سەدان ئەرەنیشتێ شاروو دەرباسیەو کانتۆنوو جەزیرەی بە ڕاپیماێوە گۆشەگیریی سەروو ڕابەروو گەلوو کوردی عەبدوڵا ئۆجالانیشا شەرمەزار کەرد و داواو ئازادیی جەستەییشا کەرد.  

ڕاپیمایەکە بە ورگێرتەی ڕسموو ڕابەروو گەلوق کوردی عەبدوڵا ئۆجالانی و عەلەمەو تەڤگەروو جڤاکی دیموکراتیک (تەڤ-دەم)ی و پانکارتوو "ئازادی پەی عەبدوڵا ئۆجالانی، چارەسەر پەی پەرسەو کوردی" وەردەموو مەیدانوو ژەناو شارەکەینە دەسش پەنە کەرد. لە ڕاپیمایەکەینە درووشموو "بێ سەرۆکی ژیوای نمەبۆ" و "بژیوۆ سەرۆک ئاپۆ" و "نا پەی بێدەنگیی میاننەتەوەیی" بەرزێ کریێوە.

ڕاپیمایەکە چوارڕاو شارەوانیینە مدرا و فاڕیا پەی جەمۆبییەی.

هامسەرۆکەو ڕێکوستەی پارتوو یۆبییەی دیموکراتیک (پەیەدە)و شاروو دەرباسیەی دیانە عەبدوڵا گۆشەگیری سەروو ڕابەروو گەلوو کوردی عەبدوڵا ئۆجالانیش شەرمەزار کەرد و واتش دەوڵەتوو تورکی و هێزە میاننەتەوەییەکێ چی سیستەمە تازەیە متەرسانە، کە گەل وێش مبەرۆنەش ڕاوە، پەوکای گۆشەگیری تندتەر مکەرا.

دیانە بێدەنگیی ڕێکوزیا میاننەتەوەییەکا و ڕێکوزیایەکاو مافوو ئینسانوو نەتەوە یۆگێرتەکاش شەرمەزار کەرد و واتش وەرپەرسێنێ جە تەندروسیی عەبدوڵا ئۆجالانی.

بانگەوازش جە ڕێکوزیا یاساییەکا کەرد، دەسچی بێدەنگییە هوربگێرا، واتش پێویسا گەل پەی ئازادیی جەستەیی ڕابەروو گەلوو کوردی عەبدوڵا ئۆجالانی بەردەوام مەیدانەکانە بانە.

جەمۆبیەیەکەی بە درووشموو "بێ سەرۆکی ژیوای نمەبۆ" دماییش ئاما.