ڕاو هومێدی، باوەڕی و ڕزگاریی گلێرگەی، کۆردیدۆری مرۆیی، کە بی بایسوو ڕزگارکەردەی هەزارا ئیزدییا فەرمانەو شەنگالینە، خویددا ئەلیاس، یۆ چا کەسانە کە بە کۆریدۆری مرۆیی وێش کۆکوشییەکەنە ڕزگار کەردەن و ئاماژەش پانەی کەرد: کۆردیدۆری مرۆیی بی بایسوو ڕزگاریی گلێرگێوی.

 ٣ێ ئابوو ٢٠١٤ چەتەکاو داعشی فەرمانەشا ئاردە سەروو گلێرگەو ئیزدی، فەرمانەکێنە هەزارا کەسێ کوشیێ و زیندەبەچاڵێ کریێ و سۆچیێ، چا وەختەنە پەدەکە بە گلێرگەی ئیزدییش ئەرەیاونابێ :" تەرسیتا جە ئێمە نەبۆ مپارێزنمێتا" بەڵام شەنگالشا نەپارێزنا و دەسبەردارێ گەلوو ئیزدی و شەنگالی بیێ، هاموەخت جەنگەواناو ڕابەروو گەلوو کوردی عەبدوڵا ئۆجەلان، یاوێ هاواروو گلێرگەو ئیزدی و کۆریدۆرێوی مرۆییشا بەینوو دەگاو دووگرێ و دوو هۆڵیینە کەردۆ، ئا جەنگەوانێ کە بە هاواروو گلێرگەو ئیزدییوە ئامێ، نزیکەو ٧٠ گەشمەرداشا تا تاواشا کۆردیدۆێوی مرۆیی سڵامەت پەی خەڵکوو شەنگالی بکەرانێوە و ڕاو ئا کۆردیدۆریوە گەلووئیزدی دەربازوو وەرنیشتوو کوردستانی بکەرا و جە جینۆسایدی بپارێزناشا.

" نە عێراق  و نە پەدەکە شەنگالشا نەپارێزنا"

هامسەرۆکوو دەسەو ڕاوبەریی شەنگالی خودێدا ئەلیاس یۆ چا کەسانە، کە بۆنەو کۆردیدۆری مرۆیی شەنگالیوە تاواش، جە جینۆسایدوو سەروو گەلی ئیزدیوە ڕزگارش بۆ،  کۆردیۆر بی بە ڕاو ڕزگاریی ژیوای، سەروو ئی پەرسێوە قسێش پەی ئاژانسوو هەواڵوو فوڕاتی (ANF) کەردێ و باسش کەرد کە  هیچ وەختێوە فەرمانەکێم ویرە نمەشۆوە و واتش: "فەرمانەو سەروو شەنگالی هیچ وەختێوە جەلایەنو گلېرگەو ئێزدییوە جە یاڎ نمەکریۆ، تاریخێوە سیاوا، چا کاتەنە بڕۍ هێزۍ بێنۍ ئەرەیاۋنێنۍ کە گلېرگەی ئیزیدی پارێزنا، بەڵام داخەم نمەشۆ جە ڕۊو فەرمانەکێنە نە سوپاو عێراقی و نە پەدەکەیچ شەنگالشا نەپارێزنا و ڕاشا جە چەتەکا داعشی نەگێرت، ئەگەر ئینسان تەماشەو ڕاسی ڕووەداکەی بکەرۆ ئانە فرە بەڕۊشنی ئانەی موینۆ کە ئانە ناپاکیی (خیانەتێ)وە بۍ ۋەرا ۋەر بە گەلی ئیزدی کریا، بنەیانەو بارزانی یۆبێنۍ چا هێزا کە خیانەتشا کەرد ۋەرا ۋەر بە گلېرگەو ئیزدی، ئانۍ بیۍ بە مەڵامەتوو ئانەی گەلوو ئیزدی فەرمانەش سەرەرە بۍ، بە هەزارن کەسۍ بڕفانیۍ جە لایەنو چەتەکا داعشیوە، گەلشا ڕوو بەرووو کۆچبەری جیهانی کەرد، ساڵەو ٢٠٠٧ پەدەکە ئاما شەنگال و  قەولوو ئانەیش دا کە شەنگالی ئاوەڎان مکەرۆوە، بەڵام ئاڎۍ جە ٣ۍ ئابو ٢٠١٤ بە گرڎوو تانک و تۆپ و چەکە قورسەکاشاوە شەنگالشا جیائاست و بڕەمۍ و ڕووەشا کەردۆ شارەکا هەرێموو کورڎەسانی".

"  کۆریدۆری مرۆیی بە ۋنەو گەشمەرڎا وەش بی"

خودیدا ئاماژەش پانەی کەرد کە ئەگەر کۆریدۆری مرۆیی دمایش پنە ئامابیۍ ئانە بە هەزاران ئینسانۍ کوشیێنۍ و پی جۆرە درێژەش بە باسەکەیش دا: "پەی ئانەی گلېرگەو ئیزدی نەگنۆ و شەنگال دلېنەنەشۆ جەنگەوانا ئازاڎیی کە سەرو کەشەکاوە جەنگوو دووژمنا کورڎەسانی مکەرا، جە ڕۊو کۆمکوژیەکەینە ئامۍ دەمو هاوارو ناڵەو گلېرگەی ئیزدیۆ و ئا گلېرگەشا جە دەسی سیاوو چەتەکا داعشی پارېزنا، پەی کەردەیۆ ئی ڕا مرۆییۍ بە دەیان جەنگەوانۍ ۋنیشا مجیا، جەنگەوانە ڕابەر ئاپۆی تاواشا بە هەزاران ئیزدیۍ جە ڕاو ئا کۆردیۆرەیۆ ڕزگار بکەرا".

" پەکەکە شەنگالش پارېزنا"

خودیدا باسش چا جەنگەوانا کەرد کە ڕێکێشا کەردۆ و پی جۊرە باسش کەردێ: "دماو ئانەی ڕاکۍ وەشەکریا بەشێوە جە گلېرگەو ئیزدیما لوۍ پەی ۋەرنیشتوو کورڎەسانی و ئێمەیچ لوایمۍ پەی پانیشتوو کورڎەسانی، چا کاتەنە جە تەلەفزیۆنەکاوە وینێنمۍ کە گلېرگەکەما واچێ ( کەس نامان بە دەنگماوە) ئێمە ئێشۍ فرەما چەشت پا قسا، بەڵام چا کاتەنە دیما کە گەریلاکۍ کەشی ملا دەمو هاوارو گلێرگەکەیماوە، زانێنمۍ  کاتۍ پەکەکە بلۆ دلۍ شەنگالی شەنگالی پارێزنا و شەنگال نمەگنۆ، پۊکەی هەر ئا کاتە قەرارما دا کە پەنەوازا گێڵمێوە پەی شەنگالی کە هەڵای ڕزگار نەبیەبۍ، واچێنمۍ ( گێڵمێوە شەنگال و ۋەران ۋەرو دووژمنانە شان بەشانو هەڤاڵا دژی دووژمنی جەنگ بکەرمۍ)، جە ١٤و  ئابینە جە ڕاو ئا ڕێوە جارێوەتەر گێڵایمۍ شەنگال، هەڤاڵا یەپەگەی پنەشا واتیمۍ: "چەکێوە دۆشکۍ سەرو ڕاو سنونێنە هەنە" چا کاتەنە بڕۍ داعشۍ بێنۍ، جە حەقەتینەنە فرە بەزەحمەت ۋێما یاونا بە شەنگالی، چن جوانۍ بێنمۍ گەشمەرڎە دڵشێر، هەڤاڵا تەریما دیۍ فرە دڵوەشۍ بیەیمۍ، هەر کەسێ کاتێ هەڤاڵا موینۍ، هێز و مۆرالشا چنە هۊرگێرۍ، پۊکەی چا کاتۆ بەشداری دلۍ کار و خەباتیما کەرد و تا ئارۊیچ ئینانی دلۍ ئا کۆششەینە."

" چا کەسا وەشۍ نمەبیمۍ کە خیانەتشا ۋنە کەردیمۍ"

خودیدا ئەلیاس، جە دمادمایی قسەکاشەنە سوپاسوو گەریلایا، هەپەگە، یەپەژەی و یەپەگەیش کەرد ۋەروو ئانەی دەورشا گێڵنان جە پارېزنای گەلوو ئیزدینە و بەهاوارو گەلی ئیزدیوە ئامۍ و واتش: "ئینە بی بە ٧٤ەمین فەرمان کە گرڎ کاتۍ خیانەت جە گلېرگەو ئیزدی مکریۆ، جەلایەنو هێز و کەسانۍ پېسە بنەیانەو بارزانی ...هتد، چا کەسا وەشۍ نمەبیمۍ کە خیانەتیشا ۋنەکەردیمۍ، وەڵۍ ئی فەرمانێنە ئێمە ئاشنا بە فکرو سەرۆک ئاپۆی نەبێنمۍ و ئی هێزەیە نەشناسێنمۍ و دلېمانە نەبۍ، دماو ئانەی کە ئامۍ بە هاوارو گلېرگەو ئیزدیۆ و ئێمەشا ڕزگار کەردۍ ئێمەیچ ئا هێزەما ئشناسا جە ئیساتێنە ئاشناو فکرو سەرۆک ئاپۆ-ینمۍ ۋێما بە قەزرارو فکر و فەلسەفەو ڕابەر ئاپۆی و گەشمارڎا مزانمۍ، ئەگەر گلېرگەو ئیزدی تا ئارۆ ۋێش ڕاگێرتەن ئانە جە سەیەو فکرو فەلسەفەو ڕابەر ئاپۆی و ڕەنجو ۋنەو گەشمەرڎا و جەنگەوانا ئازاڎییا، داوا جە گەلەکەیما مکەرمۍ کە خاونداری جە هێز، خاک و گلېرگەو ۋێشا بکەرا، سەرو بنەماو ئا  فکرە ئازاڎەیە گلېرگەو ئێمە ۋێشا پەروەردە کەرد و هەرمانەشا ڕاوەبەرە کەردە، ئێمەیچ سەرو هەمان ڕێبازی درێژە بە ئەرەکۊشای مڎەیمۍ" .