ڕیشچەرمێ عەشیرەتە کورد وعەرەبەکاو شاروو حەسەکەی، هجوومەکاو حکومەتوو شامی و هامپەیمانەکاشا دێرەزۆرنە شەرمەزارێ کەردێ و پەیاموو پەشتیوانیی قەسەدەیشا ئەوەخوای کەردۆ.
ڕیش چەرماو عەشیرەتە کورد و عەرەبەکاو شاروو حەسەکەی پێوەس بە هجوومەکاو هێزەکاو حکوموتوو شامی و چەکداراو دیفاع وەتەنی پەی سەروو کانتۆنوو دێرەزۆری ئەرەیاوناێوە هامبەششا وەڵا کەردۆ.
ئەرەیاونایەکە لاو سەرۆکوو مەجلیسوو هۆزوو تەی، شێخ حەسەن فەرحانیوە ونیاوە.
ئاماژە پانەیە کریان، شیخ و ڕیش چەرماو هەرێمەکەی دژوو هەوڵەکاو حکومەتوو شامی و چەکدارەکاشا بە ئامانجوو نیایوەی فیتنەی، واتشا:" پێسەو عەشیرەتەکا بە ژەنی و پیا و زارۆڵە وگەنجماوە ئینایمێ چەنی قەسەدەی و هێزەکاو ئاسایشی، ئێمە بە گردوو توانایوە ئاسایشوو وەلاتەکەیما مپاریزنمێ، ئا گردوو هەلومەرج و ئەزموون و دۆخە سەختا پۆريشارە ویەردیمێ ئانەیە مسەلەمنا، کە یۆبییەی و یەکڕیزیما قەوەتتەرین چەکا وەراوەروو هەوڵەکاو تێکدای ئاسایشی و تێکدای یەکپارچەیی پێکئامایەکاش، باوەڕما پاسنەن وەڵات جە گرد چێوێ بەنرختەرا، پارێزنایش هەرمانێوی مەبارەکەنە، کە مگنۆنە سەروو شانەو گردوو ئەنداماو عەشیرەت و هۆزەکاما".
جە ئەرەیاونایەکەینە هەوڵێ نیایوەی ناکۆکی و تێکدای ئاسایشوو هەرێمەکەی و کۆکوشی دێرەزۆرنە شەرمەزارێ کریێ و وچیا:" گردوو عەشیرەت و هۆزەکاو هەرێمەکاو سەرنیشت و وەرکەوتوو سووریای با بە تاشێوە پەی ماڕای پیلانگێڵنییەکاو دوژمنی، مبانێ بە قەڵگانی پارێزنەر دژوو ئانیشا هەوڵی بە گەمەکەردەی بە ئاسایشوو هەرێمەکەیوە مدانە.
داوا جە تەماموو ئازیزا وەلاتەکەیما مکەرمێ پەشتیوانیی قەسەدەی و ئاسایشی با و بەرژەوەندیی وەڵاتی لای سەریی گرد چێوێوە بنیارە".
