ناوەندوو ئەرەیاونای و چاپەمەنی هەپەگەی پێوەس پا ٣ گەریلایاوە بۆتانەنە گەشمەردێ بیێ ئەرەیاوناێوەش وەڵا کەردۆ:

ئەرەیاونایەکەو هەپەگەین:

هامڕێما بەندا ئامەد، دەستینا بۆتان و باران خەملین، کە فیدایێ کۆشیای ئازادیی گەلوو کوردی بێنێ، ٢٥و تەمموزو ٢٠٢٤ مەیدانوو کاتۆی خەلیلوو بۆتانینە هجوومێوە دوژمنینە گەشمەردێ بیێ.

هامڕاما بەندا میلیتانێوی فیدایی ئاپۆی بێ، کە کەشەکاو بۆتانینە ئاڵاو ئازادییش ورە دا و فەرمانداریی هەرێمەکەیش کەرد. پەی ئازادیی گەلەکەیما و ڕزگاریی وەڵاتەکەیما گرد قوربانیێوەش وەرەچەم گێرت و بە قەراردارییوە بەشداروو دلێ ڕێزەکاو کۆشیای ئازادیی بێ. چێروو پیمانەکاو ژیوای ئازادینە وێش قەوەت کەرد، هونەری میلیتانێتی پیمانەکاو پەکەکەی و پاکییش جە کەسێتیی وێشەنە وستەن پراکتیکۆ. گەریلایەتیینە وێش شارەزا کەرد، بییە فەماندارێوی سەرمەشقەو یەژا ستاری، چندین هەرێمێ جیاوازینە هەرمانەش ورگێرتە و دمایی لوا بۆتان و ساڵانێوە چا کۆشیا. پێسەو فەرماندارێوی بە ئایدیای، قەرار و دەسوەڵێوزی تا وەختوو گەشمەردەبییەیش پەی پۆڕنای هەرمانێ سەنگینێش وێش بە فیداکارییوە کۆشیا.

هامڕێما دەستینا پیسەو ڕۆڵێوی قارەمانێ و سەرەوردێرەو بۆتانی کەشەکاو بۆتانینە بە بێ دووەدڵی پەی ئازادیی گەلەکەیما کۆشیا. چا کەشەنە، کە ڕای ڕەسەنەو گەریلاکامانە، جە ڕووەو ئایدۆلۆژیی ئاپۆییوە وێش قەوەت کەرد و بییە میلیتانێوی یاراو یەژا ستاری. چا وەختەنە چەنی هامڕا ئامانج گۆشکاری (سوونا قزڵقایە) مەنۆ، کە یۆ جە فەرماندارە سەرمەشقەکاو پارتەکەیما بێ، وانە بنەڕەتییەکاو کۆشیایش ورگێرت، بە پاو پێمانەکاو ئازادیی ژەنێ و شۆڕشگێڵنیی ڕادیکاڵێتی ئاپۆیی ژیوا و بە بێ دووەدڵی کۆشیا. ئا پیمانێ، کە جە گەشمەردە ئامانجیوە ورش گێرتەبێ کەردش بە بنەماو کۆشیای و ژیوای، جە بۆتانەنە و هەرێمەکاو پارێزنای مەدیاینە کۆشیاێوە داستان ئامێزش وەش کەرد.  

هامڕاما باران، هەستش بە سیاسەتوو تاونایوە گەلەکەیما، گێرتەی ڕابەرێتی کەرد و گەنجیشەنە ڕووەش کەردە کەشەکاو کورستانی. بە عەشقێوی فرەوە بەشداروو دلێ ڕێزەکاو گەریلای بی. بە پڕ وزەیی و کەسایەتیی وێشۆ، بە میلیتانێتیی ئازادیی گەلوو کوردیوە جە ژیوای گەریلایینە وێش شارەزا کەرد. بۆتانەنە بەشداروو دلێ ڕیزەکاو گەریلای بی، بە جەنگی سەخت و باردۆخی بێدەرفەتی فرەرە ویەرد و بی بە گەریلایای نموونەیی ئاپۆی. هامڕاما باران ژیوای گەریلای و پراکتیکوو جەنگوو هامڕایاش و یادەوەری هامڕا گەشمەرداش کەرد بە گەورەتەرین مامۆساو ژیوای وێش، بی بە جوانتەرین نموونەو گەنجاو کوردستانی.

هامڕێما بەندا، دەستینا و باران کە کەشەکاو بۆتانینە کۆشیای ئازادیی گەلوو کوردیی وەڵاتپارێزنی چەنی گردوو سەختییەکا بە قەراردارییوە کەرد، بە عەشقێوی گەورەو ئازادی و یارای وێشاوە دژوو دوژمنی دڕندەی مدرێوە. بە فیدایەتییوە کۆشیێ و یاوێ ئاستوو شەهادەتی. وەعد مدەیمێ تووڕەیی هامڕایاما بەندا، دەستینا و بارانی گرد وەختێوە بکەرمێ بە نموونەو ژیوایما، ونیشا زەمینەنە نمازمێوە، ئامانجەکاشا میاونمێ یاگێ و بەدڵنیاییوە سەرێ مگنمێ.

سەروو ئی بنەمێوە سەرەوەشیی وێما پەی بنەیانەو هامڕایاما و گەلی وەڵاتپارێزنوو کوردستانیما موازمێ.

زانیارییەکێ سەروو شناسنامەو هامڕا گەشمەرداما ئینەن:

             

شناسنامێ: بەندا ئامەد

دمانامێ: سەمرا ئاڤەردی

یاگێ پەیدابییەی: ئامەد

نامێ ئەدێ و تاتەی: فایقە- قاسم

شۆنە و وەختوو گەشمەردەبییەی: ٢٥و تەمموزوو ٢٠٢٤/ بۆتان

***

شناسنامێ: دەستینا بۆتان

دمانامێ: بشەنگ دورموش

شوێنی لەدایکبوون: شڕناخ

نامێ ئەدێ و تاتەی: سوزان- نەزیر

شۆنە و وەختوو گەشمەردەبییەی: ٢٥و تەمموزوو ٢٠٢٤/ بۆتان

***

شناسنامێ: باران خەملین

دمانامێ: سەیتاخان سەنجەر

یاگێ پەیدابییەی: وان

نامێ ئەدێ و تاتەی: جەوهەر- محمەد شەریف

شۆنە و وەختوو گەشمەردەبییەی: ٢٥و تەمموزوو ٢٠٢٤/ بۆتان."