هەڵمەتەو هێزە ئەمنییەکاو دۆڵەتو ئێرانی شارو سەرپێڵو زەهاوینە سەر بە پارێزگاو کرماشانی، ٨ جوانێ تەرێ پاڵبەسێ کریێ و وەرپرسا دەوڵەتیش باس چانەیە کەرا باڵبەسکریێکێ ئەندامو تۆڕێوە سەر بە گروپە توندڕەوەکانێ.
بە پاو هەواڵێوە تۆڕو مافەکا مرۆڤی هەشت هاموڵاتی کوردێ بە نامەکا ئارمین مورادی، محەمەد عەزیزی، محەمەد یودفی، یوسف ئلیاسی، حامد ئلیاسی، محەمەد یودفی، کۆمار نادری و عەمەر بابایی شارەکا کرماشانی و سەرپێڵو زەهاوینە باڵبەسێ کریێنێ.
ئاماژە بانەیە کریان، ئارمین مورادی، محەمەد عەزیزی و محەمەد یوسفی یۆ جە جادەگا کرماشانینە باڵبەسێکریێنێ. یوسف ئیلیاسی، حامید ئیلیاسی، یوسف نەیریزی، کۆمار نادری و عومەر باباییش کە هۆرکوای سەرو یانەکاشا جە سەرپێڵی باڵبەسێ کریێنێ، فاڕیێنێ پەی کرماشانی.
وەڵتەرێچ جە ٢٥و سەرماوەزینە هێمن پاڵانی، پویا دڵجو، ئاریام ئەحمەدی، پەیام رەنجبەر، کاوە سوهرابی، ئەیمەن سەفایی، ئومێد ساڵحی، یوسف رەنجبەر و خالید کەمەری هامکات جە یانەنە و جە یۆ واردەمەنییەکا سەرپێڵینە باڵبەسێکریێنێ و جە مییانو دەس پاڵبەس کریای نەبی ئەکرەمی سوپاو پاسدارا ڕاگیریێنێ.
دوو جە باڵبەسکریایا بە نامەکا محەمەد نەیریزی و ئەیمەن سەفایی بەنیارەو بارمتەی و بە شێوەو کاتی ئازادکریێنێ.
گرڏ دەس سەرەرەگیییەکێ جە مافو دیداری چنی بنەیانە و پەیوەندیکەردەی بە پاڕێزنەرەکاشا بێبەش کریێنێ و تەنیا یەک جار بە کەمی جە ڕاو تەلەفۆنیۆ پەیوەندیشا بە بنەیانەکاشاوە کەردەن.
داواکارو گرڏی جە سەرپێڵەنە بانگەشەیو ئانەیشا کەردەن کە ١٢ تۆڕێ توندڕەوێشا باڵبەسکەردێنێ، کە بە رێکوزتەی گلێرۆبییەیۆ شەوانەی و ئامادەبییەی جە یاگە گرڏییەکانە، بە پنەدای قەولو هامکاری کەردەی دارای هەوڵشا دان جوانێ شارەکەی بەرەو لاو گروپە دژبەرێ و بەرهەڵسکارەکا پەلکێش بکەرا".
