مەجلیسوو گەلوو هەرێمەکەی و مەجلیسوو ژەنا مەراسیمەکەشا ڕێکوست. مەراسیمەکە جە پارکوو فلۆرانشوتینە ئەنجامدریا. دماو دەیەقێوە ڕێزگێرتەی جە گەشمەرڎا ئەرەکۊشای ئازاڎی کورڎەسانی، سەرنج وزیا سەرو ئەرزشی تاریخی ١٥ و ئابی.

بەمامۍ کۆماویۆ قسۍ کریا و مەعسوم کۆرکماز (عەگید) یاڎکریاوە. حەرپاسە بەنامۍ مەجلیسوو ژەنا ئێزدیۆ قسۍکریا و سەرنج وزیا سەرو خیانەتو پەدەکەی.

جە مەراسیمەکەنە کۆرۆی زاوڵا و گرووپوو فۆلکلۆری و تیمی شانۆیی و هۆزان ئەحمەد و هۆزان زۆزان زودەم، هونەرو ۋێشا پێشکەش کەرد.

چالاکییەکە بە بەرزکەردەیۆ درووشمەو "بژیۋۆ سەرۆک ئاپۆ" و "بژیۋۆ ١٥ و ئاب"ی و "بژیۋۆ گەریلا" دمایش پنە ئاما.