵو کوشنایۊ و مرکنایرە ڕۊحو مدرامانو نەورۊزی و بۍ مانا کەرڎەیش دا، بەڵام سەرنەکۊت. بەڵام ئانەیچ ڕاسین کە نەورۊز پۍ ئەۋەڵ جاری بەپاو ماناو بنەماو ۋێش بە ۋەشبیەو پەکەکەیۊ پێسە ڕۊو مدرامانی و سەرھۊردای پېرۊز کریا. ڕابەر ئاپۊ ٥١ ساڵ چێۋەڵتەر گروپو ئاپۊیی، کە یوۋەم گروپی جەوھەری پەکەکەی بێنۍ، جە ڕۊو نەورۊزیەنە ۋەرو دەمو
بەنداوو چوبوکی جە ئەنقەرە کۊباۋە، دیالێکتێۋە مدرامانی نەورۊزیشا بە پەکەکەیۊ چەسپنا.
پەکەکە پی جۊرە پارتو نەورۊزیا. ھەڤاڵ مەزڵوم دۊغان بە یەرۍ دنە شقارتۍ جە زینڎانەنە ئێرو نەورۊزیش کەرڎۊ، ئانە پا مانێنە کە نەورۊز پۍ پەکەکەی چن ماناداربیەن. دماتەر ھەریۊ جە ھەڤاڵاما" زەکېیە، ڕەھشان، بێریڤانە، ڕوناھېە" ئێرو نەورۊزیشا گەشکەرڎۊ، زانېان کە ساڵەو نەۋەڎەکا چنی سەرھوردا پەڕ شکۊکا گەلی بی بە یۊ.
مدرامانو ھەڵۋێسو ڕابەر ئاپۊی:
بە پېرۊزکەرڎەو نەورۊزۍ تەری، ڕابەر ئاپۊ کە تائېسەیچ ئېمڕاڵېنە زینڎانی کریان، پۍ گەلەکەیماو جمیەرەکەیما گۊرەتەرین بۊنەو شانداین ۋەرو ۋەرپەرسیاری و ۋنە پەرسایۊ و سەرھوردای و یاۋای بە سەرفرازی. ڕابەر ئاپۊ ئېمڕاڵېنە پێسە زینڎانېۍ ڕاگېرکریان، گۊشەگېری قورسش ئېنا سەر، جە ئېسەنە ناۋەنڎو پاکتاو کەرڎەی و جېنۊسایدی ئېنا ئېمراڵېنە. بە تەنېا چا ئاژەنە ئانە ڕۊشن بۊۋە کە ڕابەر ئاپۊ بە مدرامانو ۋێش سېاسەتەکۍ ئاکەپە- مەھەپەی فاشېستېش پۍ ماڕاو ئېراڎەو گەلەکەیماو دلێنەبەرڎەو جمیەرەکەیما پوچ کەرڎۊ. ئېنسان ئەگەر سیاسەتەکۍ جەنگی تایبەت و پاکتاوکەرڎەی سەرو ئېمڕاڵی بە عالی نە وینۊو چنەش نەیاۋۊنە، مستەحېلە چانەی بیاۋۊنە، کە ڕابەر ئاپۊ چنی و تا چ ڕادێۋە دژوو گرڎ ئانېشا ۋەرگېری کەرۊو خۊتان ھەڵۋێسا. بە کوڵی و کرمانجی ئەشۊ ۋاچی، ئەگەر دۊڵەتو ترکی ئەرەگېری تا ئېسە نەتاۋانش بیاۋۊ بە مەرامو وێش، ئانە جە سایەو مدرامانو ھەڵۋێسو ڕابەر ئاپۊینە بیەن.
گەلی عەگید و قارەمانوو کورڎسانی، هامڕایا و هۊگراو وێگێرتەی!
فاشیزموو ئاکەپە – مەهەپەی ئەرەگیری – پاکتاوکاری، کە هێزش جە ناتۊیۊ ور گێرتەن، چێش تاوۊ وزۊش هەرمانە، گرڎ چێوێش کەرد، بە گرڎوو توانا و دەرفەتەکاو وێشۊ ماوەو ٨ ساڵان بەبێوێنەیی، کە نموونەش نەوینیان هجووم کەرۊ سەروو جمیەرەکەیما. نیەتشا ئانەن جە سەڎەمین ساڵەو ئەرەمەرزنای کۊماروو تورکیاینە و ڕێککەوتەینامەو لۊزان-ینە، جمیەرەکەیما دلێنە بەرا. پەی ئانەیچ بەدەر جە گرڎ ئەخلاقێوە جەنگی، بۍ گۊشدای بە پیمەرە ئەخلاقی و یاسایی و ئینسانییەکا، بۊمبی ئەتۊمیی تاکتیکی، چەکە کیمیاوییەکا و بەکارئارڎەی گرڎ چێوۍ پەی وێش بە ڕەواو حەقی وینۊ. ڕژێمی فاشیست، گرڎ ڕووۍ دژوو گەریلاکاو ئازاڎی تاوانوو جەنگ ئەنجام مڎۊ، نیەتش پێسە زاڵمێوە ونوەری وێش ملوو سیاسەتوو یاسایی و گەلەکەیمارە سەپنۊ، گەرەکشا گرڎ کەسی و هێزە وەرگیرەکا بە فشار و زۊرداری بێدەنگ کەرۊ، چەوسنۊشاوە و سەرکوتێشا کەرۊ و ورێشا گێڵنۊوە. جە دژوو ئا جەنگی، کە فاشیزموو ئاکەپە – مەهەپەی بە گرڎوو ویر و هۊشوو وێش بە بێئەخلاقانەو و بێپرەنسیپانە بەرۊش ڕاوە، ژەنا و گەنجاو کورڎسانی کەشەکاو کورڎسانینە داستانی ئەفسانەیی وەرگێرییشا تۊمار کەرد، گەلەکەما جە ئشناسنامە و ئازاڎیی وێشنە حیچ سازشێوەش نەکەرد.
"پاشایەتی ٢٠ ساڵێن ئینا قەراخوو وڕیاینە"
بێگومان چی قۊناغەنە قوربانیۍ فرێما دۍ. بەڵام بە مدرامانما دژوو دەوڵەتی فاشیستی، ئەرەگیر و بکوشوو ئاکەپە-مەهەپەی، پاشایەتی ٢٠ ساڵێن دیارا ئینا قەراخوو وڕیاینە. جبەرۊ حیچ کارتێوە پەی ڕژێموو فاشیستوو ئاکەپە-مەهەپەی نەمەنەن. دلێچنە گرڎوو ئاستەکانە تووشوو قەیرانی و گەندەڵی بییەن. ئەوەڵۊ بە مدرامانی تاریخیی "ڕابەر ئاپۊ"ی و بە مدرامانی بێهامتاو ٨ ساڵەو ئێمە ئانە ئاما ئاراوە.
"جەمسەروو ڕەنج و ئازاڎی ئەنجامەکە یەکلایی کەرۊوە"
تورکیا ئیساتۍ پاش نییان قۊناغوو ور چنیەیۊ. ورچنییێکۍ ١٤و ئایارینە کریا، ئەنجامەکێشا با بە ئاخیروو سەرڎەمێوە جە کورساننە و ئەوەڵوو سەرڎەمێوە تازەی. فاشیزموو ئاکەپە-مەهەپەی وەروو ئانەی ورچنیاکەینە نەگنۊ، بەدڵنیاییوە پەنا پەی گرڎ فرتوفێڵۍ و فشارۍ و ستەمێوە بەرۊ. وەلێم حەرچیێوەیچ کەرا ئەسەما وێشا جە ئەنجامەکا ڕزگار کەرا. جەمسەروو ڕەنج و ئازاڎی، گرڎوو هێزە شۊڕشگێڵنە وەڵیکەوتەیوازەکا، گرڎ کەس دژوو فاشیزمی دەور، ئەرک و وەرپەرسبییەی وێشا بەخاسی بەرا ڕاوە، ئەنجامەکا یەکلایی کەراوە، ئی قۊناغە ئینایمۍ دلێشنە، گەشەسانایۍ گرنگوو ورچنیەیەکایچا.
"پەشتیوانی و هامکاریی گەلەکەیما بە وەڵیوەبییەی ژەنا فرە بەنرخا"
٦وو شوباتی تورکیانە و کورڎساننە جە ١١ شارانە بوومەلەرزە کەوت. بە دەیان هەزار کەسۍ مەرڎۍ، فرەو یاگا و مەنتێقەکا وێرانۍ بیۍ. پەشتیوانی و هامکاریی گەلەکەیما بە وەڵیوەبییەی ژەنا بەنرخا. بە گیانوو پەشتیوانی و یۊبییەی جە دژوو بوومەلەرزەی، جارێوە تەر بەر کەوت، کە بە کۊمەڵایەتیبییەی جە کەسایەتیی ژەنانە کورڎساننە، هەڵای چنڎە بەقووەتا. ئێش و خەفەتما بە هۊو بوومەلەرزەیۊ، بەدڵنیاییوە فرەن. وەلێم ئێمە پێسە مزانمۍ کە ئازارەکاو وێما کەرمۍ پاساوو وەڵێبەرڎەی هۊشیاریما پەرسایۊ جە وەرپەرسا. ئا تووڕەییەما کە ڕۊ دماو ڕۊی زیاد کەرۊ، بەدڵنیاییوە فاڕمێش پەی سەرەوردای و مدرامانی گەورەتەری. نەورۊزوو ساڵەو ٢٠٢٣ کە ئێمە دماو ئا بوومەلەرزەیۊ بەهێزۊ ملمۍ پێوایشۊ، نەورۊزێوە جیاوازا.
"وەروو ئانەی ڕژێموو فاشیستوو ئاکەپە- مەهەپەی دلێنە بشۊ، مشۊم ئینسان بە گیانوو سەفەربەریوە کۊشیۊ"
پەی ساڕێژکەرڎەی ئا زەخما بوومەلەرزەکەی وەشۍ کەرڎێبێنۍ و هەم پەی دلێنەبەرڎەی ڕژێمی فاشیستوو ئاکەپە – مەهەپەی، زەروورا ئینسان بە گیانوو سەفەربەریوە کۊشیۊ. پا بۊنەوە مشۊم ئینسان بە هۊشیاریی ئانەیۊ جە سەڎ ساڵەو ئەرەمەرزنای کۊماروو تورکیای ئەرەگیری- قاڕچنی و پەیمانوو لۊزانینە قورسایی وزۊ سەروو ئا ورچنیایا کە پەرەسانای فرەشا چەنە گنۊوە. دلێنەشییەی فاشیزموو ئاکەپە-مەهەپەی، مەڕیاێوەن پەی بۊ ئەقڵیەتوو دەوڵەتوو تورکی ئەرەگیری-قاڕچنی. دیارا کاریگەریی ئا ئەنجاما سەروو پەرەسانایەکاو تورکیای و هەم سەروو کورڎسانی و هەم وەرکەوتوو دلێڕاسەیچ فرە بۊ، ئی ڕووۍ ئینایمێشا چەنە ڕووانێوە تاریخیێنی. مشۊم گرڎ ڕوۍ و ساتێوەش فرە بەخاسی ور سەنگنمۍ، حەوڵی فرۍ دەیمۍ و سەرۍ گنمۍ. پەوکای وەخت بەزێس کەسیرە نمێوە. ئێمە چی ماوەنە تاومۍ چێش کەرمۍ، ئانە بەسیان بە ڕێکوستەی ووردبییەیۊما و پەی ئامانجی و ئاستوو سەرکەوتەیما.
"سەروو خەتەو ڕابەر ئاپۊی و بە گیانوو نەورۊزی وێما پەی قۊناغەکەی تەرخان کەرمێ"
فرەو وەختا تارێخنە فرسەتۍ و هەلۍ چینۍ ڕەخسیێنۍ، کە حەر ئاندە مەنەن خوداوەند واچۊ "ئەی بەندەکەم هەنگامە بنیە!". ئی ماوە ئێمەش چەنەنمۍ چانەن. ئی قۊناغە هەم دەستکەوت و هەم تەرسی و هەم فرسەتۍ فرێش چەنەنۍ. سەروو خەتەو "ڕابەر ئاپۊ"ی، بە گیانوو نەورۊزی ئێمە وێما پەی قۊناغەکەی تەرخان کەرمۍ و بە شێوێوە گرڎین وێڕاگیرۍ بیمۍ، بەدڵنیاییوە حەرچی هەن ئینسان سەرجەنۊ بە شێوێوە شکۊمەندانەتەر دەسش وزۊ.
٨وو ئاداری ڕۊو جیهانیی ژەنا، کە بە بڕوا و قەرارداریی ئانەی کە سەڎەو ٢١ سەڎەو شۊڕشوو ژەنا بۊ، مەبارەک کریا، بی بە ئەوەڵوو مەبارەکبایی شکۊمەندانە و قەراردارانەو نەورۊزی.
"مشۊم ئازاڎیی جەسەیی ڕابەر ئاپۊی کریۊ بە ئامانجی سەرەکی"
بە مەبارەکبایی نەورۊزی، کە بە دروشموو "گرڎ یاگۍ نەورۊز، گرڎ یاگۍ ئازاڎی" جە چوارپارچەو کورڎسانینە، کەشەکاو کورڎسانینە، حەریاگێوە کە گەلەکەماش چەنەن و ئا نەورۊزە کە جە ئەورووپانە مەبارەک کریۊ، مشۊم ئازاڎیی جەسەیی "ڕابەر ئاپۊ"ی پێسە ئامانجی سەرەکی بنریۊرە. ئێمە قەناعەتما چانەن، کە نەورۊزوو ناوەندی، کە ٢١وو ئادارینە ئامەدوو سەرنیشتوو کورڎستانینە مەبارەک کریۊ فرە قەرەباڵغ بۊ. ملوێنان کەسۍ ئاویروو نەورۊزی مەیدانوو نەورۊزوو ئامەدینە کەراوە، بە دڵ، ئیرادە و دەنگوو ملوێنان کەسا هاوار پەی ئازاڎی جەسەیی "ڕابەر ئاپۊ"ی کەرا. جە ئیستەنبوڵنە و گرڎوو شارە گەورەکانە، کورڎساننە و ئەورووپانە، لاو سەڎان هەزارا و ملوێنا کەساوە مەبارەک کریۊ. ملوێنان کەسۍ هاوار پەی ئازاڎیی "ڕابەر ئاپۊ"ی کەرا و دروشموو "گرڎ یاگێنە نەورۊز و گرڎ یاگێنە ئازاڎی" ئاویروو نەورۊزی بەتەمامەتی گەش کەراوە.
ژەنا و گەنجاو کورڎسانی، جە قۊناغوو مدرامانوو نەورۊزینە بۍ مردای درێژەشا بە کۊشیای دان و جە گرڎ ئاستێوەنە هەرمانە و وەرپەرسبییەی سەرەوردای و مدرامانی، بەسەرکەوتانە بەرا ڕاوە و ساڵەو ٢٠٢٣ کەرا بە ساڵەو سەرکەوتەی.
سەروو ئا بنەمێوە جە کەسایەتیی "ڕابەر ئاپۊ"ینە ئێمە نەورۊزوو گرڎوو هامڕایا، گەل و دۊساما جارێوە تەر مەبارەک کەرمۍ و ماچمۍ بەدڵنیاییوە سەرکەوتەی پەی ئێمەن".
ھ.ش / س.ز
