ئەرەنیشتەی پەرلەمانینە تایبەت بە جان ئاتالای، ئاکەپەییەکێ هجوومشا کەرد سەروو پەرلەمانتاروو پارتوو کرێکاراو تورکیای (تیپ) ئەحمەد شیکی. حەرپاسە پەرلەمانتارەو دەم پارتی گوڵستان کلیچ کۆچیگیتە بریندارە بییە.
لوجنەی گردینوو پەرلەمانی سەروو داواو پارتە ئۆپۆزیسیۆنەکا ئەرەنیشتەی نائاساییش کەرد، تایبەت بە جان ئاتالای کە مافوو پەرلەمانتارییش چەنە سنیانۆ، هامسەرۆکاو پارتی گردینەکاو پارتوو یەکسانی و دیموکراسیی گەلا (دەم پارتی) تونجەر باقرخان و تولای حاتەم ئۆغۆللارییە، سەرۆکی گردینوو جەهەپەی ئۆزگور گوزەل بەشدارێ ئەرەنیئشتەکەی بێنێ.
ئەوەڵ سەرۆکوو پەرلەمانی بەکر بۆزداغ مافوو قسەکەردەیش دا بە پەرلەمانتاروو پارتوو کرێکاراو تورکیای (تیپ) ئەحمەد شیکی، پەرلەمانتارەکە ناڕەزایەتیی وێش بەروست و واتش: "هەرکەس جە وێتا نەبۆ پنەش ماچدێنە "تیرۆریست"،پەوکای بە جان ئاتالایچ ماچدێ تیرۆرست و پی قساتا ئامینمێرە".
بۆنەو ئی قساوە سەرۆکو پەرلەمانی بەکر بۆزداغ پەی ماوێوە ئەرەنیشتەکەیش مدرنا و دمایی سیک هەمان قسێش ئەوەخوای کەردۆ و واوەی ئەرەنیشتەیەکەی مردنیاوە. چی وەختانە ئالپای ئۆزالانی ئاکەپەیی هجوومش کەرد سەروو شیکی، سەرۆک فراکسیۆنەو دەم پارتی گوڵستان کیلیچ کۆچیگیتە هەوڵێشدێ میانجی بکەرۆ، بریندارە بییە.
دەم پارتی: بەردەوامێ بیمێ جە دۆزە ڕەواکەیما
هامسەرۆکێ گردینێ پارتوو یەکسانی و دیموکراسیی گەلا( دەم پارتی) تونجەر باقرخان و تولای حاتەم ئۆغۆللارییە بە ئەرەیاونایوە نویسیا ناڕەزایەتییسا بەروست وەراوەروو هجوومو پەرلەمانتاراو ئاکەپەی.
ئەرەیاونایەکەینە ئاماژە پانەیە کریان دەسەڵات چارەسەر جە هجووم و تندوتیژیی جەسەینە موینۆوە، ماچۆ:"
پەرلەمانتارە پیایەکاو ئاکەپەی هجوومشا کەردەن سەروو پەرلەمانتارە ژەنەکاما، ئینە شەرمەزارییا، ئی هجوومە قبووڵنەکەردەی ئیرادەو گەل و دەسدرێژیی سەروو یاسێن، سەرۆکوو فراکسیۆنەکەیما و هیچ هامراێوەما وەراوەرو ئی هجوومانە نمەگێڵانێوە دما".
ئەرەیاونانیچش، دەسەڵاتوو ئاکەپە-مەهەپەی بەرۆ هجوومێ تندێ مکەرۆ سەرو ئۆپۆزسیۆنی و ئیسەتێ گەرەکسا ئا هجووما بفاڕۆوە پەی دلێ پەرلەمانی و واتش:" ئا دەسەڵاتە ڤادە و مەیدانەکانە بە چەتەگەری فەرمانەو هجوومکەردەی مدۆ گەرەکشا ڕاو پەرلەمانتارەکاشۆ بفاڕۆشۆ پەی دلێ پەرلەمانی، کۆبییەوەی تایبەت بە گێڵنایوە جان ئاتالاینە پەی پەرلەمانی، ئاکەپەییەکێ پەی بێدەنگکەردەی ئۆپۆزسیۆنی و نادادیگەری سەروو کورسییاو پەرلەمانیوە هجوومشا کەرد سەروو پەرلەمانتاراو ئۆپۆزسیۆنیت، ئەوەخوایش مکەرمێوە دژشا مدرامان مکەرمێ و ئی زهنیەتوو هجووماشا شەرمەزار مکەرمێ، باجەکەش چێش بۆ با بۆ بەردەوامێ بیمێ جە دۆزی ڕەوایما پەی دیموکراسی و دادپەروەری و ئاشتی".
ئۆزەل سەرێ گوڵستان کلیچ کۆچیگیتێش دا
سەرۆکی گردینوو جەهەپەی ئۆزگور ئۆزەل سەرێ سەرۆک فراکسیۆنەو دەم پارتی گوڵستان کیلیچ کۆچیگیتێشدا، کە هجوومش کریابێ سەر لاو ئاکەپەییەکاوە، هامسەرۆکە گردینەکێ دەم پارتی تونجەر باقرخان و تولای حاتەم ئۆغۆللارییە خێرامای ئۆزەلیشا کەرد و کۆبییەیوەکەی هۆڵوو فراکسیۆنوو دەم پارتیینە کریا و ئۆزەل هومێدوو سڵامەتییش پەی گوڵستانێ واست.
ئۆزەل جەختش کەردۆ ئی هجووما قبووڵێ نمەکەرا.
