کۆمیتەو ڕاوەبەری پەکەکەی ئەرەیاۋنێوەش جە بارەو ٢٥ەمین ساڵیاڎوو پیلانگێڵنیی میان نەتەوەیی ١٥و شوباتی وەڵاکەردۆ و چنەشەنە ئەرەیاۋنانش: "پەی سەرکۊتەی هەڵمەتەو میان نەتەوەیی ئازاڎیی گنمۍ حاڵەتوو ئاماڎەییوە".
کۆمیتەو ڕاوەبەری پەکەکەی داواش کەردە، کە جە ساڵیاڎوو ٢٥ەمینوو پیلانگێڵنیی میان نەتەوەیی ١٥و شوباتینە بە شێوێوە بەقوەتتەر پیلانگێڵییەکە ڕەڎکریۆوە و کۊشیای ئەنجام بڎریۆ. جە ئەرەیاۋناکەینە ئامان، "پێسە ژەنا و گەنجا، پێسە گەلوو کوردی و دۆسا دیموکراسیوازی، ئینایدۍ حەر یاگێوەنە ژیۋای مردندۍ و پەی ئازاڎیی جەسڎەیی رابەر ئاپۆی گرڎ چێوۍ ئامێتەو کۊشیای کەردۍ".
ئەرەیاۋناکەو کۆمیتەو ڕاوەبەری پەکەکەی پی جۆرەنە:
هجومی پیلانگێڵنیی میان نەتەوەیی ١٥و شوباتی کە پەی ئەسڕیەیۆ رابەر ئاپۆی ئەنجامدریا، ئینا ٢٥ەمین ساڵیاڎشەنە. رابەر ئاپۆ ٢٥ ساڵێن جە دژوو هجومی پیلانگێڵنانە و سیستموو گۆشەگیری، ئەشکەنجە و قڕکەردەی ئیمراڵی بێ مردای ۋێڕاگری کەرۆ. جمیەروو ئازاڎیی کوردسانی، گەلوو کوردی و هێزە دیموکراتیکەکا ٢٥ ساڵێن دژوو پیلانگێڵنی و سیستموو ئیمراڵی کۊشیانە. جە ڕاو هەڵمەتەو 'ئازاڎیی پۍ عەبدوڵا ئۆجالانی، چارەسەری سیاسی پۍ پرسوو کوردی' کە سەروو ئاستی میان نەتەوەیی ملۊڕاوە، دەس بە ٢٦ەمین ساڵەو ماناڎارتەرین و گۊرەتەرین مدرامانی تاریخی کەرمۍ. گەرەکمانە کە جە ساڵەو ٢٦ەمینینە پیلانگێڵییەکەی بە تەمامی ماڕمۍ، سیستموو گۆشەگیری، ئەشکەنجە و قڕکەردەی ئیمراڵی بە تەمامی هۊرشێونمێوە.
سەروو ئی بنەمایا، وەڵۍ گرڎ چێوێنە ئێمە هجوموو پیلانگێڵنا شەرمەزار کەرمۍ، سڵام جە ڕابەر ئاپۆی کەرمۍ کە ٢٥ ساڵێن ئیمراڵینە گۊرەتەرین مدرامانی تاریخی ڕاوەبەر کەرۆ، سڵام جە مدرامانی تاریخی ئیمراڵی کەرمۍ. پیرۆزبایی چانیشا کەرمۍ کە چی ٢٥ ساڵەنە بە مەژگ چنی ئی مدرامانەیە بێنۍ، دڵشا پۍ ئی مدرامانەیە دانش ۋنە و بە رێبازی جیاجیا پەشتیوانیشا چی مدرامانە گەورە و ماناڎارە تاریخیە کەردەن. گەشمەرڎە قارەمانەکاما کە بە دروشمەو 'شمە مەتاودۍ ڕۆما تاریک کەردۍ ' بیۍ بە بازنێوە جە ئاێری دەوروو رابەر ئاپۆیرە بە رێزوو حورمەتۆ یاڎشا کەرمێوە. گرڎوو ئانیشا کە جە ساڵەو ٢٦ ەمینوو هەڵمەتەو میان نەتەوەیی ئازاڎیمانە بەشدارۍ با و پۍ ئازاڎیی جەسڎەیی رابەر ئاپۆی و چارەسەروو پرسوو کوردی درێژە بە کۊشیای مڎا، هیواو سەرکۊتەیشا پۍ موازوو.
گەرەکشا بۍ جە روو سیاسی ئایدۆلۆژی و جەسڎەییوە رابەر ئاپۆی سەڕاوە
پێسە مزانیۆ هجومی پیلانگێڵنیی میان نەتەوەیی بە ئامانجوو ئەسڕیەیۆ رابەر ئاپۆی جە ٩/١٠/ ١٩٩٨ دەسشپنەکەرد و زیاتەر جە چوار مانگا سەروو ئاستی میان نەتەوەیی بە ڕا و رێبازی جیاجیای ڕاوەبەر کریا. ۋەروو ئانەی جە گرڎوو هجومە پلانپۍ مجیاکاشارە نەتاواشا ئەنجام بەدەسبارا، جە ١٥و شوباتوو ١٩٩٩ ینە رابەر ئاپۆشا کینیانە بڕفانا و وستشا دلۍ سیستموو گۆشەگیری، ئەشکەنجە و پاکتاوو ئیمراڵی. سەروو ئا بنەمایۍ جە ڕاو گۆشەگیری دژواری، ئەشکەنجەی و قرکەردەی ٢٥ ساڵەیۆ حۊڵمڎا رابەر ئاپۆی جە روو جەسڎەی، ئایدۆلۆژی-سیاسیوە پاکتاو کەرا و سەڕاشۊ. دلۍ سیستموو ئیمراڵینەکە ساحیبەکۍ ئا سیستمەیە پنەش واچێنۍ ' گرڎ ڕووۍ دەجارۍ کوشۆش' وەحشیانەتەرین فشاری جەسڎەیی و دەرونی بەکارئاما، گرڎ ساتێوەش بە فشاری قورسەرە ویەردەن و پی جۆرە گەورەتەرین تاوانە جە دژوو مرۆڤایەتی ئەنجامدریا.
بێگومان هجوم جە دژوو رابەر ئاپۆی، هجوم بۍ جە ۋەران ۋەروو ئیراڎەو ئازاڎیی و بیەو گەلوو کوردینە، هجوم بۍ دژوو ئیراڎەو دیموکراتیکبیەو تورکیای و ۋەرکەوتوو دلێڕاسەی، هجوم بۍ دژوو ئازاڎیی ژەنۍ و گرڎوو مرۆڤایەتی. جە ڕاو ئا هجومەیۆ گەرەکشا بۍ رابەر ئاپۆی پاکتاو کەرا و سەڕاشۆ، سەروو ئا بنەمایێچە جمیەروو ئازاڎیی کوردی و پەکەکەیچ پاکتاو کەرا، پی جۆرەیچە کوردی قڕ کەرا. سەروو بنەماو قڕکەردەی کوردایچ نیازشا بۍ تورکیا، ۋەرکەوتوو دلێڕاسەی و مرۆڤایەتی بە تەمامی رادەسوو ڕاوەبەری نادیموکراتیکی کریا. حەر پۊکەی هجومی پیلانگێڵنیی میان نەتەوەیی هجوموو دوژمنایەتی بۍ ۋەران ۋەر بە کوردا، ۋەران ۋەر بە ئازاڎیی و دیموکراسی و هجومی دوژمنکارانە بۍ ۋەران ۋەر بە ژەنا. دلۍ سیستموو گۆشەگیری و ئەشکەنجەو ئیمراڵینە ٢٥ ساڵێن حۊڵ مڎریۆ کە ئا هجومۍ درێژەشا پنە بڎریۊ.
رابەر ئاپۆ هجومە پاکتاوکارییەکێش شکسپنە ئاردۍ
هجومە پیلانگێڵییەکۍ ٩/١٠/ ١٩٩٨ ی و ١٥/٢/ ١٩٩٩ ی بێگومان هجومێوە بۍ پۍ قڕکەردەو کوردا کە جە تەرەفوو سیستموو مۆدێرنیتەی سەرمایەداریی گەردوونییوە وەشکریا. چا چوارچێوەنە بە سەرمەشقی هەژمونوو سەرمایەداریی گلۆبالی پێسە ئەمریکا، بەریتانیای و ئیسرائیلیوە پلانەش پۍ نریارە و ڕاوەبەر کریا، وەختێچ بە پێویس زانیا جە تەرەفوو گرڎوو ئا هێزوو دەوڵەتاوە ئا هجومە ئەنجامدریا. سەروو ئا بنەمایۍ بە تایبەتی ڕاوەبەروو میسر، یۆنان، روسیا، ئەڵمانیا، فەرەنسا، کینیا و پەدەکەیچ دەورێوە کاریگەرشا گێڵنا. سیستموو گۆشەگیری، ئەشکەنجە و قڕکەردەی ئیمراڵیچ ٢٥ ساڵێن سەروو بنەماو ئا هێزا ملۆڕاوە و ۋەرووچەما تەماموو جەهانیوە گەورەتەرین تاوانە جە دژوو مرۆڤایەتی ئەنجام مڎریۆ. ئا رێکار و ڕاوجا یاساییۍ کە مشۆم ئازاڎیی جەسڎەیی رابەر ئاپۆی مسۆگەر کەرا، ماوەو ٢٥ ساڵان جابەجێ مەکریۆ. جە ۋاران ۋەروو هجومێوە پی جۆرەو دوژمنینە، مرۆڤایەتی، بە تایبەتی رابەر ئاپۆ مدرامانێوە بێهامتا ڕاوەبەر کەرۆ. بە رێبازێوە هوشیارانە، پیلانگێڵڼی یووەم و٩/١٠/١٩٩٨ یش پوچ کەردۆ. لایەنۍ پیلانگێڵنیەکەریچ پەیوەس بە تورکیای حەر جە ئەوەڵۆ بە فرەرەهەندیۆ هۊرسەنگنۍ و ئامانجوو جە قەنارەدایش جە پیلانگێڵنی ١٥و شوباتی پوچ کەردۆ. ئانەی پۍ مرۆڤەکا 'محاڵ' بۍ، ئەنجامش دا ئا گۆشەگیری، ئەشکەنجە و قڕکەردەو ئیمڕاڵیش پۍ ۋێش کەرڎ بە یاگۍ قووڵبیەیۆ، فاڕاش بە ۋەننگێوە پۍ بەرهەمئاردەی ئەندێشەی تازەی و بە بەرنامەو 'کوردسانی ئازاڎیی، ۋەرکەوتوو دلێڕاسەی دیموکراتیک'ی کە پۍ چارەسەری پرسوو کوردی دەسنیشانش کەرد، بەرنامەو 'مافە کەسییەکا' حکومەتەکەو بولەنت ئەجەڤیتیش دلێنەبەرد. پی جۆرە کۊشیای تاریخی ئیمراڵیش بەدەسئارد و سیاسەتوو ڕێزنایرەو ئیمراڵیش هەرەس پنەئارد.
سیستموو ئیمراڵیش فاڕا پۍ وەننگەو بیەی بە رابەرایەتی گەردوونی
رابەر ئاپۆ گەمەو 'ئومەتی ئیسلامی'ی هێزە پیلانگێڵنەکا کە جە ڕاو حکومەتەکەو تەیب ئەردۆغانیۆ سەپیۍ و سەپنای ئاژاوەگێڵنی-پاکتاوگەری دلێینەی، بە فاڕای پۍ پاڕادایمی بە تەمامی دلێنەبەرد. جە دژوو مۆدێرنیتەی سەرمایەداری مۆدێرنیتەی دیموکراتیکش خوڵقنا، سیستموو دەوڵەت و دەسەڵاڎداری پەنج هەزار ساڵەی کە گەرەکش بۍ ئاڎی دادگایی کەرا، ئاڎ ۋێش دادگاش شەرمەزار کەرد. گلێرگەی سیاسی و ئەخلاقیش جە دژوو کۆلۆنیالیستی سەرمایەداری، ئیکۆلۆژیکی ئیندوتریالیزمی و پیشەسازینە، کۆنفیدڕاڵیزمی دیموکراتیکش جە ۋەران ۋەروو نەتەوە دەوڵەتینە دەسنیشان کەرد، پۍ چارەسەری ئا قۊرتا گلێرگەی کە جە تەرەفوو سیستموو دەوڵەتی و دەسەڵاڎدارییوە خوڵقیێنۍ، بە تایبەتی پرسوو کوردی و پرسوو ژەنا، پرۆژەو چارەسەریش دەسنیشان کەرد. پی جۆرە دیوارەکۍ ئیمراڵیش وڕنۍ، ۋێش تەماموو دنیێرە وەڵا کەرد و بی بە رابەرو گرڎوو چەوەسیاکا. جە ۋەران ۋەروو سیاسەتی و مەژگی پیاسالارینە، ئاخێزوو ئازاڎیی ژەنۍ و ژنۆلۆژیش خوڵقنا، ۋێش کەرد بە هامڕا و سەرمەشق و گرڎوو ژەنا چێردەسی. سەروو ئا بنەمایۍ سیستموو ئەسڕیەیۆ ئیمراڵیش فاڕا پۍ وەننگەی و بی بە رێبەرایەتیۍ گەردوونی.
مدرامانی ٢٥ ساڵە زیاتەر جە گردکەسی،ژەنا و گەنجا بەرد ڕاوە
ڕابەر ئاپۊ چارەکە سەدێوەن، دژوو سیستموو گۊ شەگیری، ئەشکەنجەی و قڕکەرڎەی ئیمراڵی، وەراوەروو گردوو هجوومەکانە بە ماتادارتەرین و ئەنجامگیرتەرین ڕێباز وێگێریی کەرۊ ، گردوو ئا هجووماشە ماڕۍ و سیستموو ئیمراڵییش بێمانا کرد. چا کۊ شیایە تارێخییەنە بەتایبەتی ژەنی و گەنجێ، گەلەکەما و دۊ سێما چەنیش جووڵیێوە. وەراوەروو هجوومە دڕندانە و هەمەلایەنەکاو ٢٥ ساڵەو سیستموو مۊ دێرنیتەی سەرمایەداریی جیهانیینە، پێسە جمیەروو ئازاڎی، گەل و هێزە دیموکراتیکەکۍ ٢٥ ساڵێن مدرامانێوە دیموکراسی و ئازاڎیی هەمەلایەنە بریان ڕاوە. ئا مدرامانە بە گیانبازیی یەکجار گەورە وەڵی گرد کەسێوەنە ژەنا و گەنجا بەرد ڕاوە، چوارپارچەو کوردستانینە و بەروو وەڵاتیوە گەلوو کوردی بەرد ڕاوە. بە سەرمەشایەتیی مدرامانوو ئیمراڵی جە چارەکوو سەد ساڵی وەڵینینە داستانێوە مدرامانی هەرەوەزی خولقیا. بێگومان هێزی بنچینەیی ئا مدرامانە تاریخییە گیانبازی 'شمە مەتاودۍ ڕۊ و ئێمە تاریک کەردێ' بێ، گەشمەرڎە قارەماناو ئا گیانبازییە بێنێ، هێزی قارەمانوو گەریلای بێنێ، کە شمشێرەی تیژەو خەتەو گەشمەردا و ڕابەرایەتینێ. بەتایبەتی زاپنە، هەرێمەکاو پارێزنای مێدیای و چوارلاو کوردستانینە، هێزوو جەنگەوانا و فەرماندە قارەمانەکاو هەپەگەی و یەژاستاری گرد جۊ رە هجوومێوەشا ماڕا، بە مدرامانی قارەمانانە ڕۊ حی فیدایی ئاپۊ ییشا یاونا بەرزتەرین ئاست و پەی گردوو جۊ رە پەیجووریێوە ئازاڎی و دیموکراسی بیۍ هێز و سەرچەمەو ئیسفادەکەرڎەی.
ئازاڎیی ڕابەر ئاپۊ ی کوردستانی ئازاڎ کەرۊ ، تورکیای دیموکراتیک کەرۊ
ئیساتۍ قۊ ناغێوە چانەنە چارەکە سەدێوە ویەرنۊ و پا منیۊ ساڵەو ٢٦ەمینوە. چێروو سیستموو گۊ شەگیریینە، ئەشکەنجە و قڕکەرڎەی ئیمراڵیینە هەوڵۍ مدریا، کە هجووموو پیلانگێڵنیی میاننەتەوەیی بەپاگێرتەیرەوە درێژەش پەنەبدریۊ . ئانەیچ بە شێوێوە ئاشکرا سەرچەمەو گرد جۊ رە خراپەکارییێوەن. بە سەپنای چارەسەرنەکەرڎەی سەروو پەرسەو کوردیرە هەوڵۍ مدریا، کوردستانی کەرا مەیدانوو جەنگێوە دمایینامای، پاسە کەرا تورکیا چێروو دیکتاتۊ ریەتوو فاشیستیی ئاکەپە-مەهەپەینە بازاوە، وەرکەوتوو دلێڕاسەی و جیهانیچ کەرا بە یاگۍ هجوومی قڕکاری، کۊ لۊ نیالیستی و فاشیستی. ئینەیچە وەختێوەنە شکستی پیلانگێڵنی و وڕنای سیستموو ئیمراڵی پێچەوانەو گردوو ئانیشا خولقنۊ و بۊ بە مایۍ ئانەیە جوانتەرین چێوەکۍ سەوزۍ با. ئازاڎی جەستەیی ڕابەر ئاپۊ ی چارەسەری دیموکراتیکوو پەرسەو کوردی خوڵقنۊ ، کوردستانی ئازاڎ کەرۊ و تورکیایچ دیموکراتیک. ئینەیچ پەی ئانەیە بۊ مایۍ دیموکراتیکبیییەی تەماموو وەرکەوتوو دلێڕاسەی، ئاستوو میاننەتەوەییچنە ژیواێوە ئازاڎانەتەر و دیموکراتیک پێشکەش بە ئینسانیەتی کەرۊ .
ئا وەختە کۊ شیایما دژوو هجوومەکاو پیلانگێڵنیی میاننەتەوەیی و سیستموو گۊ شەگیری، ئەشکەنجە و قڕکەرەی ئیمراڵی کە ٢٥ ساڵێن بەرڎەواما، پەی کوردی و گردوو گەلا، ژەنا و گەنجا، پەی تەماموو ئینسانیەتی داراو مانێوە گەورۍ و تارێخیێن. ئیساتێچ بە هەڵمەتەی میاننەتەوەییەو ئازاڎیی دەس بە ٢٦ەمین ساڵەو ئا کۊ شیایە پا مانۍ کریۊ ، کە پەی ئازاڎیی جەستەیی ڕابەر ئاپۊ ی و چارەسەروو پەرسەو کوردی بریۊ ڕاوە. هەڵمەتەی جیهانییەو ئازاڎیما ئاستێوە ستراتیژیکنە هەڵمەتێوە ستراتیژییەنە، ١٠و تشرینوو یوەمینە دەسش پەنە کەرد، وەڵۍ بیۊ و ئیساتۍ بە چالاکییەکاو شەرمەزارکەرڎەی پیلانگێڵنیی ١٥ شوبات یاوێنۍ یۊ . کەشۊ ، زیندانەکانە، چوارپارچەو کوردستانینە و چوارلاو جیهانیوە بە سەرمەشقایەتیی ژەنا و گەنجا ئا هەڵمەتەو ئازاڎییە بەرڎەوامەنە. ئاشکران بە چالاکییەکاش شەرمەزارکەرڎەی پیلانگێڵنی ١٥ شوباتی میاوۊ بەرزتەرین ئاست. ئا چالاکیۍ گردوو مەیدانەکانە بە چند حەفتێوە دەسشا پەنە کەرڎەن، ١٥ شوباتینە میاوا فیناڵ، فاڕیێنۍ پەی ئا چالاکییا کە هجوومەکاو پیلانگێڵنی مردنا و سیستموو ئیمراڵی ورشاناوە.
بە شەرتەو ماڕای گۊ شەگیری، فاشیزم وڕۊ
ئاشکران کە ساڵیادوو ٢٥ەمینی هامشێوەو ساڵاو وەڵۍ نیا. مشۊ م سیستموو ئیمراڵی ورشنیۊ وە و ئازاڎیی جەستەیی ڕابەر ئاپۊ ی مسۊ گەر کریۊ . ژیوای چێروو سیستمێوە چینەو گۊ شەگیری، ئەشکەنجە و قڕکەرڎەینە ئیترمەکریۊ . یەرۍ ساڵێن حیچ زانیاریێوە بارەو ڕابەر ئاپۊ یۊ وەرڎەس نییا، بەرڎەوامبییەی ئا دۊ خەیە مایۍ قبووڵکەرڎەی نییا. ستەم، کۊ کوشی و فشاروو فاشیزموو ئاکەپە-مەهەپەی کە پاسەوانی پەی پیلانگێڵنی کەرۊ ، ئیتر یاگۍ قبووڵکەرڎەی نییا. پا مەرجە گۊ شەگیری مەڕیۊ ، فاشیزم وڕیۊ و ئینەیچ هەرمانەی بنچینەییەو ئی ئی سەرڎەمەینە. ئانەیچ بە ماناو سەروستەی هەڵمەتەی جیهانییەو ئازاڎیین.
یانۍ ساڵیادوو ٢٥ەمینوو پیلانگێڵنی ١٥ شوباتینە ئێمە فرە بەتندی ڕەتش کەرمێوە و دژوو سیستموو گۊ شەگیری، ئەشکەنجەی و قڕکەرڎەی ئیمراڵی قەوەتتەر کۊ شیەیمێ. پێسە ژەنا و گەنجا، پێسە گەلوو کوردی و دۊ سە دیموکراسیوازا، ژیوای گرد یاگێنە مردنمۍ و پەی ئازاڎیی جەستەیی ڕابەر ئاپۊ ی گرد چێوۍ ئامێتەو کۊ شیای کەرمێ. ئێمە چالاکییەکاو شەرمەزارکەرڎەی پیلانگێڵنیی ١٥ شوباتی، کە چوارپارچەو کوردستانینە چوارلاو جیهانیوە کریا، ١٥ شوباتینە میاونمۍ بەرزتەرین ئاست. پێسە کوردی و دۊ سە دیموکراتیکاش ١٧و شوباتینە جادە و مەیدانەکاو کۊ ڵنی پەڕۍ کەرمێوە، هێزی گەورەو ئیرادەی و هۊ شیاریی ئازاڎیی کوردی بە دۊ س و دوژمنی و گرد کەسی نیشانە مدەیمێ. ئێمە 'ڕۊ ی سیاو'و ١٥ شوباتی ڕۊ شن کەرمێوە و ڕۊ و قڕکەرڎەی کوردا بە لوایدلۍ سەد ساڵێوە تەریوە کەرمۍ بە ڕۊ و ئازاڎیی. ئێمە زیاتەر جە ڕاسیی ڕابەر ئاپۊ ی میاومێنە، جە ڕاو ئا ڕاسییوە بە بەقوەتی یۊ ی گێرمێ. ساڵەو ٢٦ەمینی کەرمۍ بە ساڵەو دلێنەبەرڎەی پیلانگێڵنی، وڕنای سیستموو ئیمراڵی و مسۊ گەرکەرڎەی ئازاڎیی جەستەیی ڕابەر ئاپۊ ی.
پەی سەرکەوتەی هەڵمەتەو جیهانی ئازاڎی گنمۍ سەفەربەری و ئامادەباشییوە
نەمەنەی پەی پیلانگێڵنی ١٥و شوباتی!
بژیوۊ ڕابەر ئاپۊ ."!
