پەیاموو سەرەوەشیی کەجەکەی پەی ئەکینجی و ئاکتاشی
کەجەکە پەی مەردەی د. تارق زیا ئەکینجی و عەلی شوکران ئاکتاشی پەیامێوە سەرەوەشییش وەڵا کەردۆ و واتش: "بە ڕێزدارییوە یادوو هەردووە ڕۆشنویر، وەڵاتپاریزن و کۆشەرا مکەرمێوە."
هامسەرۆکایەتیی کۆنسەو ڕاوەبەریی کەجەکەی دەربارەو مەردەی د. تارق زیا ئەکینجی و عەلی شوکران ئاکتاشی پەیامێوە سەرەوەشییش وەڵا کەردۆ.
ئەرەیاونیاکەی ئینەنە:
"دڵگرانێنمێ بە مەرگوو هەردووە وەڵاتپارێزناو گەلوو کوردی و کۆشەرا د. تارق زیا ئەکینجی و عەلی شوکران ئاکتاشی، کە پێوە کۆچی دماینشا کەرد. سەرەوشی جە بنەیانەی و کەسوکاریشا و گەلوو کوردی مکەرمێ.
هەردووە کۆشەرێ هامکاریێوە کۆشیای گەلوو کوردی و ئازادی و دیموکراسییشا کەرد، پەوکای جەدەسدایشا مایێ غەمگینیی ئێمە و گەلوو کوردین. د. تارق زیا ئەکینجی هەم ئازارەو سەختی گەلوو کوردیش چەشتە و هەم مدرامانیچەنە بێ دژوو سیاسەتوو نکۆڵێکەردەی، تاونایۆ و قرکەردەی، بەشداروو دلێ کۆشیای بێ، پەوکای بی بە هۆش و یادوو گەلوو کوردی، پێسەو ئینسانێوی ڕۆشنویری و کۆشەرێوە هەوڵێ فرێش دێ پەی هۆشیارکەردەیوە گەلوو کوردی و سیاسەتی وەڵاتپارێزننی. بەشداریێوە گرنگش جە پەرەپەنەدای کۆشیای دیموکراتیکی و سیاسەتوو دیموکراسیی تورکیانە کەرد. عەلی شوکران ئاکتاشیچ خەباتکارێوی گەورەو بەڕێز بێ، سەروو داواو ڕابەر ئاپۆی ئاما تورکیا و پەی دیموکراتیکبییەی تورکیای و چارەسەری دیموکراتیکیانەو پەرسەو کوردی، سەروو ئی بنەمێ بە هەرمانەکاش بەشداریێوە گرنگش کەرد پەی نزیککەردەیوە ئینسانەکا جە یۆترینی و پەشتیوانیی بەینوو گەلا و قەوەتکەردەی هەستوو پێوەژیوای، چی هەرمانێنە دەرەنجامێوی گرنگش بەدەس ئارد.
بە ڕێزدارییوە یادوو هەردووە ڕۆشنویر، وەڵاتپارێزنن و کۆشەرا مکەرمێوە، هەردویشا بەشداریێوە بەنرخشا جە کۆشیای دیموکراسی و ئازادیمانە کەرد، پەرە بە کۆشیایشا مدەیمێ و میاونمێش بەئەنجام و واوەی سەرەوشیی جە گەلەکەیما مکەرمێ."
