ئەمڕۆ، سنوورو پارێزگاو سلێمانینە جە دەیەمین ساڵیاڎو کۆمکوژیی و جینۆسایدو گەلوو شنگالینە جە لایەنو چەتەکا داعشیوە، هاموڵاتییا و سایەق ترۆمبێلۍ بە مەبەسو بەربڕیەی هامخەمیی دەیەقێوە بە بێدەنگی مردۍ.

هەڤاڵ ئەبوبەکر، پارێزگارو سلێمانی، ئەرەیاۋناش، سەرزەنشت و ئا تاوانا مکەرمۍ کە ۋەرا ۋەر بە تەماموو مرۆڤایەتی کریا جە مەنتیقەو شەنگالینە و هیواڎارێنمۍ ئیتر تاوانەی پا جۆرە واوەی نەبۆوە.

حەرپاسە جە تەماموو پارێزگاو سلێمانی و دامودەزگاکا و جاڎە سەرەکییەکانە، پەی بەربڕیەو هامسۆزی و هامخەمیی پەی گەلوو ئێزدیی هامووشۆو ڕۆت پەی ماوەی دەیەقێوە مردا.

 ئانەیچ جە وەختێنە کە، ١٠ ساڵۍ چێوەڵی چەتەکۍ داعشی هرووژمشا کەرد سەرو شەنگالی و دەوروبەرىش پا مەڵامەتۆ هەزاران کەسۍ کۆمکوژکریۍ و سەڎان هەزارۍ تەریچ ئاوارۍ بیۍ.