عێراق پلانەو وردایوەی نزیکەو ٣٠٠ قەبرە بەکۆمەڵاش ئەرەیاونا
وەرپەرسوو دەزگاو گەشمەرداو عێراقی، پلانەو وردایوەی نزیکەو ٣٠٠ قەبرە بەکۆمەڵاش جە ٨٥ مەنتێقانە ئەرەیاونا.
عەبدول ئیلاهـ ئەلنائیلی سەرۆکوو دەزگاو گەشمەرداو عێراقی، ئاشکراش کەرد، کە یاگێ ٢٨٩ قەبرە بەکۆمەڵاشا تەماموو عێراقییەنە دیاریێ کەردێنێ، کە قوربانییاو دەسوو ڕژێموو بەعسی و تیرۆریساو داعشیشا چەنەنێ.
ئا وەرپەرسەو دەزگاو گەشمەرداو عێراقی واتیچش: "وردایوەی قەبرەەکا جە ٨٥ یاگانە وزیان پلانەی ساڵانێ دەزگاو گەشمەرداوە و وردایوەیشا وەختێوی فرەش گەرەکەن بە پاو دۆخوو کەشوھەوای و دەسەبەرکەردەی پەشتگیریی لۆجستی".
سەرۆکوو دەزگاو گەشمەرداو عێراقی ئاماژەش کەرد: "بۆنەو فرەیی ژمارەو ڕوفاتەکاو گەشمەرداوە، کە ئینێ چا قەبرە بەکۆمەڵانە، ئاشکراکەردەی شناسنامەو قوربانییەکا، وەختێوی فرەش گەرەکەن".
